Xiaomi 17 Ultra 25 ડિસેમ્બરે ચીનમાં લોન્ચ લોન્ચ થઈ રહ્યો છે.

Xiaomi 17 Ultra 25 ડિસેમ્બરે ચીનમાં લોન્ચ લોન્ચ થઈ રહ્યો છે. આ અંગેની જાણકારી કંપનીએ સોમવારે કરી હતી. આ Xiaomi 15 Ultra ના અનુગામી તરીકે આવશે, જે નવી ફ્લેગશિપ Xiaomi 17 સિરીઝનું ટોપ મોડેલ છે. ચાઇનિઝ કંપની Xiaomi એ તેની ડિઝાઇન પણ જાહેર કરી છે અને તેમાં બેક સાઇડ એક મોટો ગોળાકાર કેમેરા ડેકોરેશન જોઈ શકાય છે. Xiaomi એ Weibo પર એક પોસ્ટમાં, જાહેરાત કરી કે Xiaomi 17 Ultra ચીનમાં 25 ડિસેમ્બરના રોજ સ્થાનિક સમય મુજબ સાંજે 7 વાગ્યે (ભારતીય સમય મુજબ 4:30 વાગ્યે) Xiaomi x Leica ઇમેજિંગ સ્ટ્રેટેજિક કોઓપરેશન અપગ્રેડ ઇવેન્ટમાં લોન્ચ કરવામાં આવશે.

Xiaomi 17 Ultraમાં ટ્રિપલ રીઅર કેમેરા આવશે, જેમાં 50-મેગાપિક્સલનો પ્રાથમિક કેમેરા 1-ઇંચ OmniVision OV50X સેન્સર અને Leica-બ્રાન્ડેડ 200-મેગાપિક્સલ પેરિસ્કોપ ટેલિફોટો સેન્સર સાથે હશે. તેમાં એક નવી ટેલિફોટો ઓપ્ટિકલ સિસ્ટમના સમાવેશ કરાશે તેમજ ઓછા પ્રકાશમાં પણ સારી ફોટોગ્રાફી ક્ષેત્રે પણ "વિશાળ છલાંગ" ભરશે તેવી જાહેરાત પણ કંપની કરી રહી છે.

ટીઝર ઇમેજમાં Xiaomi 17 Ultra ના બ્લેક અને વ્હાઇટ કલરમાં જોઈ શકાય છે. તેની ડિઝાઇન 15 Ultra જેવી લાગે છે જો કે, પાછળનો ભાગ કેમેરા આઇલેન્ડ દ્વારા કવર કરાયો છે. કેમેરાના ડેકોની અંદર Leica બ્રાન્ડિંગ દર્શાવવામાં આવ્યું છે.
અન્ય એક ટીઝરમાં Xiaomi 17 Ultra નો Starry Sky Green (ચાઇનીઝમાંથી અનુવાદિત) કલર દર્શાવાયો છે. Xiaomi ના પ્રમુખ લુ વેઇબિંગના જણાવ્યા મુજબ, તેમાં તારાઓવાળા આકાશ જેવા ઓર પાર્ટિકલ્સનો સમાવેશ થાય છે. આ વેરિઅન્ટ iPhoneના અગાઉના મોડેલો જેવા સેગ્મેન્ટેડ અને ગોળાકાર વોલ્યુમ બટનો હોવાની પુષ્ટિ કરવામાં આવી છે, સાથે સાથે મોટી R-એંગલ 2D ફ્લેટ સ્ક્રીન પણ છે.

Xiaomi 17 Ultraની જાડાઈ 8.29mm રહેશે જે કંપનીનું અત્યાર સુધીનું સૌથી પાતળું અલ્ટ્રા મોડેલ છે.

Xiaomi 17 Ultra દ્વારા લેવાયેલી પહેલી કેમેરા સેમ્પલ ફોટો તેની ક્ષમતાઓ દર્શાવે છે. તેમાં, 64 થી ઓછા ISO અને 1/50s ની શટર સ્પીડ પર ફોટો કેપ્ચર કર્યો છે. સેન્સર f/1.67 એપરચરનો ઉપયોગ કરે છે. Xiaomi 17 Ultra વિશે વધુ વિગતો 25 ડિસેમ્બરના રોજ લોન્ચ થાય તે પહેલાં જ બહાર આવશે તેવી અપેક્ષા રાખી શકાય છે.