Nothing Phone 3a Lite ગુરુવારે ભારતમાં લોન્ચ કરવામાં આવ્યો છે.

Nothing Phone 3a Lite ગુરુવારે ભારતમાં લોન્ચ કરવામાં આવ્યો છે. આ એક મિડરેન્જ સામર્ટફોન છે. કાર્લ પેઈની આગેવાની હેઠળની કંપનીનો આ નવો લોન્ચ કરાયેલો ફોન Nothing Phone 3a સિરીઝમાં નવો ઉમેરો કરે છે. આ હેન્ડસેટ MediaTek Dimensity 7300 Pro ચિપસેટ દ્વારા સંચાલિત છે, જે 8GB રેમ અને 256GB સુધીના ઓનબોર્ડ સ્ટોરેજ સાથે જોડાયેલ છે. Nothing Phone 3a Lite એલર્ટ્સ માટે નવી Glyphy લાઇટ સાથે આવે છે, જે સિગ્નેચર Glyph ઇન્ટરફેસને બદલે છે.ભારતમાં Nothing Phone 3a Lite ની કિંમત,ભારતમાં Nothing Phone 3a Lite ની કિંમત 8GB રેમ અને 128GB ઓનબોર્ડ સ્ટોરેજ સાથેના બેઝ વેરિઅન્ટ માટે રૂ. 20,999 થી શરૂ થાય છે. તે 256GB સ્ટોરેજ સાથે પણ ઉપલબ્ધ છે, જેની કિંમત રૂ. 22,999 છે.લોન્ચ ઓફરના ભાગ રૂપે, ગ્રાહકો ICICI અને OneCard બેંક ઓફર્સનો લાભ લઈને અનુક્રમે 128GB સાથેનો ફોન રૂ. 19,999 અને 256GB કન્ફિગરેશન સાથેનો ફોન રૂ. 21,999 માં ખરીદી શકે છે.

Nothing Phone 3a Lite બ્લેક, બ્લુ અને વ્હાઇટ એમ ત્રણ કલરમાં આવશે. તે 5 ડિસેમ્બરથી Flipkart, Vijay Sales, Croma અને સમગ્ર ભારતમાં તમામ અગ્રણી રિટેલ સ્ટોર્સ દ્વારા વેચાણ માટે ઉપલબ્ધ થશે.

Nothing Phone 3a Lite ના સ્પેસિફિએક્શન્સ

Nothing Phone 3a Lite ડ્યુઅલ-સિમ (નેનો + નેનો) સાથે આવશે તેમજ તે Android 15 પર આધારિત Nothing OS 3.5 પર ચાલે છે. ત્રણ મુખ્ય Android અપગ્રેડ અને છ વર્ષ માટે SMR અપડેટ્સ પણ આપવામાં આવશે.

Nothing Phone 3a Lite ને પાવર આપવા માટે MediaTek Dimensity 7300 Pro ચિપસેટ આપવામાં આવ્યો છે, જે 8GB RAM અને 256GB સુધી ઓનબોર્ડ સ્ટોરેજ સાથે જોડાયેલ છે. તે 8GB સુધી વર્ચ્યુઅલ રેમ એક્સટેન્શન અને 2TB સુધી માઇક્રોએસડી કાર્ડ દ્વારા સ્ટોરેજ વધારાને સપોર્ટ કરે છે.

આ હેન્ડસેટમાં 120Hz રિફ્રેશ રેટ, 3,000 nits પીક બ્રાઇટનેસ (HDR), 387 PPI પિક્સલ ડેન્સિટી અને 2,160Hz PWM ડિમિંગ સાથે 6.77-ઇંચ ફુલ-HD+ (1,080 x 2,392 પિક્સલ્સ) ફ્લેક્સિબલ AMOLED સ્ક્રીન છે.

Nothing Phone 3a Lite માં 5,000mAh બેટરી છે જે 33W વાયર્ડ ફાસ્ટ ચાર્જિંગ સપોર્ટ કરે છે. તે 5W વાયર્ડ રિવર્સ ચાર્જિંગને પણ સપોર્ટ કરે છે. તેની સાઈઝ 164×78×8.3mm છે, અને વજન 199 ગ્રામ છે.

Nothing Phone 3a Liteમાં ટ્રિપલ રીઅર કેમેરા સિસ્ટમ આવશે, જેમાં OIS અને EIS સાથે 50-મેગાપિક્સલનો પ્રાથમિક કેમેરા, 119.5-ડિગ્રી ફીલ્ડ-ઓફ-વ્યૂ (FoV) સાથે 8-મેગાપિક્સલનો અલ્ટ્રા-વાઇડ-એંગલ લેન્સ અને એક ત્રીજો સેન્સર શામેલ છે. તેમાં 16-મેગાપિક્સલનો ફ્રન્ટ કેમેરા છે. તેમાં વિવિધ ફીચર જેવા કે, અલ્ટ્રા XDR ફોટા, પોટ્રેટ મોડ, ઓટો ટોન, નાઇટ મોડ, મેક્રો મોડ અને મોશન કેપ્ચરનો સમાવેશ થાય છે. રીઅર કેમેરા 4K 30fps વિડિઓ રેકોર્ડિંગ અને 1080p 120fps સ્લો-મોશન રેકોર્ડિંગને સપોર્ટ કરે છે.

Nothing Phone 3a Lite ના કનેક્ટિવિટી વિકલ્પોમાં Wi-Fi 6, Bluetooth 5.3, GPS, GLONASS, BDS, Galileo અને QZSSનો સમાવેશ થાય છે. બાયોમેટ્રિક સિક્યોરિટી માટે તેમાં ઇન-ડિસ્પ્લે ફિંગરપ્રિન્ટ સેન્સર પણ છે. Phone 3a Lite ધૂળ અને પાણી સામે સુરક્ષા માટે IP54 રેટિંગ ધરાવે છે અને બંને બાજુ પેનલ માટે Panda Glass પ્રોટેક્શન છે.