WhatsApp પર ડિવાઇસ સ્ટોરેજ મેનેજમેન્ટ માટેનો નવો શોર્ટકટ લાવશે

WhatsApp તેના વપરાશકાર માટે દર મહિને નવા અપડેટ્સ લાવતું રહે છે, જે WhatsApp નો ઉપયોગ સરળ બનાવે છે. આ શ્રેણીમાં, WhatsApp હવે એક અદ્ભુત ફીચર લાવી રહ્યું છે, જેમાં, વપરાશકાર ચેટ વિન્ડો દ્વારા જ સ્ટોરેજનું વ્યવસ્થાપન કરી શકશે. વોટ્સએપ તેના એન્ડ્રોઇડ એપ માટે એક નવી સુવિધાનું પરીક્ષણ કરી રહ્યું હોવાના અહેવાલ છે, જે સ્ટોરેજ મેનેજ કરવાની પ્રક્રિયાને સરળ બનાવે છે.ચેટ વિન્ડોઝ દ્વારા જ સ્ટોરેજ મેનેજ કરાશે,વોટ્સએપ તેના એન્ડ્રોઇડ એપ માટે એક નવી સુવિધાનું પરીક્ષણ કરી રહ્યું હોવાના અહેવાલ છે, જે સ્ટોરેજ મેનેજ કરવાની પ્રક્રિયાને સરળ બનાવે છે. ફીચર ટ્રેકર દ્વારા શેર કરવામાં આવેલી વિગતો મુજબ, મેટા-માલિકીનું ઇન્સ્ટન્ટ મેસેજિંગ પ્લેટફોર્મ એક નવા ઝડપી વિકલ્પ પર કામ કરી રહ્યું છે જે વપરાશકર્તા ચેટ વિંડોમાંથી સીધા જ સ્ટોરેજ સ્પેસનું નિરીક્ષણ કરી તેને ફ્રી કરી શકે છે. આ માટે તેમને એપ્લિકેશન સેટિંગ્સમાં નેવિગેટ કરવાની જરૂરિયાત રહેતી નથી. આ ફીચરથી તેઓ મોટી ફાઇલ કઈ છે તે જોઈ જરૂરી ના હોય તો દૂર કરી શકે છે. આ ફીચરને કારણે મોટી ફાઇલો શોધવાનું પણ પહેલા કરતા વધુ સરળ બનાવશે.

હાલમાં આ ફીચર ડેવલપમેન્ટ હેઠળ

WhatsApp બીટા અપડેટમાં ડિવાઇસ સ્ટોરેજનું સંચાલન કરવા માટે આ નવું ફીચર જોવા મળ્યું હતું. તે Android વર્ઝન 2.25.31.13 માટે WhatsApp બીટામાં મળી આવ્યું હતું, જે તાજેતરમાં કંપની દ્વારા બહાર પાડવામાં આવ્યું હતું. આ શોર્ટકટ હાલમાં ડેવલપમેન્ટ હેઠળ છે. અને હજુ તમામ લોકો માટે ઉપલબ્ધ નથી.

ફીચર ટ્રેકર દ્વારા તેનો સ્ક્રીનશોટ દર્શાવવામાં આવ્યો છે. જેમાં, WhatsApp ચેટ વિંડોમાં ડિવાઇસ સ્ટોરેજ ચકાસીને તેને સંચાલન કરવા માટે એક ઝડપી શોર્ટકટ લાવશે. આ એ જ વિકલ્પ હોવાનું કહેવાય છે જે હાલમાં સ્ટોરેજ ટેબ હેઠળ WhatsApp સેટિંગ્સમાં ઉપલબ્ધ છે. જો કે, શોર્ટકટ ઝડપી ઍક્સેસ પ્રદાન કરે તેવી અપેક્ષા છે.

અહીં, વપરાશકર્તાઓ વાતચીતમાં શેર કરેલી બધી ફાઇલો ચકાસી શકશે. તેને સરળતાથી કાઢી નાખવા માટે મોટે થી નાની સાઈઝ પ્રમાણે ગોઠવવામાં આવે છે. તેઓ જે ફાઇલોની જરૂર નથી તેની સમીક્ષા કરી શકે છે અને સ્ટોરેજ સ્પેસ ખાલી કરવા માટે તેમને દૂર કરી શકે છે. તે બલ્ક ડિલીટેશન માટે સપોર્ટ કરશે. જેમાં સિલેક્ટ કરી એક સાથે ફાઇલ ડિલીટ કરી શકાશે.
આકસ્મિક રીતે ફાઇલ ડિલીટ ના થઈ જાય તે માટે સ્ટાર્ડ તરીકે ચિહ્નિત કરી શકશે. તેઓ ડિવાઈઝ સ્ટોરેજ મેનેજમેન્ટ સ્ક્રીનની શરૂઆતમાં ચોક્કસ કન્ટેન્ટને પિન પણ કરી શકશે જેથી તેનો ટ્રેક રાખી શકાય અને તેની ઝડપી ઍક્સેસ કરી શકાય.

WhatsApp પર ડિવાઇસ સ્ટોરેજ મેનેજમેન્ટ માટેનો નવો શોર્ટકટ હાલમાં ડેવલપિંગ સ્ટેજ પર છે. તે ફક્ત એવા બીટા ટેસ્ટર્સ માટે જ ઉપલબ્ધ છે જેઓ Google Play બીટા પ્રોગ્રામ દ્વારા નોંધાયેલા છે. ફીચર ટ્રેકર મુજબ, બીટા ફીચર્સ તબક્કાવાર રોલઆઉટ પ્રક્રિયાને અનુસરે છે અને તે બધા વપરાશકર્તાઓને તાત્કાલિક નહીં મળે.