Samsung Galaxy S26 નું લોન્ચ પાછું ઠેલાયું છે

Samsung Galaxy S26 નું લોન્ચ પાછું ઠેલાયું છે અને એક નવા અહેવાલ મુજબ, સેમસંગના વિલંબિત ગેલેક્સી S26 લોન્ચને કારણે આખી સિરીઝની રિલીઝ તારીખ માર્ચના મધ્યમાં જાહેર થશે. ડીલેબ્સ અહેવાલ પ્રમાણે S26, S26+ અને S26 અલ્ટ્રા ફ્રાન્સમાં 11 માર્ચ રિલીઝ કરશે. આ રિલીઝ 26 ફેબ્રુઆરીના રોજ લોન્ચ ઇવેન્ટ પછી કરવામાં આવશે. ફ્રાન્સમાં સ્થાનિક સમય મુજબ સાંજે 7 વાગ્યે અથવા બપોરે 12 વાગ્યે ET / સવારે 9 વાગ્યે PT થશે. જ્યારે Galaxy S26 સિરીઝની રિલીઝ તારીખો એક સાથે નહીં કરાય પરંતુ પ્રદેશો પ્રમાણે અલગ અલગ કરવામાં આવશે. ફ્રાન્સમાં 11 માર્ચે રિલીઝ થવાની શક્યતા એ જ તારીખ હશે જે આપણે યુનાઇટેડ સ્ટેટ્સ, યુરોપના અન્ય ભાગો અને કોરિયા સહિત અન્ય મુખ્ય બજારોમાં જોવા મળશે.

છેલ્લા કેટલાંક વર્ષોમાં Galaxy S રિલીઝની આ લેટેસ્ટ તારીખ હશે, કારણ કે Galaxy S25 શ્રેણી 7 ફેબ્રુઆરી, 2025 ના રોજ, તે પહેલા Galaxy S24 ને 31 જાન્યુઆરી, 2024 ના રોજ અને Galaxy S23 શ્રેણી પણ 17 ફેબ્રુઆરી, 2023 ના રોજ રિલીઝ થઈ હતી. 2018 ના Galaxy S9 પછી 11 માર્ચ ગેલેક્સી S શ્રેણી માટે લેટેસ્ટ તારીખ હશે, જે 16 માર્ચ, 2018 ના રોજ લોન્ચ થઈ હતી.

ગેલેક્સી S26 શ્રેણી માટે સેમસંગની યોજનાઓ થોડી અવ્યવસ્થિત રહી છે, કારણ કે કંપનીએ તાજેતરના મહિનાઓમાં આખી વ્યૂહરચના બદલી નાખી છે. મૂળરૂપે, લાઇનઅપમાં સ્ટાન્ડર્ડ અલ્ટ્રાનો સમાવેશ થવાની અપેક્ષા હતી, સાથે જ સૌથી નાની સ્ક્રીન ધરાવતા રિબ્રાન્ડેડ ગેલેક્સી S26 "પ્રો" અને ત્રીજા મોડેલ તરીકે ગેલેક્સી S26 એજ હશે.

પરંતુ ધીમે ધીમે તેમાં ફેરફાર થતો ગયો અને ઓક્ટોબરમાં, એવું અહેવાલ આવ્યો કે "પ્રો" બ્રાન્ડિંગને દૂર કરવામાં આવ્યું હતું, ગેલેક્સી S25 એજની નિષ્ફળતા અને iPhone Air ના કારણે સેમસંગ ગેલેક્સી S26 એજને પણ બંધ કરવું પડ્યું. અને પ્લસ મોડેલને ફરી શરૂ કરવું પડ્યું. આ બધા જ કારણોથી સેમસંગે 2026માં તેના ફ્લેગશિપને રિલીઝ કરવામાં વિલંબ થયો છે. સામાન્ય રીતે જાન્યુઆરીના મધ્યમાં લોન્ચ આડે થોડા જ દિવસો બાકી રહ્યા હોત. એક અહેવાલમાં ઉલ્લેખ પ્રમાણે iPhone 17 ની કિંમત સમાન રાખવાના Appleના નિર્ણયને કારણે સેમસંગે તેની ઘણી યોજનાઓ પર પુનર્વિચાર કરવો પડ્યો હતો, જેમાં લાંબા સમયથી તેના પેન્ડિંગ કેમેરા અપગ્રેડની યોજના પણ પડતી મૂકી છે.