ડોર પ્લે હવે ભારતમાં! એક જ એપમાં 20+ OTT અને 300+ TV ચેનલ્સ

સ્ટ્રીમબોક્સ મીડિયા દ્વારા ડોર પ્લે એપ ભારતમાં લોન્ચ કરવામાં આવી છે, જે એન્ડ્રોઇડ અને iOS બંને યુઝર્સ માટે ઉપલબ્ધ છે. આ એપ્લિકેશન એક જ પ્લેટફોર્મ પર 20 થી વધુ OTT પ્લેટફોર્મ અને 300+ લાઇવ TV ચેનલ્સ પ્રદાન કરે છે. યુઝર્સ હવે અલગ-અલગ સ્ટ્રીમિંગ સર્વિસ માટે સબ્સ્ક્રાઇબ કરવાની જરૂર નથી, કારણ કે ડોર પ્લે તમામ કન્ટેન્ટ એક જગ્યાએ લાવે છે. સ્ટ્રીમબોક્સ મીડિયા અગાઉ ડોર TV OS લોન્ચ કરી ચૂક્યું છે, જે સબ્સ્ક્રિપ્શન આધારિત TV સર્વિસ પ્રદાન કરે છે. 2024 માં કંપનીએ ડોર QLED સ્માર્ટ TV ની રેન્જ રજૂ કરી હતી.

ડોર પ્લે ની કિંમત અને ઉપલબ્ધતા

ડોર પ્લે એપ્લિકેશન માટે સબ્સ્ક્રિપ્શન ભારતમાં Rs. 399ના ત્રણ મહિનાના પ્લાન સાથે ઉપલબ્ધ છે. આ સર્વિસ ફક્ત સ્માર્ટફોન માટે જ ઉપલબ્ધ છે અને iOS તથા એન્ડ્રોઇડ યુઝર્સ માટે એપ સ્ટોર અને પ્લે સ્ટોર પરથી ડાઉનલોડ કરી શકાય છે.

યુઝર્સ ફ્લિપકાર્ટ મારફત સબ્સ્ક્રિપ્શન ખરીદી શકે છે, જ્યાંથી તેમને એક યુનિક કૂપન કોડ આપવામાં આવશે. એપ એક્ટિવેટ કરવા માટે, યુઝર્સે ડોર પ્લે ડાઉનલોડ કરવું પડશે અને તેમના રજિસ્ટર્ડ મોબાઇલ નંબર સાથે કૂપન કોડ દાખલ કરવો પડશે.

ડોર પ્લે ની ખાસિયતો

ફ્લિપકાર્ટ લિસ્ટિંગ અનુસાર, ડોર પ્લે એક જ પ્લેટફોર્મ પર અનેક OTT સર્વિસ અને TV ચેનલ્સ એકત્રિત કરે છે. આ એપ લાઇવ સ્પોર્ટ્સ, મૂવીઝ, રિયલિટી શો અને ફિક્શન TV સિરીઝ જેવી વિવિધ પ્રકારની મનોરંજન સામગ્રી પ્રદાન કરે છે.
ડોર પ્લે એપમાં યુનિવર્સલ સર્ચ ફીચર આપવામાં આવ્યું છે, જેનાથી યુઝર્સ એક જ જગ્યાએ તમામ પ્લેટફોર્મ પર કન્ટેન્ટ
શોધી શકે છે. ટ્રેન્ડિંગ & અપકમિંગ વિભાગમાં નવીનતમ અને લોકપ્રિય સામગ્રી બતાવવામાં આવે છે.

વૈવિધ્યસભર અનુભવ માટે, સ્માર્ટ ફિલ્ટર્સ દ્વારા યુઝર્સ તેમના mood પ્રમાણે કન્ટેન્ટ શોધી શકે છે, જેમ કે હેપી, નોસ્ટાલ્જિક, એડવેન્ચરસ વગેરે. સબ્સ્ક્રાઇબર્સ તેમની પસંદગીના શૈલી અને મનપસંદ કલાકારો દ્વારા પણ કન્ટેન્ટ ફિલ્ટર કરી શકે છે.