વિવો V50 ટૂંક સમયમાં લોંચ, 6000mAh બેટરી અને શાનદાર કેમેરા સાથે

વિવો કંપનીએ તેના નવા વિવો V50 સ્માર્ટફોનની માહિતી ઓફિશિયલ વેબસાઇટ પર જાહેર કરી છે. આ મોડલ ભારતમાં ટૂંક સમયમાં લોન્ચ થવા જઈ રહ્યું છે અને તે અગાઉના વિવો V40 ની જગ્યાએ આવશે. ઘણા સમયથી આ ફોન અંગે લીક્સ અને અટકળો ચાલી રહી હતી, પરંતુ હવે કંપનીએ મોટાભાગની વિગતો ખુલ્લી પાડી છે. જો કે, હજી સુધી પ્રોસેસર અને ચાર્જિંગ સ્પીડ અંગે માહિતી જાહેર કરાઈ નથી. વિવો V50 ની ડિઝાઇન તેના પૂર્વગામી મોડલ જેવી જ લાગે છે, પણ આ વખતે ક્વાડ-કર્વ ડિસ્પ્લે આપવામાં આવ્યું છે, જે ચારેય કિનારીઓ પર થોડું વળેલું રહેશે. આ સાથે, ફોનની IP68 અને IP69 સર્ટિફિકેશન મળશે, જે તેને પાણી અને ધૂળ સામે વધુ સુરક્ષિત બનાવશે.

વિવો V50 ની ડિઝાઇન અને કલર ઓપ્શન

વિવો V50 માં જ્યાં-ત્યાં ગોળાકાર ડિઝાઇન જોવા મળે છે, જે તે અગાઉના વિવો V40 કરતા થોડી જુદી છે. ખાસ વાત એ છે કે આ વખતે ડિસ્પ્લે ચારેય બાજુથી વળેલું હશે, જે એક પ્રિમિયમ લુક આપશે. ફોન ટાઈટાનિયમ ગ્રે, સ્ટેરી બ્લૂ અને રોઝ રેડ કલરમાં ઉપલબ્ધ થશે.

50MP ટ્રિપલ કેમેરા સેટઅપ

વિવો V50 પાછળ કેમેરા મોડ્યુલ ગોળાકાર ડિઝાઇનમાં જળવાઈ છે. કેમેરા સેટઅપમાં ત્રણ 50-મેગાપિક્સલ સેન્સર હશે, જેમાં પ્રાઈમરી, અલ્ટ્રાવાઈડ અને ફ્રન્ટ કેમેરા શામેલ છે. વિવો ના ઔરા લાઇટ ફીચર સાથે, આ મોડેલમાં વધુ સારો લાઇટ ઇફેક્ટ મળશે.

6000mAh બેટરી અને ફનટચ OS 15

વિવો V50 માં 6000mAh બેટરી મળશે, જે લાંબા સમય સુધી બેકઅપ આપશે. આ ફોન ફનટચ OS 15 પર રન કરશે અને તેમાં AI આધારિત કેમેરા અને અન્ય ફીચર્સ હશે. આ સ્માર્ટફોન ભારતમાં 18 ફેબ્રુઆરી ના રોજ લોન્ચ થવાની સંભાવના છે.