Samsung તેની Galaxy S26 સિરીઝ આવી રહેલી 25 ફેબ્રુઆરીએ લોન્ચ કરશે

Samsung તેની Galaxy S26 સિરીઝ 25 ફેબ્રુઆરીએ લોન્ચ કરશે. જેમાં, Galaxy S26, Galaxy S26+ અને Galaxy S26 અલ્ટ્રા લોન્ચ કરશે. આડકતરી રીતે કંપનીએ જ આ તારીખની પુષ્ટિ કરી છે. 

સેમસંગના ગલ્ફ આર્મ ના સત્તાવાર X એકાઉન્ટે તાજેતરમાં એક કન્ટેસ્ટ પોસ્ટ કરી હતી, અને જો તમે લિંક કરેલા નિયમો અને શરતોની અંદર એક નજર કરશો, તો તમને લખેલું જોવા મળશે કે, આ સ્પર્ધાનો પહેલો પાર્ટ, "ગેલેક્સી અનપેક્ડ પહેલાં" એટલે કે તે 24 ફેબ્રુઆરી સુધી ચાલશે. બીજો , જે "ગેલેક્સી અનપેક્ડ દરમિયાન અને પછી" ચાલવાનો છે, તે 25 ફેબ્રુઆરીથી શરૂ થશે.

જ્યારે આ 100% સત્તાવાર પુષ્ટિ નથી, અથવા ઇવેન્ટ આમંત્રણ નથી, તે ચોક્કસપણે એટલું નજીક છે કે લાગે છે કે અફવાઓ સાચી હતી અને આગામી અનપેક્ડ ઇવેન્ટ આખરે 25 ફેબ્રુઆરીએ યોજાશે. જો કે સેમસંગ દ્વારા તેની સત્તાવાર જાહેરાત કરવાની જરૂર છે. આ અઠવાડિયાની શરૂઆતમાં પ્રી-ઓર્ડર માટે ખુલી શકે છે. 

સેમસંગે પહેલાથી જ લાઇનઅપને ટીઝ કરવાનું શરૂ કરી દીધું છે, જેમાં પ્રાઇવસી, ઝૂમ કેપેસિટી અને ઓછા પ્રકાશમાં ફોટોગ્રાફીમાં મોટા અપગ્રેડ જાહેર કરાયા છે. લાઇનઅપમાં 60W સુધીની ચાર્જિંગ ક્ષમતાઓ પણ મળી શકે છે. ટીઝર હવે લાઇવ આવી રહ્યા છે અને માર્કેટિંગ એસેટ્સ તૈયાર લાગી રહ્યા છે, ત્યારે વધુને વધુ શક્યતા છે કે ગેલેક્સી S26 શ્રેણી લોન્ચ થવા માટે તૈયાર છે.

સેમસંગ ગેલેક્સી S26 સિરીઝના પ્રી-ઓર્ડર તારીખ અને ઑફર્સ (અંદાજિત)

મળતી માહિતી પ્રમાણે સેમસંગ ગેલેક્સી S26 સિરીઝ માટે બુધવાર, 11 ફેબ્રુઆરીથી પ્રી-બુકિંગ કરી શકાશે અને ઓર્ડર આપી શકાશે. એક કથિત પ્રમોશનલ પોસ્ટર ઓનલાઈન સામે આવ્યું છે, જેમાં ગેલેક્સી S26 અલ્ટ્રાની સાથે નવા પર્પલ કલરમાં, મેચિંગ S પેન સાથે, તારીખ સ્પષ્ટપણે દર્શાવવામાં આવી છે.

સેમસંગ ગેલેક્સી S26 અલ્ટ્રાના અંદાજિત સ્પેસિફિકેશન્સ 

આ ડિવાઇઝમાં 6.9-ઇંચ ડાયનેમિક AMOLED 2X QHD+ LTPO ડિસ્પ્લે, 
રિફ્રેશ રેટ 144Hz સુધી આવી શકે. તે સ્નેપડ્રેગન 8 Gen 5 દ્વારા સંચાલિત હશે. 

તેમાં ક્વાડ કેમેરા સેટઅપ રહેશે જેમાં, 200MP મુખ્ય, 12MP અલ્ટ્રા-વાઇડ, 10MP 3x ટેલિફોટો, 50MP 5x પેરિસ્કોપ ટેલિફોટો રહેશે. તે 5,500mAh બેટરીથી સજ્જ રહેશે અને 65W વાયર્ડ અને 25W વાયરલેસ ચાર્જિંગ ને સપોર્ટ કરશે.

તેમાં, Android 15 આધારિત One UI 7 ઓપરેટિંગ સિસ્ટમ રહેશે.