OnePlus, OnePlus 15R અને OnePlus Pad Go 2 ડિવાઈઝ 17 ડિસેમ્બરે લોન્ચ કરાસધે

OnePlus, OnePlus 15R અને OnePlus Pad Go 2 ડિવાઈઝ 17 ડિસેમ્બરે ભારત અને વૈશ્વિક બજારોમાં સત્તાવાર રીતે રજૂ થવાના છે. આ અંગેનો એક કાર્યક્રમ બેંગલુરુમાં યોજાશે અને તેમાં તેને લાઇવ લોન્ચ કરાશે. કંપનીના જણાવ્યા મુજબ, આ મુખ્ય કાર્યક્રમ ભારતમાં હજારો OnePlus સમુદાયના સભ્યોની સામે યોજાશે. આ પ્રસંગે બ્રાન્ડની 12મી વર્ષગાંઠની પણ ઉજવણી કરશે. OnePlus એ OnePlus 15R અને OnePlus Pad Go 2 ના કેટલાંક સ્પેસિફિકેશન પણ જાહેર કર્યા છે. ઇવેન્ટને કંપનીની YouTube ચેનલ અને સોશિયલ મીડિયા હેન્ડલ પર પણ લાઇવ સ્ટ્રીમ કરવામાં આવશે. આ ઇવેન્ટ દ્વારા OnePlus માટે લાઇવ કીનોટ ઇવેન્ટ્સમાં પાછા ફરવાનો દાવો કરવામાં આવે છે.

OnePlus 15R ના સ્પેસિફિકેશન

OnePlus 15R Snapdragon 8 Gen 5 SoC થી સંચાલિત થશે. આ ચિપસેટ સાથે લોન્ચ થનાર તે પહેલો હેન્ડસેટ બનશે. તેને Qualcomm સાથે કો -ઑપ્ટિમાઇઝ કરવામાં આવ્યો છે. ફોનમાં નવી G2 Wi-Fi ચિપ અને ટચ રિસ્પોન્સ ચિપ પણ આપવામાં આવી છે.

OnePlus 15R માં 1.5K AMOLED સ્ક્રીન આવશે અને તેમાં 165Hz રિફ્રેશ રેટ રહેશે. જે ફ્લેગશિપ OnePlus 15 જેવી જ છે. તેમાં 450PPI પિક્સેલ ઘનતા અને 1,800 nits ની પીક બ્રાઇટનેસ હશે. OnePlus કહે છે કે ડિસ્પ્લે 2 nits થી 1,800 nits ની બ્રાઈટનેસને સપોર્ટ કરે છે.

આગામી હેન્ડસેટમાં કોમ્પ્યુટેશનલ ફોટોગ્રાફી માટે બ્રાન્ડનું માલિકીનું Detailmax એન્જિન હશે. OnePlus 15 માં જોવા મળતી ત્રણેય અદ્યતન તકનીકો - અલ્ટ્રા ક્લિયર મોડ, ક્લિયર બર્સ્ટ અને ક્લિયર નાઇટ એન્જિન - OnePlus 15R માં પણ છે.

OnePlus Pad Go 2 સ્પેસિફિકેશન

OnePlus Pad Go 2 એક મિડ-રેન્જ ટેબ્લેટ તરીકે લોન્ચ કરાઈ રહ્યું છે. તેમાં 2.8K રિઝોલ્યુશન, 284PPI પિક્સેલ ઘનતા, 900 nits પીક બ્રાઇટનેસ અને 98 ટકા DCI-P3 કલર ગેમટ કવરેજ સાથે 12.1-ઇંચની સ્ક્રીન આપવામાં છે. તે ડોલ્બી વિઝનને પણ સપોર્ટ કરે છે અને TUV Rheinland Smart Care 4.0 પ્રમાણપત્ર ધરાવે છે.
બ્રાન્ડ મુજબ, OnePlus Pad Go 2 માં મોટા ડિસ્પ્લે પર મલ્ટીટાસ્કીંગ માટે સ્વ-વિકસિત ઓપન કેનવાસ સોફ્ટવેર પણ હશે. તે સાહજિક ટચ કંટ્રોલ ઓફર કરે છે, જેનો ઉપયોગ કરીને વપરાશકર્તાઓ સ્પ્લિટ-સ્ક્રીન મોડને સક્રિય કરી શકે છે અને વિવિધ વિન્ડો વચ્ચે સ્વિચ કરી શકે છે.