Oppo Find X8 Pro પ્રીમિયમ સ્માર્ટફોન વાજબી ભાવે ખરીદવાનો શ્રેષ્ઠ સમય

ઓપ્પોએ તાજેતરમાં ભારતમાં Oppo Find X9 સિરીઝ લોન્ચ કરી છે, જેમાં Find X9 અને Find X9 pro નો સમાવેશ થાય છે. નવા સ્માર્ટફોનના લોન્ચ સાથે તેના અગાઉ લોન્ચ થયેલા પ્રીમિયમ કેટેગરીમાં આવતા Oppo Find X8 Pro ની કિંમતમાં ફ્લિપકાર્ટ પર નોંધપાત્ર ઘટાડો થયો છે. પ્રમાણમાં સસ્તા ભાવે પ્રીમિયમ સ્માર્ટફોન ખરીદવા માંગતા ખરીદદારો માટે એક શ્રેષ્ઠ વિકલ્પ બને છે. ફાઇન્ડ X8 પ્રો તેના અદ્યતન કેમેરા સેટઅપ, લાંબી બેટરી લાઇફ અને સ્ટાઇલિશ ડિઝાઇન સાથે અલગ પડે છે. Oppo Find X8 Pro ભારતમાં રૂ. 99,999 માં લોન્ચ કરવામાં આવ્યો હતો. ફ્લિપકાર્ટ પર, આ પ્રીમિયમ સ્માર્ટફોન હાલમાં રૂ. 84,999 માં લિસ્ટેડ છે – આમ, ફ્લેટ રૂ.15,000 રૂપિયાનું ડિસ્કાઉન્ટ છે. આ ઉપરાંત, તમે Flipkart Axis/SBI ક્રેડિટ કાર્ડનો ઉપયોગ કરીને ચુકવણી કરતી વખતે રૂ. 4,000 નું વધારાનું ડિસ્કાઉન્ટ મેળવી શકો છો.

Oppo Find X8 Pro માં 120Hz રિફ્રેશ રેટ, 4,500 nits સુધીની પીક બ્રાઇટનેસ અને ડોલ્બી વિઝન સપોર્ટ સાથે 6.78-ઇંચ AMOLED ડિસ્પ્લે છે. આ ડિવાઇઝ MediaTek Dimensity 9400 ચિપસેટ પર ચાલે છે અને 5,910mAh બેટરી તેમજ 80W વાયર્ડ ફાસ્ટ ચાર્જિંગ અને 50W વાયરલેસ ચાર્જિંગ સપોર્ટ સાથે આવે છે.

ઓપ્ટિક્સની વાત કરીએ તો, Find X8 Pro માં ક્વોડ રીઅર કેમેરા સેટઅપ છે: જેમાં, 50MP Sony LYT808 મુખ્ય કેમેરા, 3x ઓપ્ટિકલ ઝૂમ સાથે 50MP Sony LYT600 પેરિસ્કોપ ટેલિફોટો લેન્સ, 6x ઓપ્ટિકલ ઝૂમ અને 120x ડિજિટલ ઝૂમ સાથે 50MP Sony IMX858 સેન્સર, અને 50MP Samsung અલ્ટ્રાવાઇડ લેન્સ આવે છે. સેલ્ફી અને વિડીયો કોલ માટે, તેમાં, 32MP કેમેરા છે.

Oppo Find X8 Proને 16GB રેમ અને 512GB સ્ટોરેજ સાથે લોન્ચ કરવામાં આવ્યો હતો. ફ્લેગશિપ સ્માર્ટફોન પર્લ વ્હાઇટ અને સ્પેસ બ્લેક કલર વિકલ્પો સાથે મળે છે.

Oppo Find X9 સિરીઝ નવેમ્બર 2025માં લોન્ચ કરાઈ હતી. તેમાં, Dimensity 9500/Snapdragon 8 Gen 3 પ્રોસેસર્સ, લાંબી બેટરી લાઇફ (7025mAh), અને અલ્ટ્રા-સ્લિમ બેઝલ સાથે AMOLED ડિસ્પ્લે છે, જે ફોટોગ્રાફી અને પર્ફોર્મન્સ પર ફોકસ કરે છે, સાથે ColorOS 16 અને AI ફીચર્સ પણ છે.