Moto X70 Air આ મહિનાના અંતમાં ચીનમાં લોન્ચ થવા જઈ રહ્યો છે

Moto X70 Air આ મહિનાના અંતમાં ચીનમાં લોન્ચ થવા જઈ રહ્યો છે ત્યારે Lenovo ની માલિકીની Motorola એ તેના લોન્ચ અંગે મંગળવારે તે અંગે જાહેરાત કરી છે. હાલમાં જ્યારે પાતળા ફોન લોન્ચ કરવાનું ચલણ વધી રહ્યું છે ત્યારે Motorola પણ Apple, Honor, Samsung અને Tecno જેવી કંપનીઓની હરીફાઈમાં જોડાઈ ગઈ છે. Moto X70 Air 6mm કરતા ઓછી સાઇઝમાં આવે છે.Moto X70 Air કયા અને ક્યારે લોન્ચ થશે,Moto X70 Air સ્માર્ટફોન Snapdragon 7 Gen 4 ચિપસેટ દ્વારા સંચાલિત છે અને તેમાં 4,800mAh બેટરી છે. Moto X70 Air નામથી તેને માત્ર ચીનમાં લોન્ચ કરાશે જયારે વૈશ્વિક સ્તરે Motorola Edge 70 તરીકે રજૂ કરવામાં આવશે.Moto X70 Air 31 ઓક્ટોબરે ચીનમાં લોન્ચ કરાશે અને યુરોપિયન બજારમાં તેની લોન્ચ તારીખ 5 નવેમ્બર નક્કી કરવામાં આવી છે, જ્યાં તેને Motorola Edge 70 તરીકે રજૂ કરવામાં આવશે.

Moto X70 Air લેનોવો વેબસાઇટ પર ઉપલબ્ધ

Moto X70 Air હાલમાં ચીનમાં લેનોવો વેબસાઇટ પર લિસ્ટ કરાયો છે જો કે તેમાં કિંમત દર્શાવાઈ નથી. તેમાં સ્ટોરેજવિકલ્પો જોઈએ તો, 256GB અને 512GB સ્ટોરેજ મળશે. આ ઉપરાંત તેમાં ત્રણ કલર ગેજેટ ગ્રે, લિલી પેડ અને બ્રોન્ઝ ગ્રીન મળી શકશે.

Moto X70 Airના સ્પેસિફિકેશન્સ

Moto X70 Air Snapdragon 7 Gen 4 ચિપસેટથી સજ્જ છે, જે 12GB સુધી LPDDR5X RAM અને 512GB સુધી ઓનબોર્ડ UFS 3.1 સ્ટોરેજ સાથે જોડાયેલું છે. હેન્ડસેટમાં ગરમીના વિસર્જન માટે 3D વેપર ચેમ્બર અને ગ્રાફિક્સને લગતા સઘન કાર્યો માટે તેમાં Adreno GPU હોઈ શકે છે. તે Android 16 પર ચાલે છે.

Moto X70 Airમાં 6.7-ઇંચ 1.5K (1,220 x 2,712 પિક્સેલ્સ) પોલેડ સ્ક્રીન છે જેમાં રિફ્રેશ રેટ 120Hz અને 4,500 નિટ્સ સુધીની પીક બ્રાઇટનેસ છે. તેમાં SGS આઇ કેર પ્રોટેક્શન સાથે પેન્ટોન-માન્ય પેનલ હોવાનું કહેવાય છે. આ સ્માર્ટફોનની સાઇઝ જોઈએ તો, 159.87 x 74.28 x 5.99mm રહેશે. તેનું વજન 159 ગ્રામ હોવાની ધારણા છે. તે ધૂળ અને પાણી સામે રક્ષણ માટે IP68 + IP69 રેટિંગ ધરાવે છે.

Moto X70 Air માં ટ્રિપલ રીઅર કેમેરા સેટઅપ આપવામાં આવ્યું છે. જેમાં સેમસંગ સેન્સર સાથે 50 મેગાપિક્સલનો મુખ્ય કેમેરા અને 50 મેગાપિક્સલનો અલ્ટ્રા-વાઇડ-એંગલ લેન્સ રહેશે તેમજ સેલ્ફી અને વિડીયો કોલ માટે 50 મેગાપિક્સલનો ફ્રન્ટ કેમેરા હશે. કનેક્ટિવિટી વિકલ્પોમાં 5G, 4G LTE, Wi-Fi, NFC, GPS, બ્લૂટૂથ, OTG અને USB ટાઇપ-Cનો સમાવેશ થાય છે. તેમાં બાયોમેટ્રિક સુરક્ષા માટે ફિંગરપ્રિન્ટ સેન્સર છે. 4,800mAh બેટરી સાથે આવતો આ ફોન 68W વાયર્ડ અને 15W વાયરલેસ ચાર્જિંગને સપોર્ટ કરે છે.