Lava Bold N2 આજે ભારતમાં લોન્ચ થઈ રહ્યો છે.

Lava Bold N2 આજે ભારતમાં લોન્ચ થઈ રહ્યો છે. હેન્ડસેટના લોન્ચિંગને "બી ફિયરલેસ, બી બોલ્ડ" ટેગલાઇન સાથે ટીઝ કરવામાં આવ્યું છે. નોઈડા સ્થિત સ્માર્ટફોન નિર્માતા કંપનીએ સોમવારે જાહેરાત કરી હતી કે Lava Bold N2 ભારતમાં લોન્ચ થશે. આ સ્માર્ટફોન બે કલરમાં ઈ-કોમર્સ પ્લેટફોર્મ દ્વારા દેશમાં ખરીદી માટે વિશિષ્ટ રીતે ઉપલબ્ધ હોવાની પુષ્ટિ કરવામાં આવી છે. આ સ્માર્ટફોન ગયા વર્ષના Lava Bold N1 ના અનુગામી તરીકે રજૂ કરાયો છે, જે મે 2025 માં ભારતમાં Unisoc 9863A ચિપસેટ અને 5,000mAh બેટરી સાથે રજૂ કરવામાં આવ્યો હતો. કંપનીએ તાજેતરમાં પુષ્ટિ કરી છે કે Bold N2 ડ્યુઅલ રીઅર કેમેરા સેટઅપ સાથે આવશે, જેમાં 13-મેગાપિક્સલનો મુખ્ય કેમેરા હશે.

નોઈડા સ્થિત સ્માર્ટફોન નિર્માતા કંપનીએ X પરની એક પોસ્ટમાં Lava Bold N2 ભારતમાં 17 ફેબ્રુઆરીએ સ્થાનિક સમય મુજબ બપોરે 12 વાગ્યે લોન્ચ કરવામાં આવશે તેવી જાહેરાત કરી છે.

સ્માર્ટફોન નિર્માતાએ એવી પણ જાહેરાત કરી છે કે નવો બોલ્ડ N2 ફક્ત એમેઝોન દ્વારા દેશમાં ખરીદી માટે ઉપલબ્ધ થશે. જોકે, કંપનીએ હજુ સુધી ટૂંક સમયમાં લોન્ચ થનારા Lava Bold N2 ના ડિસ્પ્લે કદ, બેટરી ક્ષમતા, ચિપસેટ અને કિંમતની વિગતો સહિત અન્ય વિગતો જાહેર કરી નથી.

સ્માર્ટફોન માટે એક સમર્પિત માઇક્રોસાઇટ એમેઝોન પર લાઇવ કરવામાં આવી હતી, જેમાં તેની ડિઝાઈન ઉપરાંત તે દેશમાં ઓછામાં ઓછ ગ્રે અને બ્લેક ક્લરમાં ખરીદી માટે ઉપલબ્ધ હશે.

Lava Bold N2 ને ડ્યુઅલ રીઅર કેમેરા યુનિટથી સજ્જ હોવાનું ટીઝ કરવામાં આવ્યું છે, જે ચોરસ આકારના કેમેરા મોડ્યુલની અંદર રાખવામાં આવ્યું છે. ફોનમાં પાછળના ભાગમાં 13-મેગાપિક્સલનો પ્રાથમિક કેમેરા હોવાની પુષ્ટિ કરવામાં આવી છે, જે LED ફ્લેશ સાથે જોડાયેલ છે.
Lava Bold N2 ની ડિઝાઇન જોઈએ તો, કંપનીનું બ્રાન્ડિંગ ફ્લેટ રીઅર પેનલની નીચેની તરફ ડાબી બાજુએ રહેશે. તેમાં, ફ્લેટ મેટલ ફ્રેમ, જમણી બાજુએ પાવર બટન અને વોલ્યુમ કંટ્રોલ પણ હશે. બોલ્ડ N2 ને USB ટાઇપ-સી પોર્ટ, 3.5mm ઓડિયો જેક અને નીચેની બાજુ સ્પીકર ગ્રિલ સાથે ટીઝ કરવામાં આવ્યું છે.

લાવા બોલ્ડ N2 એ એક બજેટ સ્માર્ટફોન છે જે રોજિંદા કાર્યો માટે મધ્યમ પ્રદર્શન, મોટી બેટરી, વિશ્વસનીય કનેક્ટિવિટી અને મૂળભૂત કેમેરા ઇચ્છતા વપરાશકર્તાઓ માટે બનાવવામાં આવ્યો છે.

Lava Bold N1 મે 2025 માં ભારતમાં 5,999 રૂપિયાની શરૂઆતની કિંમત સાથે લોન્ચ કરવામાં આવ્યો હતો. તે રેડિયન્ટ બ્લેક અને સ્પાર્કલિંગ આઇવરી કલર વેમાં ઓફર કરવામાં આવે છે. તેમાં 90Hz સુધીના રિફ્રેશ રેટ સાથે 6.75-ઇંચ HD+ ડિસ્પ્લે છે. તે યુનિસોક 9863A ચિપસેટટી સંચાલિત છે, જે 5,000mAh બેટરીથી સજ્જ છે.