WhatsAppમાંથી માઇક્રોસોફ્ટ તેના AI ચેટબોટને દૂર કરાશે: મેટા દ્વારા નીતિમાં ફેરફારની અસર

માઈક્રોસોફ્ટનો AI ચેટબોટ કોપાયલટ 15 જાન્યુઆરી, 2026 થી WhatsApp પર ઉપલબ્ધ રહેશે નહીં. આ મેટા દ્વારા તેની પ્લેટફોર્મ નીતિઓમાં કરવામાં આવેલા ફેરફારોને કારણે છે, જેણે સામાન્ય હેતુવાળા AI ચેટબોટ્સને WhatsApp Business API નો ઉપયોગ કરવાથી પ્રતિબંધિત કર્યા હતા. તે AI ચેટબોટના પ્રોવાઈડર અને ડેવલપર બંનેને બિઝનેસ સોલ્યુશનને ઍક્સેસ કરવા અથવા તેનો ઉપયોગ કરવાથી પ્રતિબંધિત કરે છે. અગાઉ ઓક્ટોબરમાં OpenAI દ્વારા AI ચેટબોટને વોટ્સએપમાંથી પાછું ખેંચ્યુ હતું. હવે માઈક્રોસોફ્ટના આનિર્ણય પછી WhatsAppમાંથી તેના AI ચેટબોટને પાછું ખેંચનાર બીજો મુખ્ય AI પ્રોવાઈડર બન્યો છે.

માઈક્રોસોફ્ટ 15 જાન્યુઆરી, 2026 થી વોટ્સએપ પર કોપાયલોટ ચેટબોટ બંધ કરી રહ્યું છે. વોટ્સએપના નિયમોમાં ફેરફાર તે જ તારીખથી અમલમાં આવવાને કારણે, સેવા ઇન્સ્ટન્ટ મેસેજિંગ પ્લેટફોર્મ પર કાર્ય કરશે નહીં. રેડમંડ સ્થિત ટેક જાયન્ટે એક બ્લોગ પોસ્ટમાં જણાવ્યું હતું કે, તે વપરાશકર્તાઓ માટે સ્મૂધ ટ્રાન્ઝીસન પ્રોસેસ સુનિશ્ચિત કરવા માટે કામ કરી રહ્યું છે, જેનાથી તેઓ મોબાઇલ, વેબ અને પીસી પર તેમની કોપાયલોટ ઍક્સેસ જાળવી રાખી શકે.

માઈક્રોસોફ્ટ પ્રમાણે વોટ્સએપ પર કોપાયલોટ સાથેની વાતચીત અન્ય કોપાયલોટ સરફેસ પર લઈ જઈ શકાશે નહીં, કારણ કે તે "અપ્રમાણિત" છે. જે વપરાશકર્તાઓ હજુ પણ તેમને જાળવી રાખવા માંગે છે તેઓ મેસેજિંગ પ્લેટફોર્મ પરથી ચેટબોટ બંધ થાય તે પહેલાં વોટ્સએપના એક્સપોર્ટ ટુલ્સનો ઉપયોગ કરી શકે છે.

કોપાયલોટ વેબ પર, copilot.microsoft.com પર અને iOS અને Android ઉપકરણો માટે કોપાયલોટ મોબાઇલ એપ્લિકેશનમાં ઉપલબ્ધ રહેશે. કંપનીના જણાવ્યા અનુસાર, કોપાયલોટ એપ્લિકેશન અને વેબસાઇટ WhatsApp પર ઉપલબ્ધ મુખ્ય ફીચર પ્રદાન કરે છે અને તેમાં વી વધારાની ક્ષમતાઓ પણ શામેલ છે જે WhatsApp ઇન્ટિગ્રેશન દ્વારા સમર્થિત ન હોય.

વોટ્સએપની નવી નીતિ મુજબ, AI અથવા મશીન લર્નિંગ ટેકનોલોજીના પ્રોવાઈડર અને ડેવલપર્સ, જેમાં LLM, જનરેટિવ AI પ્લેટફોર્મ અને જનરલ પર્પઝ AI આસિસ્ટન્ટ આવે છે, તેમને WhatsApp બિઝનેસ સોલ્યુશનને પ્રત્યક્ષ કે પરોક્ષ રીતે ઍક્સેસ કરવા અથવા તેનો ઉપયોગ કરવા પર પ્રતિબંધ છે. આ આવી ટેકનોલોજી પ્રદાન કરવા, પહોંચાડવા, ઓફર કરવા, વેચવા અથવા કોઈ બીજી રીતે પૂરી પાડવા પર લાગુ પડે છે, જ્યારે આવી ટેકનોલોજી ઉપયોગમાં લેવાતા સોલ્યુશનની મુખ્ય (અને આકસ્મિક અથવા સહાયક નહીં) કામગીરી હોય.

ગયા મહિને OpenAI ની જાહેરાત બાદ, કોપાયલોટ એ WhatsApp માંથી બંધ કરાયેલું બીજું AI ચેટબોટ છે. WhatsApp ની અપડેટેડ નીતિઓનું પાલન કરીને, ChatGPT 15 જાન્યુઆરી, 2025 પછી WhatsApp પર ઉપલબ્ધ રહેશે નહીં. કંપનીએ જણાવ્યું હતું કે વપરાશકર્તાઓ તેમના ChatGPT એકાઉન્ટ્સને WhatsApp સાથે લિંક કરી શકે છે, અને તેમની ભૂતકાળની વાતચીતો ChatGPT એપ્લિકેશનના હિસ્ટરી વિભાગમાં દેખાશે.