મોટોરોલા એજ 60 ફ્યૂઝન ભારતમાં આવી રહ્યું છે! તમે તૈયાર છો?

મોટોરોલા ટૂંક સમયમાં તેની નવી એજ 60 સિરીઝ લૉન્ચ કરવા જઈ રહ્યું છે, જેમાં મોટોરોલા એજ 60 ફ્યૂઝન એક મહત્વપૂર્ણ સ્માર્ટફોન હશે. આ ફોન મોટોરોલા એજ 50 ફ્યૂઝન નો વારસદાર હશે, જે મે 2024માં ભારતમાં રજૂ થયો હતો. ફ્લિપકાર્ટ પર એક પ્રમોશનલ વિડિયો દ્વારા મોટોરોલા એ નવા એજ સિરીઝના લૉન્ચની ઝલક આપી છે. આ વિડિયો ફોનના નામની પૃષ્ટિ કરતું નથી, પરંતુ 'એક્સપિરિયન્સ ધ એજ, લિવ the ફ્યૂઝન ' ટૅગલાઇન પરથી મોટોરોલા એજ 60 ફ્યૂઝન હોવાનો અંદાજ લગાવવામાં આવ્યો છે.

મોટોરોલા એજ 60 ફ્યૂઝન લૉન્ચ અને ઉપલબ્ધતા

ફ્લિપકાર્ટ પર દર્શાવેલા ટીઝરમાં ફોનની ઉપલબ્ધતા જાહેર કરવામાં આવી છે, જેનાથી એ સ્પષ્ટ થાય છે કે લૉન્ચ પછી ગ્રાહકો તેને ફ્લિપકાર્ટ પરથી ખરીદી શકશે. જોકે, હાલ સુધી કંપનીએ આ ફોનના સ્પષ્ટ લૉન્ચ ડેટ અને અન્ય સ્પષ્ટીકરણો જાહેર કર્યા નથી.

મોટોરોલા એજ 60 ફ્યૂઝન ડિઝાઇન અને કલર ઓપ્શન

ટિપસ્ટર એવન બ્લાસ દ્વારા મોટોરોલા એજ 60 ફ્યૂઝન ના રેન્ડર્સ શેર કરવામાં આવ્યા છે, જેમાં તેના ડિઝાઇનની ઝલક મળી છે. ફોનમાં મોટોરોલા એજ 50 ફ્યૂઝન ની જેમ જ પ્યોર ડિઝાઇન રાખવામાં આવી છે, પણ આ વખતે ડ્યુઅલ કેમેરા બદલે ટ્રિપલ કેમેરા સેટઅપ આપવમાં આવ્યો છે. સ્ક્વેર આઇલેન્ડમાં ગોળાકાર LED ફ્લૅશ યુનિટ જોવા મળી રહ્યો છે.

ફોનનો મુખ્ય કેમેરા 50-મેગાપિક્સલ સોની LYTIA સેન્સર સાથે ઓપ્ટિકલ ઇમેજ સ્ટેબિલાઇઝેશન (OIS) સપોર્ટ ધરાવશે. ફોનની સ્ક્રીન ક્વૉડ-કર્વ્ડ હશે અને તેમાં થિન બેઝલ્સ અને સેન્ટ્રલ હોલ-પંચ કેમેરા દેખાશે.
મોટોરોલા એજ 60 ફ્યૂઝન ના લીક થયેલા રેન્ડર્સ મુજબ ફોન લાઈટ બ્લુ, સેલ્મન (લાઈટ પિંક), અને લાવેન્ડર (લાઈટ પર્પલ) કલરમાં ઉપલબ્ધ થશે. અગાઉના લીક્સ અનુસાર યુરોપિયન માર્કેટ માટે તેનો અંદાજિત ભાવ લગભગ Rs. 33,100 રહેશે અને તે 8GB + 256GB વેરિઅન્ટમાં આવશે.

મોટોરોલા એજ 50 ફ્યૂઝન સામે મોટોરોલા એજ 60 ફ્યૂઝન

મોટોરોલા એજ 50 ફ્યૂઝન , જે ભારતમાં Rs. 22,999 અને Rs. 24,999 ની કિંમતે ઉપલબ્ધ છે, સ્નેપડ્રેગન 7s Gen 2 પ્રોસેસર, 5,000mAh બેટરી (68W ફાસ્ટ ચાર્જિંગ), 144Hz pOLED ડિસ્પ્લે અને 50-મેગાપિક્સલ ડ્યુઅલ રિયર કેમેરા સાથે આવ્યો હતો. મોટોરોલા એજ 60 ફ્યૂઝન માં વધુ અપગ્રેડસ સાથે નવી સુવિધાઓ ઉમેરવામાં આવી શકે છે, જેને કારણે આ સ્માર્ટફોન સ્પર્ધાત્મક ભાવ પર એક મજબૂત વિકલ્પ બની શકે છે.