iPhone 14 રૂ. 40,000 રૂપિયાથી ઓછી કિંમતમાં ખરીદી શકાશે

ફ્લિપકાર્ટ દ્વારા બિગ બિલિયન ડેઝ સેલ ડીલ જાહેર કરાયું છે જેમાં, iPhone 14 રૂ. 40,000 રૂપિયાથી ઓછી કિંમતમાં ખરીદી શકાશે. 23 સપ્ટેમ્બરથી શરૂ થનારા આ સેલમાં અન્ય ઘણા ઈલેક્ટ્રોનિક્સ આઈટમ આર ડિસ્કાઉન્ટ જાહેર કરવામાં આવ્યા છે. iPhone 14 ઉપરાંત, Apple ના ગયા વર્ષે લોન્ચ થયેલી iPhone સિરીઝમાં પણ ડિસ્કાઉન્ટ આપવામાં આવશે. આ ઉપરાંત Axis Bank અને ICICI Bank ક્રેડિટ અને ડેબિટ કાર્ડધારકોને વધારાનું 10 ટકા ઇન્સ્ટન્ટ ડિસ્કાઉન્ટ પણ મળશે.ફ્લિપકાર્ટના સેલ હેઠળ iPhone 14ની કિંમત જાહેર,ફ્લિપકાર્ટની બિગ બિલિયન ડેઝ સેલ ડીલ જાહેર થઈ છે અને તેમાં iPhone 14 રૂ. 40,000 રૂપિયાથી ઓછી કિંમતમાં મળશે. આ માટે ફ્લિપકાર્ટે તેની મોબાઇલ એપ્લિકેશનને અપડેટ કરી છે અને આગામી ફ્લિપકાર્ટ બિગ બિલિયન ડેઝ સેલ 2025 દરમિયાન ભારતમાં iPhone 14 બેંક ડિસ્કાઉન્ટ સાથે 39,999 રૂપિયામાં iPhone 14 ખરીદી શકાશે.

iPhone 14 નું બેઝ વેરિઅન્ટ

હાલમાં, 128GB સ્ટોરેજ સાથે ફ્લિપકાર્ટની વેબસાઈટ પર રૂ. 52,990 માં મળી રહ્યું છે. સપ્ટેમ્બર 2022 માં લોન્ચ થયેલા, iPhone 14 ના બેઝ મોડલની કિંમત ભારતમાં રૂ. 79,900 હતી. તેમાં, મિડનાઈટ, પર્પલ, સ્ટારલાઇટ અને લાલ રંગમાં ઓફર કરવામાં આવે છે.

આ સાથે જ આઈફોનના અન્ય સ્માર્ટફોનમાં પણ ખાસ્સું ડિસ્કાઉટ ફ્લિપકાર્ટ આ સેલ દરમ્યાન આપશે જેમાં, iPhone 16 Pro અને iPhone 16 Pro Max પર પણ ઓફરની જાહેરાત કરાઈ છે.

iPhone 16 Pro 70,000 રૂપિયાથી ઓછી કિંમતે જ્યારે iPhone 16 Pro Max 90,000 રૂપિયાથી ઓછી કિંમતે ખરીદી શકાશે. ફ્લિપકાર્ટ દ્વારા જણાવ્યા પ્રમાણે આ ડિસ્કાઉન્ટમાં બેંક ઑફર્સનો સમાવેશ થાય છે. અત્રે એ ઉલ્લેખનીય છે કે, iPhone 16 Pro ગયા વર્ષે 1,19,900 રૂપિયાની શરૂઆતની કિંમતે જ્યારે 16 Pro Max 1,44,900 રૂપિયામાં લોન્ચ થયો હતો.
ઈ-કોમર્સ જાયન્ટ આગામી દિવસોમાં તેના વર્ષના સૌથી મોટા સેલ - બિગ બિલિયન ડેઝ સેલ હેઠળ અન્ય વધુ ઓફર પણ જાહેર કરશે તેવી ધારણા છે.

માઇક્રોસાઇટમાં "જે તમે જુઓ છો તે જ તમે ચૂકવો છો" અને "કોઈ શરતો લાગુ નથી" જેવી ટેગલાઇન પણ મૂકવામાં આવી છે. આ સાથે જ તેમાં એમ જણાવ્યું છે કે, ટેગ વધારાની બેંક ઑફર્સ શામેલ નથી જેનો ઉપયોગ ખરીદદારો પસંદગીની બેંકોના ક્રેડિટ અને ડેબિટ કાર્ડ સાથે કરી શકે છે.