Realme 16 Pro શ્રેણી ટૂંક સમયમાં ભારતમાં લોન્ચ કરવામાં આવશે.

Realme 16 Pro શ્રેણી ટૂંક સમયમાં ભારતમાં લોન્ચ કરવામાં આવશે. Realmeએ તેના Realme 16 Pro+ 5G ના સ્પેસિફિકેશનની જાણકારી આપતા ટીઝર પણ શરૂ કર્યા છે. તે અનિશ્ચિત સ્નેપડ્રેગન SoC દ્વારા સંચાલિત હશે, જે સ્પર્ધાત્મક સ્માર્ટફોન પર ચિપસેટ કરતાં વધુ સારી કામગીરી બજાવે છે. તે 10x ઝૂમ સુધીના ટ્રિપલ રીઅર કેમેરા યુનિટથી સજ્જ હોવાનું કહેવાય છે.

Realme 16 Pro+ 5G ના સ્પેસિફિકેશન્સ

Realme 16 Pro+ 5G ભારતમાં કંપનીની વેબસાઇટ પર લાઇવ છે, જેમાં આ સ્માર્ટફોનના સ્પેસિફિકેશન રજૂ કરાયા છે. હેન્ડસેટ સ્નેપડ્રેગન ચિપસેટ દ્વારા સંચાલિત હોવાની પુષ્ટિ કરવામાં આવી છે. ટેક કંપની દાવો કરે છે કે ફોન પરનો SoC સ્નેપડ્રેગન 7 Gen 4 ચિપ કરતાં વધુ સારું પ્રદર્શન કરે છે, જે AnTuTu બેન્ચમાર્કિંગ પ્લેટફોર્મ પર વધુ પોઈન્ટ મેળવે છે. વધુમાં, તે ટ્રિપલ રીઅર કેમેરા સેટઅપથી સજ્જ હોવાનું ટીઝ કરવામાં આવ્યું છે, જે 10x ઝૂમ ક્ષમતાઓ પ્રદાન કરશે.

વધુમાં, Realme 16 Pro+ 5G AI Edit Genie 2.0 સાથે આવશે, જે AI StyleMe અને AI LightMe જેવા ઇમેજ એડિટિંગ ટુલ પ્રદાન કરશે. આ હેન્ડસેટની બેટરી ક્ષમતા હજુ સુધી જાહેર કરાઈ નથી, પરંતુ કંપનીનો દાવો છે કે આ ફોન 9.3 કલાક સુધી ગેમિંગ, 20.8 કલાક સુધી ઇન્સ્ટાગ્રામ બ્રાઉઝિંગ, YouTube પર 21 કલાક સુધી વિડિઓ પ્લેબેક અને Spotify પર 125 કલાક સુધી સંગીત પ્લેબેક ઓફર કરશે. ડિઝાઇનની દ્રષ્ટિએ, આ હેન્ડસેટ સ્લિમ ફોર્મ ફેક્ટર ધરાવે છે, ફોનની બીકે સાઇડ પાતળો કેમેરા બમ્પ છે. Realme 16 Pro+ 5G માં મેટલ ફ્રેમ હોઈ શકે છે.

Realme Indiaની વેબસાઇટમાં આગામી લાઇનઅપ વિશે વધુ વિગતો ટૂંક સમયમાં જાહેર કરવામાં આવશે તેમ પણ જણાવ્યું છે. જોકે, ટિપસ્ટર રિપીટર 002 (ચાઇનીઝમાંથી અનુવાદિત) એ Weibo પર ફોનના બોક્સની એક છબી શેર કરી છે, જેમાં દાવો કરવામાં આવ્યો છે કે હેન્ડસેટમાં પેરિસ્કોપ ટેલિફોટો હશે, જે Realme 15 લાઇનઅપ ફોનમાં આપવામાં આવ્યો નહતો.

X પરની એક પોસ્ટમાં, ટેક બ્લોગર પારસ ગુગલાની (@passionategeekz) પ્રમાણે Realme 16 Pro સિરીઝ ભારતમાં તેના ચાઇનીઝ વેરિઅન્ટ જેવા જ ટેકનિકલ સ્પેસિફિકેશન્સ સાથે આવશે. પેરિસ્કોપ ટેલિફોટો કેમેરાના દાવાને સમર્થન આપતા, તેમણે આગળ લીક કર્યું કે લાઇનઅપ 7,000mAh બેટરી દ્વારા સમર્થિત હશે. ભારતમાં ફોનની કિંમત રૂ. 35,000 થી રૂ. 40,000 ની વચ્ચે હોવાનું કહેવાય છે.