iQOO Neo 10R ભારતમાં ટૂંક સમયમાં આવશે! ગેમિંગ માટે 90FPS સપોર્ટ!

iQOOએ તેમના નવા સ્માર્ટફોન iQOO Neo 10R નો ભારતમાં લૉન્ચ કન્ફર્મ કરી દીધો છે. આ ફોન કંપની માટે ખાસ છે કારણ કે તે ‘R' બેજ ધરાવતો પહેલો ડિવાઇસ હશે. iQOO CEO નિપૂણ માર્યાએ X (ટ્વિટર) પર પોસ્ટ કરીને આ લૉન્ચની પુષ્ટિ કરી છે. આ સ્માર્ટફોન ક્વાલકોમ સ્નેપડ્રેગન 8s Gen 3 ચિપસેટ સાથે આવશે, જે તેની ગતિ અને કામગીરી માટે જાણીતી છે.

આ ફોનને "સેગમેન્ટ નું સૌથી ઝડપી સ્માર્ટફોન" તરીકે પ્રચાર કરવામાં આવી રહ્યો છે. iQOOના કોમ્યુનિટી ફોરમમાં શેર થયેલી માહિતી અનુસાર, આ ડિવાઇસ ડ્યુઅલ-ટોન ડિઝાઇન સાથે આવશે અને ડ્યુઅલ-કેમેરા સેટઅપ આપવામાં આવશે. લૉન્ચની નજીક વધુ માહિતી બહાર આવશે, પણ ફીલહાલ ટીપસ્ટર્સ દ્વારા કેટલીક ખાસ વિગતો સામે આવી છે.

iQOO Neo 10R ની શક્ય વિશેષતાઓ

ટિપસ્ટર અભિષેક યાદવ (@yabhishekhd) અનુસાર, iQOO Neo 10R માં 1.5K OLED TCL C8 સ્ક્રીન હશે, જે 120Hz રિફ્રેશ રેટ સપોર્ટ કરશે, જ્યારે ગેમિંગ દરમિયાન તે 144Hz સુધી પહોંચી શકે છે. 6,400mAhની શક્તિશાળી બેટરી આ ડિવાઇસમાં આપવામાં આવશે, જે 80W PD વાયરડ ચાર્જિંગ સપોર્ટ કરશે.

ફોન સ્નેપડ્રેગન 8s Gen 3 ચિપસેટ સાથે આવશે, જે LPDDR5x RAM અને UFS 4.0 સ્ટોરેજ સાથે જોડાયેલી હશે. ગેમિંગ માટે તેમાં એડ્રેનો 735 GPU અને X-axis લિનિયર મોટર મળશે, જે હેપ્ટિક્સ માટે સારો અનુભવ આપશે. કેમેરા વિભાગમાં, 50MP Sony LYT-600 સેન્સર સાથેનું મુખ્ય કેમેરા લેન્સ અને 8MP અલ્ટ્રા-વાઇડ એંગલ લેન્સ મળી શકે છે. ફ્રન્ટ કેમેરા માટે, 16MP સેમસંગ S5K3P9 સેન્સર અપાય તેવી શક્યતા છે.

iQOO Neo 10R ના કનેક્ટિવિટી વિકલ્પો

આ સ્માર્ટફોનમાં બ્લુટૂથ 5.4, Wi-Fi 6, અને NFC જેવા કનેક્ટિવિટી વિકલ્પો હશે. ફોનનું જાડપણ 7.98mm અને વજન 196g હોવાની શક્યતા છે. એક રિપોર્ટ અનુસાર, આ ફોન 4K 60fps વીડિયો રેકોર્ડિંગ સપોર્ટ કરશે. ગેમિંગ માટે 90fps સપોર્ટ પણ આપવામાં આવી શકે છે, જે હાઇ-પરફોર્મન્સ ગેમિંગ માટે અનુકૂળ સાબિત થશે.

iQOO Neo 10R ના ભારતીય બજારમાં પ્રવેશ સાથે, ગેમિંગ અને પ્રીમિયમ સ્માર્ટફોન સેગમેન્ટમાં વધુ સ્પર્ધા જોવા મળશે.