રિલાયન્સ ડિજિટલે બ્લેક ફ્રાઇડે સેલ દરમિયાન આઇફોન એરમાં રૂ. 13,000નું ડિસ્કાઉન્ટ જાહેર કર્યું

રિલાયન્સ ડિજિટલ બ્લેક ફ્રાઇડે સેલ દરમિયાન આઇફોન એર રૂ. 13,000નું ડિસ્કાઉન્ટ જાહેર કરતા હાલમાં તે ઘટાડેલા ભાવે મળી રહ્યો છે. આ વર્ષની શરૂઆતમાં એપલના ફ્લેગશિપ આઇફોન 17 લાઇનઅપ સાથે આઇફોન એર લોન્ચ કરવામાં આવ્યો હતો, અત્યારસુધીના લોન્ચ કરાયેલા ફોનમાં સૌથી પાતળો અને હલકો ફોન હોવાથી અનેક લોકો તે થોડો કિફાયતી મળી શકે તેની રાહ જોતા હોય છે. લોન્ચ સમયે, 256GB બેઝ વેરિઅન્ટની કિંમત રૂ. 1,19,900 થી શરૂ થઈ હતી. આ હેન્ડસેટ રિલાયન્સ ડિજિટલના ચાલુ બ્લેક ફ્રાઇડે સેલ દરમિયાન ખાસ કિંમતે ઉપલબ્ધ છે.

ભારતમાં iPhone Air ની કિંમત રિલાયન્સ ડિજિટલ બ્લેક ફ્રાઈડે સેલ દરમિયાન રૂ. 1,09,990 થી શરૂ થાય છે. જે તેની સામાન્ય કિંમત રૂ. 1,19,900 થી લગભગ રૂ. 10,000 ઓછી છે. હેન્ડસેટના 512GB વેરિઅન્ટની કિંમત રૂ. 1,28,990 છે, જે તેની લોન્ચ કિંમત રૂ. 1,39,900 કરતા લગભગ રૂ. 11,૦૦૦ ઓછી છે.

સેલ ઓફરના ભાગ રૂપે, iPhone Air નો ટોપ-એન્ડ 1 TB સ્ટોરેજ વિકલ્પ રૂ. 1,46,990 માં વેચાઈ રહ્યો છે. આ ડિસ્કાઉન્ટેડ કિંમત રૂ. 1,59,900 ની નિયમિત કિંમત કરતાં લગભગ રૂ. 13,૦૦૦ ઓછી છે.

આપણે iPhone Air ની વિશેષતાઓ જોઈએ તો, iPhone Air એ iOS 26 પર ચાલે છે અને માત્ર eSIM થી ચાલતું ડિવાઈઝ છે. તેમાં 120Hz સુધીના રિફ્રેશ રેટ, 3,000 nits પીક બ્રાઇટનેસ અને ProMotion સાથે 6.5-ઇંચ સુપર રેટિના XDR OLED ડિસ્પ્લે છે. તે છ-કોર CPU, પાંચ-કોર GPU અને 16-કોર ન્યુરલ એન્જિન સાથે જોડાયેલ A19 પ્રો ચિપ દ્વારા સંચાલિત છે, સાથે સેકન્ડ જનરેશનના ડાયનેમિક કેશિંગ અને એપલ ઇન્ટેલિજન્સ સુવિધાઓ માટે સપોર્ટ પણ છે.

iPhone Air ક્લાઉડ વ્હાઇટ, લાઇટ ગોલ્ડ, સ્કાય બ્લુ અને સ્પેસ બ્લેક ફિનિશમાં આવે છે. આ હેન્ડસેટ અત્યાર સુધીનો સૌથી પાતળો iPhone મોડેલ હોવાનો દાવો કરવામાં આવે છે, જેમાં 5.6mm પ્રોફાઇલ છે અને તેનું વજન 165 ગ્રામ છે. Apple એ ઉપકરણના આગળ અને પાછળ બંને બાજુ Ceramic Shield 2 પ્રોટેક્શનનો ઉપયોગ કર્યો છે.

એપલનો સૌથી પાતળો સ્માર્ટફોન 48-મેગાપિક્સલનો ફ્યુઝન મુખ્ય કેમેરાથી સજ્જ છે જેમાં સેન્સર-શિફ્ટ OIS અને 2X ટેલિફોટો ક્ષમતા છે. આગળના ભાગમાં, તેમાં 18-મેગાપિક્સલનો સેન્ટર સ્ટેજ કેમેરા છે, જે બાકીના iPhone 17 લાઇનઅપ સાથે મેળ ખાય છે. કનેક્ટિવિટી એપલની નવી N1 ચિપ સાથે અપગ્રેડ કરવામાં આવી છે, જે Wi-Fi 7 અને બ્લૂટૂથ 6 ને સક્ષમ બનાવે છે, ઝડપી નેટવર્કિંગ માટે વધુ કાર્યક્ષમ C1X મોડેમ સાથે જોડાયેલ છે. તેનું 50 ટકા ચાર્જિંગ 30 મિનિટમાં થઈ શકે છે અને એપલ આખા દિવસની બેટરી લાઇફનો દાવો કરે છે, જે 27 કલાક સુધીનો વિડિઓ પ્લેબેક આપે છે.