Oppo F33 Pro આવ્યો માર્કેટમાં : 120Hz AMOLED ડિસ્પ્લે અને 50MP કેમેરા સાથે

છેલ્લા કેટલાક અઠવાડિયાથી સોશિયલ મીડિયા પર વધારે ચર્ચા બાદ , Oppo એ ભારતમાં પોતાની નવી Oppo F33 સિરીઝ લોન્ચ કરી છે . આ સિરીઝમાં Oppo F33 અને Oppo F33 Pro બંને સ્માર્ટફોન સામેલ છે , જે અલગ અલગ કિંમતોમાં આવે છે .Oppo F33 ની કિંમત રૂપિયા 31,999 છે જયારે Oppo F33  Pro ની કિંમત રૂપિયા 37,999   થી શરૂ થાય છે . આ બંને ડિવાઈસમાં ઘણા સ્પેસિફિકેશન્સ સમાન દેખાય છે પરંતુ Pro વર્ઝનમાં નવી ડિઝાઈન અને પ્રીમિયમ ટચ આપવામાં આવ્યો છે  .

કિંમત અને ઑફર્સ :
Oppo F33 Pro ના બેઝ વેરિઅન્ટની કિંમત રૂપિયા 37,999 રાખવામાં આવી છે , જયારે 8GB RAM અને 256GB સ્ટોરેજ વેરિઅન્ટ રૂપિયા 40,999 સુધી જાય છે . કંપની દ્રારા ગ્રાહકો માટે આકર્ષક ઑફર્સ પણ આપવામાં આવી છે , જેમાં 10% ઇન્સ્ટન્ટ કેશબેક , 10 % સુધી એક્સચેન્જ બોનસ અને 180 દિવસનું વન ટાઈમ સ્ક્રીન રિપ્લેસમેન્ટ  સામેલ છે .

The Oppo F33 Pro ફોન ત્રણ કલરમાં ઉપલબ્ધ છે

ડિઝાઈન અને લુક :
Oppo F33 Pro માં કંપનીએ નવી ડિઝાઈન અપનાવી છે , જે તેને અન્ય સ્માર્ટફોનથી અલગ બનાવે છે . આ ફોન પેશન રેડ , સ્ટેરી બ્લુ અને મિસ્ટી ફોરેસ્ટ જેવા  ત્રણ કલરમાં ઉપલબ્ધ છે . ખાસ કરીને મિસ્ટી ફોરેસ્ટ વેરિએન્ટમાં 3D ડેપ્થ લેયર્ડ કોટિંગ આપવામાં આવ્યું છે , જે લાઈટ  મુજબ અલગ અલગ ઇફેક્ટ આપે છે અને જંગલ જેવી ડેપ્થ ફિલિંગ બનાવે છે .

કંપનીએ બેક પેનલ માટે કોલ્ડ સ્ક્લ્પટિંગ ટેક્નોલોજીનો ઉપયોગ કર્યો છે , જેના કારણે ફોનનું ફિનિશ સ્મૂથ અને પ્રીમિયમ લાગે છે . ફ્લેટ ફ્રેમ ડિઝાઈન ફોનને હોલ્ડ કરવામાં વધુ  કમ્ફર્ટેબલ બનાવે છે .
 

Oppo F33 Pro માં 6.57 ઈંચનું Full HD + AMOLED ડિસ્પ્લે

ડિસ્પ્લે :
Oppo F33 Pro માં 6.57 ઈંચનું Full HD + AMOLED ડિસ્પ્લે આપવામાં આવ્યું છે , જે 2372 x 1080 પિક્સેલ રિઝોલ્યુશન સાથે આવે છે . ફોનમાં 120Hz રિફ્રેશ રેટ , 1,400 nits સુધીની પીક બ્રાઇટનેસ અને 100% DCI-P3 કલર ગેમટ મળે છે . શરૂઆતના ઉપયોગમાં ડિસ્પ્લે શાર્પ અને બ્રાઇટ અનુભવ આપે છે , ખાસ કરીને વિડીયો જોતી વખતે  બ્લેક કલર વધુ ગાઢ દેખાય છે .

કેમેરા :
 ફોટોગ્રાફી માટે Oppo F33 Pro માં ડયુઅલ રિયર કેમેરા સેટઅપ આપવામાં આવ્યો છે , જેમાં 50MP નો પ્રાઈમરી સેન્સર અને 2MP નો ડેપ્થ સેન્સર સામેલ  છે  . સેલ્ફી અને વિડીયો કોલિંગ માટે આગળની તરફ 16MP નો કેમેરા આપવામાં આવ્યો છે .

Oppo F33 Proમાં  Media Tek Dimensity 6360 Max પ્રોસેસર આપવામાં આવ્યો છે.

પરફોર્મન્સ અને બેટરી :
આ ફોનમાં Media Tek Dimensity 6360 Max પ્રોસેસર આપવામાં આવ્યો છે , જે એક નવો ચિપસેટ માનવામાં આવે છે . તેમાં 8GB LPDDR4X  RAM અને 256GB UFS 2.2 સ્ટોરેજ મળે છે .  

આ સ્માર્ટફોન ColorOS 16 પર ચાલે છે . બેટરી માટે 7,000mAh ની મોટી બેટરી સાથે 80W ફાસ્ટ ચાર્જિંગ સપોર્ટ આપવામાં આવ્યો છે .

Oppo F33 Pro તેની નવી 3D લેયર્ડ ડિઝાઈન અને પ્રીમિયમ લુક સાથે ધ્યાન ખેંચે છે . જોકે , આ પ્રાઇસ સેગમેન્ટમાં તેને OnePlus Nord 6, Realme 16 અને Nothing Phone 4a Pro જેવા મજબૂત સ્પર્ધકોનો સામનો કરવો પડશે .