એપલે 2026 ના પહેલા ક્વાર્ટરમાં $143.8 બિલિયનની રેકોર્ડ આવક નોંધાવી

Apple ની ઇકોસિસ્ટમમાં હવે વિશ્વભરમાં લગભગ 2.5 અબજ એક્ટિવ ડિવાઈઝ હોવાનું કંપનીના સીઈઓ ટિમ કૂક જણાવે છે. તેઓએ એપલના નાણાકીય પરિણામોની ચર્ચા દરમ્યાન iPhone, iPad, Mac, Apple Watch અને તેના અન્ય ઉત્પાદનોની પહોંચ વિશે જણાવ્યું હતું. તેઓ તેને કંપની માટે એક નવા સીમાચિહ્ન તરીકે જોવામાં આવે છે અને છેલ્લા ક્વાર્ટરમાં તેના હાર્ડવેર, ખાસ કરીને આઇફોન માટે સતત માંગને પ્રતિબિંબિત કરે છે, જેને "આશ્ચર્યજનક" તરીકે વર્ણવવામાં આવ્યું હતું.

એપલના નાણાકીય પરિણામો

ટિમ કૂકે કંપનીના નાણાકીય વર્ષ 2026 ના પ્રથમ ત્રિમાસિક નાણાકીય પરિણામો (CNBC દ્વારા) જાહેર કરતી વખતે જણાવ્યું હતું કે એક્ટિવ ડિવાઈઝ માટે 2.5 અબજનો આંકડો એપલના ઇકોસિસ્ટમ માટે એક મહત્વપૂર્ણ સીમાચિહ્નરૂપ છે. અગાઉ, કંપનીએ જાન્યુઆરી 2025 માં 2.35 અબજ એક્ટિવ ડિવાઈઝ રેકોર્ડ કર્યા હતા, જે 2024 માં 2.2 અબજ સક્રિય ઉપકરણો હતા.

આનો અર્થ એ થાય કે 2024-2025 અને 2025-2026 વચ્ચે એપલના સક્રિય ઇન્સ્ટોલ બેઝમાં આશરે 150,000,000 નવા ઉપકરણો ઉમેરવામાં આવ્યા. આ આંકડામાં iPhone, iPad, Mac અને Apple Watch જેવા મુખ્ય એપલ ઉત્પાદનોનો સમાવેશ થાય છે.

ટેક જાયન્ટ મુજબ, આઇફોન તેના એક્ટિવ ડિવાઈઝમાં મોટો ફાળો ધરાવે છે. એવું કહેવાય છે કે એપલે એવા ઉત્પાદનોના ઇકોસિસ્ટમ દ્વારા તેની સફળતા મેળવી જે આઇફોન સાથે કામ કરે છે.

નાણાકીય પરિણામો જાહેર કરતા, ટિમ કૂકે જણાવ્યું કે, એપલે 2026 ના પહેલા ક્વાર્ટરમાં $143.8 બિલિયનની રેકોર્ડ આવક નોંધાવી છે. આ આવક મુખ્યત્વે આઇફોન ફેમિલી દ્વારા થઈ હતી અને તે $85.3 બિલિયન પહોંચી છે, જે વાર્ષિક ધોરણે 23 ટકા વધારો સૂચવે છે. સર્વિસિઝ હેઠળ પણ $30.01 બિલિયન અત્યારસુધીની સૌથી વધુ આવક મેળવી છે. જ્યારે ગયા વર્ષના લોન્ચની તુલનાએ મુશ્કેલીને કારણે મેકની આવકમાં ઘટાડો થયો છે.

2026 ના પહેલા ક્વાર્ટરમાં આઇપેડની રેવન્યુ $8.60 બિલિયન નોંધાઈ હતી, જ્યારે મેકની રેવન્યુ $8.39 બિલિયન હતી. એપલના વેરેબલ્સ, જેમાં નવીનતમ એપલ વોચ સિરીઝ 11 અને એપલ વોચ અલ્ટ્રાનો સમાવેશ થાય છે, તેણે $11.49 બિલિયનની રેવન્યુ નોંધાવી હતી.

અત્રે એ ઉલ્લેખનીય છે કે, તેની આવકમાં ભારતનો હિસ્સો ચાવીરૂપ છે. સીઈઓ ટિમ કૂકે જણાવ્યું હતું કે એપલે દેશમાં મજબૂત ડબલ ડિજિટ આવક વૃદ્ધિ જોઈ છે અને ડિસેમ્બર ક્વાર્ટરમાં તેનો અત્યાર સુધીનો શ્રેષ્ઠ રેકોર્ડ નોંધાવ્યો છે, જેને રિટેલ ક્ષેત્ર વિસ્તરણ દ્વારા લાભ થયો છે. કંપનીના સીએફઓ, કેવન પારેખે ઉમેર્યું હતું કે ભારતમાં એપલનો ઇન્સ્ટોલ્ડ બેઝ ડબલ ડિજિટના દરે વધ્યો છે, જેના કારણે કંપનીના ભારતને એક મહત્વપૂર્ણ લાંબા ગાળાના ગ્રોથ માર્કેટ તરીકે જોવાના દૃષ્ટિકોણને મજબૂત બનાવે છે.