સંચાર સાથી મોબાઇલ એપ યુઝર ફ્રેન્ડલી: ટેલિકોમ માળખા અને નાગરિકોની સુરક્ષા માટે બનાવાયું

ટેલિકોમ્યુનિકેશન વિભાગ (DoT) દ્વારા દેશમાં વેચાતા તમામ સ્માર્ટફોનમાં સંચાર સાથી એપ પ્રીલોડ કરવા આપેલા નિર્દેશનો એપલ વિરોધ કરવાની યોજના ધરાવે છે. એક અહેવાલ મુજબ, ક્યુપરટિનો સ્થિત ટેક જાયન્ટ એપલ આ અંગે કોઈ કાયદાકીય વલણ નહીં અપનાવે પરંતુ એપને લગતી તેની પ્રાઇવસી અને સિક્યોરિટી અંગેની ચિંતાઓ સરકારને જણાવશે. જે અમલમાં અવરોધ દર્શાવે છે. હાલમાં કેન્દ્ર મોબાઇલ ઉપકરણો સાથે જોડાયેલા ડિજિટલ આઇડેન્ટિટી અને એન્ટી ફ્રોડ ફ્રેમવર્કને કડક બનાવવા પગલા લઈ રહ્યું છે તૈયારે આ બાબત સામે આવી છે.

સંચાર સાથી એપ શું છે:

સંચાર સાથી એપ જાન્યુઆરીમાં લોન્ચ કરવામાં આવી હતી. જે કેન્દ્રના સેન્ટ્રલ ઇક્વિપમેન્ટ આઇડેન્ટિટી રજિસ્ટર (CIER) દ્વારા લેવાયેલી પહેલનો ભાગ છે. તેમાં ચક્ષુ પોર્ટલ છે જે વપરાશકર્તાઓને શંકાસ્પદ છેતરપિંડીવાળા કોલ્સ, SMS અને WhatsApp સંદેશાઓની જાણ કરવાની મંજૂરી આપે છે, જેમાં મોકલનારના નંબર દેખાય છે. તે વપરાશકર્તાઓને દેશના તમામ ટેલિકોમ નેટવર્ક્સ પર ખોવાયેલા અથવા ચોરાયેલા સ્માર્ટફોનને બ્લોક અને ટ્રેક કરવાની પણ મંજૂરી આપે છે.

વધુમાં, આ એપ વપરાશકર્તાઓને તેમના નામ હેઠળ નોંધાયેલા મોબાઇલ કનેક્શનની સંખ્યા તપાસવાની અને કોઈપણ કનેક્શનની જાણ કરવાની મંજૂરી આપે છે જે તેમના નથી અથવા હવે જરૂરી નથી.

બધા ઉપકરણો પર એપ પ્રી-લોડ કરવી:

DoT ના નિર્દેશમાં બધા સ્માર્ટફોન ઉત્પાદકોને વેચાણ અગાઉ સંચાર સાથી એપ્લિકેશન પહેલાથી ઇન્સ્ટોલ હોય તેની તકેદારી રાખવા જણાવ્યું છે. પ્રારંભિક સેટઅપ દરમિયાન એપ્લિકેશન વપરાશકર્તાઓ માટે દેખી શકાય તેવી, કામ કરતી અને ચાલુ હોવી જોઈએ, અને આ ફીચરને ડિસેબલ અથવા રોકી શકાતી નથી. બ્રાન્ડ્સને નિર્દેશના અમલીકરણ માટે 90 દિવસનો સમય આપવામાં આવ્યો છે, અને તેમણે 120 દિવસમાં પાલન અહેવાલ સબમિટ કરવો આવશ્યક છે. તેમને ઓવર-ધ-એર (OTA) સોફ્ટવેર અપડેટ્સ દ્વારા હાલના ઉપકરણો પર તેને ઇન્સ્ટોલ કરવાનો પણ નિર્દેશ આપવામાં આવ્યો છે.

સરકારના દાવા:

સંચાર સાથી એપ છેલ્લા કેટલાક સમયથી ઉપલબ્ધ છે. સંદેશાવ્યવહાર મંત્રી જ્યોતિરાદિત્ય સિંધિયાના જણાવ્યા મુજબ, રાજ્ય સમર્થિત સાયબર સુરક્ષા એપ દ્વારા લગભગ 1.75 કરોડ છેતરપિંડીવાળા મોબાઇલ કનેક્શનને ડિસ્કનેક્ટ કરવામાં સક્ષમ બનાવવામાં આવ્યું છે. વધુમાં, તેણે લગભગ 20 લાખ ચોરાયેલા ફોનને શોધવામાં મદદ કરી છે, જેમાંથી 7.5 લાખ ફોન પાછા મળી આવ્યા છે અને મૂળ માલિકને પરત કરવામાં આવ્યા છે. મંત્રાલય દેશમાં સાયબર ગુનાઓ, હેકિંગ અને ઓનલાઈન કૌભાંડોના કિસ્સાઓનો સામનો કરવા માટે આ એપને અપનાવવા માટે દબાણ કરી રહ્યું છે.

વિવાદ:

DoT દ્વારા નિર્દેશ જારી કર્યા પછી તરત જ, અહેવાલમાં જણાવાયું છે કે, OEM એ પણ ખાતરી કરવી પડશે કે વપરાશકર્તાઓ રાજ્ય માલિકીની સાયબર સુરક્ષા એપ્લિકેશનને અનઇન્સ્ટોલ અથવા અક્ષમ કરી શકતા નથી, જેનાથી ગોપનીયતા અને સલામતીની ચિંતાઓ ઊભી થઈ શકે છે. જોકે, સરકારે આ અંગે સ્પષ્ટતા જારી કરી છે, જેમાં કહેવામાં આવ્યું છે કે એપ્લિકેશનને પોતાના સ્માર્ટફોનમાં ઇન્સ્ટોલ રાખવી સંપૂર્ણપણે વૈકલ્પિક છે, અને એપ્લિકેશનને અનઇન્સ્ટોલ કરી શકાય છે. વધુમાં, સંચાર સાથી એપ્લિકેશન ઉપકરણ પર સ્નૂપિંગ અથવા કોલ મોનિટરિંગને એનેબલ નહીં કરે અને ઉમેર્યું કે તે ગ્રાહક સુરક્ષાને વધારવા માટે ડિઝાઇન કરવામાં આવી હતી.

એપલનું વલણ:

Apple ભારતમાં તમામ મોબાઇલ ઉપકરણો પર સંચાર સાથી એપ્લિકેશનને પ્રીલોડ કરવાના સરકારના નિર્દેશનું પાલન કરવાની યોજના ધરાવતું નથી. ક્યુપરટિનો સ્થિત ટેક જાયન્ટ સરકારને જાણ કરશે કે તે iOS ઇકોસિસ્ટમ સંબંધિત સંભવિત ગોપનીયતા અને સુરક્ષા મુદ્દાઓને કારણે વિશ્વના અન્ય ભાગોમાં સમાન આદેશોનું પાલન કરતું નથી. જોકે Apple પબ્લિક સ્ટેન્ડ નહીં લે તેમજ કોર્ટમાં જશે નહીં, પરંતુ તે સુરક્ષાનો મુદ્દો આગળ કરી સરકારને જણાવશે કે તે નિર્દેશનું પાલન કરી શકતી નથી