મોટોરોલા તેનો પહેલો બુક-સ્ટાઇલ ફોલ્ડેબલ સ્માર્ટફોન લોન્ચ કરી રહી છે

મોટોરોલા ટૂંક સમયમાં તેનો પહેલો બુક-સ્ટાઇલ ફોલ્ડેબલ સ્માર્ટફોન લોન્ચ કરી રહી છે, જે સેમસંગ ગેલેક્સી ઝેડ ફોલ્ડ 7 જેવા ફોલ્ડેબલ સ્માર્ટફોન સામે હરીફાઈ કરશે. તેના ઇન્વાઇટ પેકેજ અને ટ્રેલરમાંથી મળેલી પ્રોમો માહિતી નવા ફોનની સ્પષ્ટ ઝલક આપી રહી છે. એક ટિપસ્ટરના જણાવ્યા મુજબ, મોટોરોલા રેઝર ફોલ્ડ 2026 માં સ્માર્ટફોન નિર્માતાના પ્રથમ બુક-સ્ટાઇલ ફોલ્ડિંગ હેન્ડસેટ તરીકે લોન્ચ કરવામાં આવશે. જે આ વર્ષના અંતમાં પણ ડેબ્યૂ કરી શકે છે. તાજેતરમાં, ઘણા પત્રકારોને મોટોરોલા તરફથી CES 2026 માટે આમંત્રણ મળ્યું હતું. આમંત્રણ પેકના ભાગ રૂપે, કંપનીએ લાકડાના કવર સાથે એક ડાયરીનો સમાવેશ કર્યો હતો જેના ઉપર "Every fold reveals a possibility" લખાણ હતું. 6 જાન્યુઆરી, મંગળવારથી શરૂ થતા કન્ઝ્યુમર ઇલેક્ટ્રોનિક્સ શો (CES) 2026 દરમિયાન મોટોરોલા રેઝર ફોલ્ડનો પ્રથમ દેખાવ દર્શાવવામાં આવે તેવી અપેક્ષા છે. તે સેમસંગની ગેલેક્સી ઝેડ ફોલ્ડ શ્રેણી, ગૂગલની પિક્સેલ ફોલ્ડ લાઇનઅપ અને એપલના કથિત આઇફોન ફોલ્ડ સાથે સ્પર્ધા કરશે. મોટોરોલા, તેની વર્ટિકલી ફોલ્ડિંગ રેઝર શ્રેણી માટે જાણીતી છે, તેણે મે 2025 માં ભારતમાં 7-ઇંચ ફોલ્ડેબલ ડિસ્પ્લે સાથે રેઝર 60 અલ્ટ્રા લોન્ચ કર્યો હતો.

મોટોરોલા રેઝર ફોલ્ડ ક્યારે આવશે?

X પરની એક પોસ્ટમાં, ટિપસ્ટર ઇવાન બ્લાસ (@evleaks) એ સ્માર્ટફોન નિર્માતાના આગામી ફોલ્ડેબલ ફોન માટે એક પ્રમોશનલ બેનર શેર કર્યું છે. મોટોરોલા રેઝર ફોલ્ડ તરીકે ઓળખાતો આ હેન્ડસેટ આ વર્ષના અંતમાં ટેક કંપનીના પ્રથમ ફોન તરીકે બુક-સ્ટાઇલ ફોલ્ડ પેટર્નમાં લોન્ચ કરાશે. ફોલ્ડેબલ ફોનમાં ઘણા AI ટૂલ્સ હશે. જ્યારે હજુ સુધી સત્તાવાર જાહેરાત કરવામાં આવી નથી, ટેક કંપની આગામી મહિનાઓમાં વધુ વિગતો જાહેર કરે તેવી અપેક્ષા છે.

માર્કેટિંગ ડેકમાંથી એક સ્લાઇડ પર આધારિત છે જે ફોલ્ડના કેમેરા સિસ્ટમ અને ડિસ્પ્લે વિશે વાત કરે છે, અને AI નો ઉલ્લેખ કરીને જાહેર કરે છે કે તે "ફોલ્ડેબલ ડિવાઇસમાં શું શક્ય છે તે માટે નવું ધોરણ" સેટ કરશે.

તાજેતરમાં, સેમસંગે તેનો પહેલો બે વાર ફોલ્ડ થઈ શકે તેવો ફોન, ગેલેક્સી ઝેડ ટ્રાઇફોલ્ડ પણ લોન્ચ કર્યો, જે બજારમાં ફોલ્ડેબલની ફોનની માંગ વધી રહી છે તેમ દર્શાવે છે. ગૂગલ પણ તેના પિક્સેલ ફોલ્ડ લાઇનઅપ સાથે, પણ આ જ બજારમાં સ્પર્ધા કરી રહી છે.
અગાઉ ઉલ્લેખ કર્યો છે તેમ, મોટોરોલાએ અત્યાર સુધી ફક્ત વર્ટિકલી ફોલ્ડિંગ સ્માર્ટફોન જ લોન્ચ કર્યા છે. જો કે, વધુ ને વધુ OEMs આ માર્કેટમાં આવી રહ્યા છે એપલ પણ આઇફોન ફોલ્ડ સાથે ઉતરી રહ્યું છે ત્યારે મોટોરોલા પણ વધતા બજારનો હિસ્સો મેળવવાનો પ્રયાસ કરી શકે છે.

અત્રે ઉલ્લેખનીય છે કે, સિગ્નેચર સ્માર્ટફોન 7 જાન્યુઆરીએ લોન્ચ કરાશે.
જે માત્ર 6.99mm જેટલો પાતળો હશે અને તેનું વજન 186 ગ્રામ હશે તેમાં 6.8-ઇંચની "એક્સ્ટ્રીમ AMOLED" સ્ક્રીન, 5,200mAh બેટરી, 90W ટર્બોપાવર વાયર્ડ ચાર્જિંગ અને 50W ટર્બોપાવર વાયરલેસ ચાર્જિંગ રહેશે.