HMDના નવા સ્માર્ટફોન MWC 2025માં આવ્યા, બારકા 3210, ફ્યુઝન X1

HMD ગ્લોબલએ MWC 2025 દરમિયાન ત્રણ નવા ફોન લોન્ચ કર્યા છે – HMD બારકા ફ્યુઝન, HMD બારકા 3210 અને HMD ફ્યુઝન X1. HMD બારકા ફ્યુઝન એ સ્પેશિયલ એડિશન ફોન છે, જે સ્પેનના પ્રખ્યાત ફૂટબોલ ક્લબ FC બારસેલોના સાથેની ભાગીદારી હેઠળ લાવવામાં આવ્યો છે. HMD બારકા 3210, નોકિયા 3210ના ક્લાસિક લુક સાથેનું એક મોડર્ન 4G ફીચર ફોન છે. HMD ફ્યુઝન X1 ખાસ કરીને કિશોર વયના યુઝર્સ માટે ડિઝાઇન કરાયેલ સ્માર્ટફોન છે, જે પરેન્ટલ કંટ્રોલ અને સુરક્ષા સુવિધાઓ સાથે આવે છે. કંપનીએ હજુ સુધી આ ત્રણેય ડિવાઈસની કિંમત જાહેર કરી નથી, પણ ટૂંક સમયમાં આ ફોન વૈશ્વિક બજારમાં ઉપલબ્ધ થશે.

HMD ફ્યુઝન X1ની ખાસિયતો

HMD ફ્યુઝન X1માં સ્નેપડ્રેગન 4 Gen 2 પ્રોસેસર આપવામાં આવ્યું છે, જે 8GB સુધીની RAM અને 256GB ઇન્ટરનલ સ્ટોરેજ સપોર્ટ કરે છે. તેમાં 6.56-ઇંચની HD ડિસ્પ્લે છે, જે 90Hz રિફ્રેશ રેટ સાથે આવે છે. કેમેરાની વાત કરીએ તો, તે 108-મેગાપિક્સલના પ્રાઈમરી કેમેરા અને 2-મેગાપિક્સલના એડિશનલ સેન્સર સાથે સજ્જ છે. સેલ્ફી માટે, તેમાં 50-મેગાપિક્સલનો કેમેરા આપવામાં આવ્યો છે.

આ ફોન 5,000mAh બેટરી અને 33W ફાસ્ટ ચાર્જિંગ સપોર્ટ સાથે આવે છે. HMD Xplora પરેન્ટલ કંટ્રોલ સુવિધાઓ દ્વારા પેરન્ટ્સ પોતાના બાળકોના ફોન યુસેજ પર નિયંત્રણ રાખી શકે છે.

HMD બારકા ફ્યુઝન અને HMD બારકા 3210ની વિશેષતાઓ

HMD બારકા ફ્યુઝનમાં 108-મેગાપિક્સલ કેમેરા છે અને તે HMD ફ્યુઝન X1નું સ્પેશિયલ એડિશન વર્ઝન લાગતું હોય તેમ લાગે છે. ફોનમાં FC બાર્સેલોના થીમ ધરાવતું કન્ટેન્ટ હશે, જેમાં રિંગટોન, વૉલપેપર અને ક્લબના ખેલાડીઓના UV-રિએક્ટિવ સાઇનચરવાળો કેસ પણ મળશે.

HMD બારકા 3210 નોકિયા 3210નું એક અપડેટેડ વર્ઝન છે, જે 4G સપોર્ટ અને લાંબી બેટરી લાઈફ સાથે આવે છે. આ ફોનમાં FC બારસેલોના થીમવાળો ક્લાસિક સ્નેક ગેમ પ્રી-લોડેડ મળશે.