વિવો T4x 5G લોન્ચ! મોટો બેટરી બેકઅપ અને ઝડપી પ્રદર્શન મેળવો

વિવો એ ભારતમાં વિવો T4x 5G લૉન્ચ કર્યો છે. આ સ્માર્ટફોન મીડિયાટેક ડાયમેન્સિટી 7300 ચિપસેટ સાથે આવે છે, જે વધુ સારી પ્રદર્શન ક્ષમતા અને ઝડપી કામગીરી માટે ઓળખાય છે. ફોનમાં 6,500mAh ની મોટીઅને સેગમેન્ટમાં સૌથી મોટી બેટરી આપવામાં આવી છે, જે લાંબા સમય સુધી ચાલે તેવી અપેક્ષા છે. તે 44W વાયરડ ફાસ્ટ ચાર્જિંગ સપોર્ટ સાથે આવે છે. MIL-STD-810H સર્ટિફિકેશન સાથે, આ હેન્ડસેટ કડક પરિસ્થિતિઓને ઝીલવાની ક્ષમતા ધરાવે છે. આ ઉપરાંત, તે IP64 રેટેડ ડસ્ટ અને સ્પ્લેશ રેઝિસ્ટન્ટ બિલ્ડ સાથે આવે છે, જે તેને દૈનિક ઉપયોગ માટે વધુ ટકાઉ બનાવે છે.

વિવો T4x 5G ની કિંમત અને ઉપલબ્ધતા

વિવો T4x 5G ની શરૂઆતની કિંમત Rs. 13,999 છે, જે 6GB RAM અને 128GB સ્ટોરેજ સાથે આવે છે. 8GB + 128GB વેરિઅન્ટ માટે Rs. 14,999 અને 8GB + 256GB વેરિઅન્ટ માટે Rs. 16,999 ની કિંમતે ઉપલબ્ધ છે. ફોન મરિન બ્લૂ અને પ્રોન્ટો પર્પલ બે કલર ઓપ્શનમાં લોન્ચ થયો છે. 12 માર્ચથી ફ્લિપકાર્ટ, વિવો India e-store અને પસંદગીના ઑફલાઇન સ્ટોર્સ પર તેનું વેચાણ શરૂ થશે. પ્રથમ દિવસના વેચાણ પર પસંદગીના બેંક કાર્ડ પર Rs. 1,000 નો ડિસ્કાઉન્ટ આપવામાં આવશે.

T4x 5G ના મુખ્ય ફીચર્સ અને સ્પેસિફિકેશન્સ

ડિસ્પ્લે અને પ્રદર્શન:

વિવો T4x 5G માં 6.72-ઇંચની Full-HD+ LCD સ્ક્રીન આપવામાં આવી છે, જે 120Hz રિફ્રેશ રેટ સપોર્ટ કરે છે. ડિસ્પ્લે 1,050 nits ની બ્રાઇટનેસ અને TÜV Rheinland Eye Protection સર્ટિફિકેશન સાથે આવે છે.

પ્રોસેસર અને સ્ટોરેજ:

મીડિયાટેક ડાયમેન્સિટી 7300 ચિપસેટ સાથે, આ ફોનમાં 8GB સુધીની LPDDR4X RAM અને 256GB સુધીની UFS 3.1 સ્ટોરેજ છે. તે Android 15-આધારિત FuntouchOS 15 પર કાર્ય કરે છે.

કેમેરા:

પાછળના ભાગે 50-મેગાપિક્સલનો પ્રાઇમરી સેન્સર અને 2-મેગાપિક્સલનો ડેપ્થ સેન્સર આપવામાં આવ્યો છે. ફ્રન્ટ માટે 8-મેગાપિક્સલનો કેમેરા છે.

બેટરી અને કનેક્ટિવિટી:

6,500mAh ની મોટી બેટરી 44W ફાસ્ટ ચાર્જિંગ સપોર્ટ કરે છે. 5G, 4G VoLTE, Wi-Fi 6, બ્લુટુથ 5.4, GPS, USB Type-C અને સાઇડ-માઉન્ટેડ ફિંગરપ્રિન્ટ સેન્સર ઉપલબ્ધ છે.