Samsung Galaxy S26 સિરીઝ આ મહિનાના અંતમાં લોન્ચ થઈ શકે છે.

Samsung Galaxy S26 સિરીઝ આ મહિનાના અંતમાં લોન્ચ થઈ શકે છે. જો કે હજુસુધી કંપની દ્વારા તેના લોન્ચ અંગેની સત્તાવાર માહિતી આપવામાં આવી નથી. સેમસંગ ગેલેક્સી S26 સિરીઝ ગયા વર્ષના ગેલેક્સી S25 લાઇનઅપને સ્થાને આવશે. હાલમાં જ Samsung Galaxy S26 અને Samsung Galaxy S26+ ના સ્પેસિફિકેશન્સ સામે આવ્યા છે. તેના રેન્ડર પણ જોવા મળ્યા છે. મળતી માહિતી મુજબ બંને સ્માર્ટફોન સમાન રીઅર કેમેરા સેટઅપ સાથે આવશે. તેમાં, 50-મેગાપિક્સલનો મુખ્ય કેમેરા હશે. ગેલેક્સી S26 માં 6.3-ઇંચની ફુલ HD+ AMOLED સ્ક્રીન, જ્યારે પ્લસ મોડેલમાં મોટી ક્વાડ HD+ AMOLED પેનલ આવી શકે છે.

આ વર્ષે સેમસંગ Samsung Galaxy S26 સિરીઝ ડ્યુઅલ-ચિપ સાથે આવી શકે છે. પસંદગીના બજારોમાં ગેલેક્સી S26 માં Exynos 2600 SoC , જ્યારે અન્ય પ્રદેશોમાં Snapdragon 8 Elite Gen 5 સાથે આવશે. તે એન્ડ્રોઇડ 16-આધારિત One UI 8.5 પર ચાલશે. આ ઉપરાંત, કથિત હેન્ડસેટમાં 4,300mAh બેટરી હોવાના અહેવાલ છે.

Galaxy S26 માં 6.3-ઇંચની ફુલ HD+ ડાયનેમિક AMOLED સ્ક્રીન હોઈ શકે છે. તેની સાઈઝ 149.6 x 71.7 x 7.2mm હોઈ શકે છે અને તેનું વજન 137 ગ્રામ હોવાની અપેક્ષા છે.

ગેલેક્સી S26+ ના સ્પેસિફિકેશન પર નજર કરીએ તો, તેમાં 6.7-ઇંચની મોટી ક્વાડ HD+ AMOLED સ્ક્રીન હોવાની અપેક્ષા છે. આ હેન્ડસેટની સાઈઝ 158.4 x 75.8 x 7.3mm હોવાની ધારણા છે અને તેનું વજન લગભગ 190 ગ્રામ રહેશે. તેમાં વેનીલા ગેલેક્સી S26 જેવા જ કેમેરા અને ચિપસેટ હશે. સેમસંગ ગેલેક્સી S26+ માં વાયરલેસ પાવર શેર ફીચર માટે સપોર્ટ સાથે 4,900mAh બેટરી હોઈ શકે છે.

રેન્ડરમાં જોઈ શકાય છે કે, Galaxy S26 અને Galaxy S26+ માં યુનિફોર્મ, સાંકડા બેઝલ્સ, તેમજ સેલ્ફી કેમેરા માટે સેન્ટર્ડ હોલ-પંચ કટઆઉટ હોઈ શકે છે.

ઓપ્ટિક્સ બાબતે હેન્ડસેટ ટ્રિપલ રીઅર કેમેરા યુનિટથી સજ્જ થઈ શકે છે, જેમાં 50-મેગાપિક્સલનો મુખ્ય કેમેરા, 12-મેગાપિક્સલનો અલ્ટ્રા-વાઇડ-એંગલ લેન્સ અને 10-મેગાપિક્સલનો ટેલિફોટો સેન્સરનો સમાવેશ થાય છે. તેમાં સેલ્ફી અને વિડિયો કૉલ્સ માટે 12-મેગાપિક્સલનો ફ્રન્ટ-ફેસિંગ કેમેરા પણ હોવાનું કહેવાય છે.

એન્ડ્રોઇડ હેડલાઇન્સે એક રિપોર્ટમાં સેમસંગ ગેલેક્સી S26 અને ગેલેક્સી S26+ ના રેન્ડર શેર કર્યા છે. કેમેરા આઇલેન્ડ સિવાય, બંને મોડેલોમાં તેના પુરોગામી મોડેલો જેવી જ ડિઝાઇન છે. જ્યારે ટ્રિપલ રીઅર કેમેરા ગેલેક્સી S25 સિરીઝમાં બેકસાઇડ સપાટ હતા જ્યારે આવી રહેલી Samsung Galaxy S26 લાઇનઅપમાં ઉપસેલા કેમેરા ડેકોરેશન હોઈ શકે છે. જે આપણે Galaxy S25 Edge માં જોવામળ્યું હતું.