oneplus 15R ભારતમાં 17 ડિસેમ્બરે લોન્ચ કરાશે

OnePlus દ્વારા ભારતમાં તેનો નવો સ્માર્ટફોન oneplus 15R ભારતમાં 17 ડિસેમ્બરે લોન્ચ કરાશે. આ ડિવાઇઝ OnePlus Pad Go 2 સાથે રજૂ કરવામાં આવશે. જે OnePlus 15 સિરીઝમાં નવો ઉમેરો કરશે. તેનું વેચાણ એમેઝોન અને કંપનીના ઓનલાઇન સ્ટોર દ્વારા કરાશે. oneplus 15R ક્વાલકોમના ટૂંક સમયમાં લોન્ચ થનારા સ્નેપડ્રેગન 8 Gen 5 ચિપસેટ દ્વારા સંચાલિત હશે. તેને ડ્યુઅલ રીઅર કેમેરા સાથે ટીઝ કરાયો છે. જ્યારે OnePlus Pad Go 2 માં સિંગલ રીઅર કેમેરા હશે.ચીની સ્માર્ટફોન નિર્માતાએ OnePlus 15R અને OnePlus Pad Go 2 ભારતમાં લોન્ચને પુષ્ટિ આપી છે. OnePlus 15R ચારકોલ બ્લેક અને મિન્ટી ગ્રીન કલર વિકલ્પોમાં ઉપલબ્ધ થશે, જ્યારે OnePlus Pad 2 શેડો બ્લેક અને લવંડર ડ્રિફ્ટ કલરમાં મળશે. આ મહિનાની શરૂઆતમાં ભારતમાં રજૂ કરવામાં આવેલા ફ્લેગશિપ OnePlus 15 મોડેલમાં આ નવા ફોન જોડાશે.

તે ધૂળ અને પાણી સામે રક્ષણ માટે તેને IP66 + IP68 + IP69 + IP69K રેટિંગ મળ્યું છે. OnePlus 15R માં ડ્યુઅલ રીઅર કેમેરા પણ હશે, જે લંબચોરસ કેમેરા મોડ્યુલની અંદર રાખવામાં આવશે. તેમાં જમણી બાજુએ પાવર બટન અને વોલ્યુમ કંટ્રોલ હશે, જ્યારે ડાબી બાજુએ એક અન્ય બટન હશે. તેની કામગીરી હજુ દર્શાવાઈ નથી. તે ભારતમાં OxygenOS સાથે આવશે. આ સ્માર્ટફોનમાં 165GHz રિફ્રેશ રેટ સપોર્ટ સાથે OLED ડિસ્પ્લે હશે.

OnePlus 15R એ OnePlus Ace 6T નું વૈશ્વિક સંસ્કરણ હોવાની અપેક્ષા છે, જે ટૂંક સમયમાં ચીનમાં રજૂ કરવામાં આવશે. વધુમાં, તે Qualcomm ના Snapdragon 8 Gen 5 SoC દ્વારા સંચાલિત હોવાનું કહેવાય છે, જે 26 નવેમ્બરે લોન્ચ થવાનું છે. આ ઉપરાંત, તેમાં 50-મેગાપિક્સલનો પ્રાથમિક સેન્સર અને 8-મેગાપિક્સલનો અલ્ટ્રાવાઇડ કેમેરા હોઈ શકે છે. તેમાં, 16GB સુધી LPDDR5x અલ્ટ્રા રેમ અને 1TB સુધી UFS 4.1 ઓનબોર્ડ સ્ટોરેજ આવશે.

OnePlus Pad Go 2 માં સ્ટાઇલસ સપોર્ટ હશે, જેને OnePlus Pad Go 2 Stylo કહેવામાં આવશે. તે સિંગલ રીઅર કેમેરા સેટઅપથી સજ્જ હશે. આવનારું ટેબ્લેટ 5G કનેક્ટિવિટી સાથે પણ આવશે. તે દેશમાં ઓક્ટોબર 2023 માં લોન્ચ થયેલા OnePlus Pad Go ના અનુગામી તરીકે ડેબ્યૂ કરશે.