એરટેલ એ લોન્ચ કર્યું ત્રણ શાનદાર પ્રીપેડ પેક જે આપશે વિવિધ OTT પ્લેટફોર્મની ઍક્સેસ

ગયા મંગળવારે એરટેલ એ તેના ગ્રાહકો માટે એક નવો OTT રિચાર્જ પ્લાનની જાહેરાત કરી જેમાં એરટેલનો એક નવી પ્લાન જે હાલમાં 25 કરતાં પણ વધુ OTT પ્લેટફોર્મને કામ કરવાની પરવાનગી આપે છે એ સાથે એક નવો પ્લાન જે રૂ.279થી શરૂ થાય છે જે એક મહિના સુધીની માન્યતા સાથે આવે છે. જેમાં કંપની ગ્રાહકોને Netflix, Jio Hotstar, Zee5 અને Sonyliv જેવા પ્લેટફોર્મ પર મનોરંજન જોવા માટેની મંજૂરી આપે છે એ સાથે ટેલિકોમ કંપનીએ રૂ.598 અને રૂ.1729 એમ બે રિચાર્જ પેક છે જે અનુક્રમે 28 તેમજ 84 દિવસની માન્યતા ધરાવે છે આ દરેક યોજનાઓ ગ્રાહકોને 5G અમર્યાદિત ડેટા તેમજ અમર્યાદિત કોલિંગની સુવિધા પૂરી પાડે છે.

જાણો એરટેલના ઓલ-ઈન-વન OTT પેકના ફાયદા :

એરટેલ દ્વારા ગ્રાહકો માટે એક નવો પ્લાન ઓલ-ઇન-વન OTT બંડલ પેક લોન્ચ કરવામાં આવ્યો છે જે રૂ.279, રૂ.598 તેમજ રૂ.1729 એ મુજબના પ્લાન લોન્ચ કર્યા છે આ નવા પ્લાનમાં Netflix, Jio Hotstar, Zee5, Sonyliv, LionsgatePlay, AHA, SunNxt, Hoichoi, ErosNow, ShemarooMe અને બીજા ઘણા બધા OTT પ્લેટફોર્મનું ઍક્સેસ મળી રહે છે. તે સાથે ગ્રાહકોને ફક્ત એક જ સબ્સ્ક્રિપ્શન જે 16 થી વધુ ભાષાઓમાં ઇન્ટરેક્ટિવ અને પ્રાદેશિક સામગ્રી જોવાની મંજૂરી આપે છે અને આ યોજના અમર્યાદિત 5G ડેટા સાથે આવે છે.

એરટેલનો 279 રૂપિયાનો રિચાર્જ પ્લાન એક મહિના માટે સીમિત હોય છે. આ પ્લાન ગ્રાહકોને Netflix Basic, Zee5, jioHotstar અને Airtel Xstream Play Premium ના સબ્સ્ક્રિપ્શન આપે છે. એરટેલે કહ્યું છે કે આ પેક સાથે વધારાના રૂ.750 ચૂકવીને ગ્રાહકો વિવિધ લોકપ્રિય સ્ટ્રીમિંગ પ્લેટફોર્મની ઍક્સેસ સરળતાથી મેળવી શકશે અને જોડે અમર્યાદિત 5G ડેટા તેમજ અમર્યાદિત કોલ્સનો લાભ મળી રહેશે. એ સાથે એરટેલનો રૂ.598નો પ્રીપેડ રિચાર્જ પ્લાન ગ્રાહકોને અમર્યાદિત 5G ડેટા, અમર્યાદિત વોઇસ કોલ્સ, તેમજ ઉપરોક્ત તમામ OTT પ્લેટફોર્મની ઍક્સેસ આપે છે. આ પ્લાનની વેલિડિટી 28 દિવસની છે અને રૂ.1,729નો રિચાર્જ પ્લાન વિશે વાત કરીએ તો ગ્રાહકોને 84 દિવસની માન્યતા સાથે અમર્યાદિત ડેટા તેમજ અમર્યાદિત વૉઇસ કૉલ્સ અને સમાન OTT પ્લેટફોર્મ લાભો પ્રદાન કરે છે.