એપલે ગુરુવારે 2025ના એપ સ્ટોર એવોર્ડ વિજેતાઓની યાદી જાહેર કરી છે

એપલે ગુરુવારે 2025ના એપ સ્ટોર એવોર્ડ વિજેતાઓની યાદી જાહેર કરી, જેમાં iPhone, iPad, Mac, Apple Watch અને Apple TV તમામ ડિવાઇઝના 17 એપ્સ અને ગેમ્સને તેમની ડિઝાઇન, નવીનતા, વપરાશકર્તા અનુભવ અને સાંસ્કૃતિક પ્રભાવને આધારે માન્યતા આપવામાં આવી. AI પ્લાનર અને ટુ-ડુ એપ Tiimo 2025 માં iPhone પર શ્રેષ્ઠ એપ તરીકે બહાર આવી, જ્યારે The Pokemon કંપનીના Pokemon TCG Pocket ને iPhone ગેમ ઓફ ધ યરનો ખિતાબ એનાયત કરવામાં આવ્યો. અન્ય વિજેતાઓમાં HBO Max, Strava, Cyberpunk 2077: Ultimate Edition, StoryGraph અને વધુનો સમાવેશ થાય છે.

એપલ એપ સ્ટોર એવોર્ડ્સ 2025 ના વિજેતાઓ

Tiimo એ મ્યુઝિક ક્રિએશન એપ બેન્ડલેબ અને વર્કઆઉટ પ્લાનર LADDER જેવા એપને પાછળ મૂકી આઇફોન એપ ઓફ ધ યરના ખિતાબ જીતી લીધો છે. તે 2024 માં એપલ ડિઝાઇન એવોર્ડ્સ ફાઇનલિસ્ટ પણ હતું. આઇફોન પર 2025 ની શ્રેષ્ઠ ગેમ માટે, પોકેમોન TCG પોકેટને ટેક્સ્ટ-આધારિત રોગ્યુલાઇક RPG Capybara Go! અને સ્ટ્રેટેજી વિડીયો ગેમ Thronefall થી વધુ સારું ગણાવાયું હતું.

"આ વર્ષના વિજેતાઓ એપ સ્ટોરને વ્યાખ્યાયિત કરતી સર્જનાત્મકતા અને શ્રેષ્ઠતા દર્શાવે છે, અને તે પણ દર્શાવે છે કે દુનિયાભારના લોકો પર વિશ્વ-સ્તરીય એપ્લિકેશનો અને રમતોનો કેટલો બધો પ્રભાવ છે," એપલના CEO ટિમ કૂકે 2025 એપ સ્ટોર એવોર્ડ્સ વિજેતાઓની જાહેરાત કરતી ન્યૂઝરૂમ પોસ્ટમાં જણાવ્યું હતું.

iPad પર, AI-સંચાલિત વિડિઓ એડિટિંગ એપ્લિકેશન Detail ને એપ ઓફ ધ યર ગણાવાઈ છે. તે વપરાશકર્તાઓને વિડિઓ રેકોર્ડ કરવા તેને ઇમ્પોર્ટ કરવા અને વિડિઓ અને શોર્ટ્સ બનાવવા માટે તેની ઓટો-એડિટ સુવિધાનો ઉપયોગ કરવાની મંજૂરી આપે છે.

ગેમિંગમાં બ્લેક સોલ્ટ ગેમ્સની DREDGE એ Infinity Nikki અને Prince of Persia: The Lost Crown ને પાછળ છોડીને વર્ષની શ્રેષ્ઠ iPad ગેમ તરીકે ઉભરી આવી.

Max પર એકેડેમિક રાઇટિંગ એપ Essayist ને એપ ઓફ ધ યર જાહેર કરાઈ જ્યારે CD Projekt Red ની પ્રખ્યાત ફર્સ્ટ-પર્સન એક્શન રોલ-પ્લેઇંગ ગેમ Cyberpunk 2077: Ultimate Edition એ ગેમિંગ શ્રેણીમાં જીત મેળવી હતી. આ ગેમે Ubisoft ના Assassin's Creed: Shadows and Neva ને હરાવી હતી. Triband ApS માંથી WHAT THE CLASH? ને Apple Arcade પર શ્રેષ્ઠ ગેમ તરીકે નામ આપવામાં આવ્યું હતું, જે ટેક જાયન્ટની સબ્સ્ક્રિપ્શન-આધારિત ગેમિંગ સેવા છે.

Apple Vision Pro પર, Explore POV શ્રેષ્ઠ એપ્લિકેશન તરીકે ઉભરી આવી હતી, જ્યારે Porta Nubi ગેમ ઓફ ધ યર બની છે. Strava ને Apple Watch App of the Year અને HBO Max ને Apple TV પર શ્રેષ્ઠ એપ્લિકેશન તરીકે પુરસ્કાર આપવામાં આવ્યો હતો.
એપલે કલ્ચરલ ઇમ્પેક્ટ કેટેગરીમાં સકારાત્મક સંદેશ ફેલાવતી એપ્લિકેશનો અને રમતોને પુરસ્કાર જાહેર કર્યા છે. કલ્ચરલ ઇમ્પેક્ટ વિજેતાઓમાં પઝલ એપ આર્ટ ઓફ ફૌના, એડવેન્ચર વિડીયો ગેમ ચેન્ટ્સ ઓફ સેનાર, ફર્સ્ટ-પર્સન એડવેન્ચર વિડીયો ગેમ ડેસ્પેલોટ, એક્સેસિબિલિટી એપ બી માય આઇઝ અને ફોકસ ટાઈમર એપ ફોકસ ફ્રેન્ડનો સમાવેશ થાય છે