રિયલમી કંપની તેના Realme GT 8 સિરીઝના સ્માર્ટફોન 21 ઓક્ટોબરે ચીનમાં લોન્ચ કરશે

રિયલમી કંપની તેના Realme GT 8 સિરીઝના સ્માર્ટફોન 21 ઓક્ટોબરે ચીનમાં લોન્ચ કરશે. કંપનીએ તેની એક સોશિયલ મીડિયા પોસ્ટમાં જણાવ્યું કે, આગામી સપ્તાહે Realme GT 8 અને Realme GT 8 Pro લોન્ચ કરાશે. સ્માર્ટફોન સ્વેપેબલ રીઅર કેમેરા મોડ્યુલથી સજ્જ હોવાની અપેક્ષા છે. કંપનીએ તાજેતરમાં જાહેરાત કરી હતી કે તેણે તેના આગામી હેન્ડસેટના કેમેરા માટે તેની ઇમેજ ટ્યુનિંગનો ઉપયોગ કરવા માટે Ricoh સાથે સહયોગ કર્યો છે. Realme એ પ્રથમવાર તેના Realme GT 8 Pro અને Realme GT 8 માં Ricoh GR ઇમેજિંગ ટેકનોલોજીનો ઉપયોગ કર્યો છે.

Realme GT 8 સિરીઝ આગામી અઠવાડિયામાં રજૂ કરાશે

ચાઇનીઝ કંપની રિયલમી તેના Realme GT 8 સિરીઝના બે ફોન આગામી સપ્તાહે લોન્ચ કરી રહી છે ત્યારે તેના કેમેરા સ્પેસિફિકેશન્સ અંગેની માહિતી આપી છે. જે પ્રમાણે ફોનના કેમેરા સેન્સરમાં 28mm અને 40mm ફોકલ લંબાઈ આપવામાં આવી છે જે વપરાશકારને વધુ પહોળી અને ઊંડાણ ધરાવતી ઇમેજ મેળવવામાં મદદ કરશે. તેમાં, ઇમર્સિવ ફ્રેમિંગ મોડ (ચાઇનીઝમાંથી અનુવાદિત) પણ આપવામાં આવશે જેના કારણે અવરોધ પેદા કરતા UI તત્વોને દૂર કરશે.
તેમાં ક્વિક ફોકસ મોડ પણ હશે, જેમાં વપરાશકાર ફોકસનું અંતર પ્રીસેટ કરી હાવભાવ સાથે ઇમેજ કેપ્ચર કરી શકે. આ સાથે જ Realme GT 8 Pro માં એક હિડન ફોકલ લેન્થ ફીચર પણ રહેશે જેનાથી 28mm અથવા 40mm ફોકલ લેન્થ સાથે ફોટા કેપ્ચર કરી શકાશે અને તેને અનુક્રમે 35mm અથવા 50mm પર સ્વિચ કરી શકાશે.

Realme GT 8 સિરીઝના સ્પેસીફિકેશન્સ

Realme GT 8 Proમાં સ્નેપડ્રેગન 8 Elite Gen 5પ્રોસેસર આપવામાં આવ્યું છે અને તેમાં, 2K 10-બીટ LTPO BOE ફ્લેટ OLED ડિસ્પ્લે હશે, જે 144Hz સુધી રિફ્રેશ રેટ આપશે. વધુમાં, તેમાં 200-મેગાપિક્સલ 1/1.56-ઇંચ Samsung HP5 પેરિસ્કોપ ટેલિફોટો કેમેરા હશે. કેમેરામાં ત્રણ અલગ મોડ્યુલ આપવામાં આવ્યા છે તે વપરાશકાર બદલી શકશે.

Realme GT 8 Pro માં 50-મેગાપિક્સલ 1/1.4-ઇંચ Sony LYT-808 મુખ્ય શૂટર ઓપ્ટિકલ ઇમેજ સ્ટેબિલાઇઝેશન (OIS) સાથે હશે, જે 50-મેગાપિક્સલ Samsung JN5 અલ્ટ્રાવાઇડ લેન્સ સાથે જોડાયેલ હશે. તેમાં 7,000mAh બેટરી રહેશે જે 120W વાયર્ડ ફાસ્ટ ચાર્જિંગ સપોર્ટ કરશે.

Realme GT 8 સિરીઝના સ્માર્ટફોનની કિંમત

લોન્ચ થઈ રહેલા Realme GT 8 સિરીઝના સ્માર્ટફોનની કિંમત હજુ જાહેર કરાઇ નથી પરંતુ, તેની કિંમત તેના અગાઉ લોન્ચ થયેલા Realme GT 7 સિરીઝના ફોન જેટલી જ રહેશે. Realme GT 7 Pro ભારતમાં 12GB રેમ અને 256GB સ્ટોરેજ ધરાવતા ફોન માટે રૂ. 59,999 ની પ્રારંભિક કિંમતે લોન્ચ કરવામાં આવ્યો હતો. જ્યારે, Realme GT 7 નાં બેઝ મોડેલ જે 8GB રેમ અને 256GB સ્ટોરેજ સાથે આવે છે તેની કિમત રૂ. 39,999 રૂપિયા હતી.