ગુગલ પિક્સેલ 10a 18 ફેબ્રુઆરીએ ભારત અને વૈશ્વિક બજારોમાં લોન્ચ થશે

ગુગલ પિક્સેલ 10a આ મહિનાના અંતમાં ભારત અને વૈશ્વિક બજારોમાં લોન્ચ થશે. આ જાહેરાત કંપનીએ બુધવારે કરી હતી. તે માર્ચ 2025 માં લોન્ચ થયેલા પિક્સેલ 9a ના અનુગામી તરીકે તે આવવાની ધારણા છે. ઘણા સમયથી આ ડિવાઇઝ અંગેના લીક્સ બહાર આવી રહ્યા છે, ત્યારે માઉન્ટેન વ્યૂ સ્થિત ટેક જાયન્ટે ફોનનો ખુલાસો કર્યો છે. પિક્સેલ 10a તેના પુરોગામી જેવી જ ડિઝાઇન ધરાવશે અને બ્લુ કલરમાં આવશે.

Google Pixel 10a લોન્ચ તારીખ

ગુગલે જાહેરાત કરી છે કે Pixel 10a 18 ફેબ્રુઆરીએ લોન્ચ થશે. હજુ સુધી તેની કિંમત જાહેર કરવામાં આવી નથી. કંપનીએ જણાવ્યું હતું કે, Google સ્ટોર સબ્સ્ક્રાઇબર્સ 13 ફેબ્રુઆરીના રોજ બપોરે 1:29 સુધીમાં માહિતી માટે સાઇન અપ કરીને એક વિશિષ્ટ ઓફર મેળવી શકશે. તેનો ઉપયોગ તેઓ ભવિષ્યના ઓર્ડર માટે લાભ અનલૉક કરવા માટે Pixel 10a ખરીદી સાથે આ ઓફર લાગુ કરી શકશે.

Google Pixel 10aની કિંમત

કિંમતની દ્રષ્ટિએ, યુરોપમાં Google Pixel 10a ની કિંમત 128GB વેરિઅન્ટ માટે EUR 549 (આશરે રૂ. 58,000) થી શરૂ થવાની અહેવાલ છે, જ્યારે 256GB સ્ટોરેજ મોડેલની કિંમત EUR 649 (આશરે રૂ. 69,000) હોઈ શકે છે.

અહેવાલો અનુસાર, Google Pixel 10a 128GB અને 256GB સ્ટોરેજ વિકલ્પોમાં ઓફર કરવામાં આવી શકે છે. તે બેરી, ફોગ, લવંડર અને ઓબ્સિડીયન કલરવેમાં ઉપલબ્ધ થશે.

Google Pixel 10a તેના પુરોગામી જેવી જ ડિઝાઇન સાથે આવશે. તેમાં ફ્લેટ ડ્યુઅલ રીઅર કેમેરા યુનિટ છે, જે આડી પીલ શેપના આકારના કેમેરા આઇલેન્ડની અંદર રાખવામાં આવ્યું છે. પાછળ એક સિંગલ LED ફ્લેશ સેટઅપ પણ છે. Pixel 9a ની જેમ, Pixel 10a માં પાછળના પેનલની મધ્યમાં સેન્ટર-એલાઈન્ડ ગૂગલ બ્રાન્ડિંગ મૂકવામાં આવ્યું છે. આ ઉપરાંત, ડિસ્પ્લેની બધી બાજુઓ પર જાડા બેઝલ્સ છે, સાથે સેન્ટર-એલાઈન્ડ હોલ-પંચ કટઆઉટ પણ છે.
ટીઝર ઇમેજમાં Pixel 10a ને બ્લુ કલરના વિકલ્પમાં બતાવવામાં આવ્યો છે, જે તેના પુરોગામીના Iris કલરવે જેવો જ છે.

જ્યારે Google એ આગામી નોન-ફ્લેગશિપ Pixel ના ચોક્કસ સ્પષ્ટીકરણો જાહેર કર્યા નથી, જો કે તેમાં ફોટોગ્રાફી ક્ષમતા અપગ્રેડ કરાઈ હોવાનું ટીઝરમાં જણાવાયું છે. વધુમાં, કંપની તેને "સૌથી ટકાઉ Google Pixel A-Series" કહે છે, જે ધૂળ અને પાણી સામે સારી સુરક્ષા તરફ સંકેત આપે છે. અને Pixel 9a ની જેમ, Pixel 10a માં Gemini ને બિલ્ટ-ઇન AI સહાયક તરીકે દર્શાવવામાં આવશે.