iQOO દ્વારા બુધવારે ચીનમાં iQOO 15 Ultra લોન્ચ કરવામાં આવ્યો હતો

ચાઇનિઝ કન્ઝ્યુમર ઇલેક્ટ્રોનિક્સ કંપની iQOO દ્વારા બુધવારે ચીનમાં iQOO 15 Ultra લોન્ચ કરવામાં આવ્યો હતો. આ નવો હેન્ડસેટ દેશમાં Vivo ચાઇના ઓનલાઇન સ્ટોર દ્વારા બે કલરમાં ખરીદી શકાશે. તેના સ્પેસિફિકેશન જોઈએ તો, તે, Qualcomm ના ફ્લેગશિપ ઓક્ટા કોર સ્નેપડ્રેગન 8 Elite Gen 5 ચિપસેટ દ્વારા સંચાલિત છે, જે 3nm પ્રક્રિયા પર બનેલ છે. iQOO 15 Ultra 7,400mAh બેટરીથી સજ્જ છે. તે 100W વાયર્ડ અને 40W વાયરલેસ ફાસ્ટ ચાર્જિંગ માટે સપોર્ટ આપે છે.

iQOO 15 Ultra ની કિંમત, ઉપલબ્ધતા

iQOO 15 Ultra માં 16GB રેમ અને 256GB સ્ટોરેજ ધરાવતા બેઝ વેરિઅન્ટની કિંમત CNY 5,699 (આશરે રૂ. 74,000) થી શરૂ થાય છે. દરમિયાન, ઉચ્ચ-સ્તરના 16GB+512GB અને 16GB+1TB રેમ અને સ્ટોરેજ કન્ફિગરેશનની કિંમત અનુક્રમે CNY 5,999 (આશરે રૂ. 78,000) અને CNY 6,999 (આશરે રૂ. 91,000) છે. છેલ્લે, 24GB રેમ અને 1TB સ્ટોરેજ ધરાવતા ટોપ-ઓફ-ધ-લાઇન મોડેલની કિંમત CNY 7,699 (આશરે રૂ. 1,00,000) છે.

નવો iQOO સ્માર્ટફોન 6 ફેબ્રુઆરીએ Vivo ચાઇના ઓનલાઇન સ્ટોર દ્વારા દેશમાં વેચાણ માટે ઉપલબ્ધ થશે. iQOO 15 Ultra 2077 (બેલ્ક) અને 2049 (સિલ્વર) કલરમાં મળશે.

iQOO 15 Ultra ના સ્પેસિફિકેશન્સ અને ફીચર્સ

iQOO 15 Ultra એ ડ્યુઅલ સિમ સ્માર્ટફોન છે જે Android 16-આધારિત OriginOS 6 પર ચાલે છે. iQOO 15 Ultra ને ઓક્ટા કોર 3nm સ્નેપડ્રેગન 8 Elite Gen 5 ચિપસેટ પાવર આપે છે. SoC માં છ એફિશિએન્સી કોર અને બે પર્ફોર્મન્સ કોર છે, જે 4.6GHz ની ક્લોક સ્પીડ આપે છે. iQOO 15 Ultra માં 7,400mAh બેટરી છે જે 100W વાયર્ડ અને 40W વાયરલેસ ફાસ્ટ ચાર્જિંગને સપોર્ટ કરે છે.

નવા ફોનમાં 6.85-ઇંચ 2K (1,440x3,168 પિક્સેલ્સ) Samsung M14 8T LTPO AMOLED ડિસ્પ્લે છે, જેમાં 144Hz સુધીનો રિફ્રેશ રેટ, HDR વિડિયો માટે સપોર્ટ, 8,000 nits સુધીની પીક બ્રાઇટનેસ, 508 ppi પિક્સેલ ડેન્સિટી, 19.8:9 એસ્પેક્ટ રેશિયો, 1.07 બિલિયન કલર અને 94.39 ટકા સ્ક્રીન-ટુ-બોડી રેશિયો છે.

iQOO નું 15 Ultra Adreno 840 GPU, 24GB સુધી LPDDR5x Ultra Pro રેમ અને 1TB સુધી UFS 4.1 ઇન્ટરનલ સ્ટોરેજથી પણ સજ્જ છે. ગેમિંગ અને રિસોર્સ-ઇન્ટેન્સિવ કાર્યો દરમિયાન તાપમાનને નિયંત્રિત કરવા માટે, સ્માર્ટફોન iQOO ની આઇસ ડોમ કૂલિંગ સિસ્ટમ સાથે આવે છે, જેમાં 8,000 ચોરસ મીમી હીટ ડિસીપેશન પ્લેટ અને એક એક્ટિવ કૂલિંગ ફેન છે. તેમાં ડાબી બાજુ હીટ વેન્ટ પણ છે. ગેમર્સ માટે, ફોનમાં બે શોલ્ડર બટન અને Q3 ઇ-સ્પોર્ટ્સ ચિપ છે.

ઓપ્ટિક્સ માટે, iQOO 15 Ultra માં ટ્રિપલ રીઅર કેમેરા યુનિટ છે, જે ઓપ્ટિકલ ઇમેજ સ્ટેબિલાઇઝેશન સાથે 50-મેગાપિક્સલ (f/1.88) પ્રાઇમરી શૂટર, 50-મેગાપિક્સલ (f/2.65) પેરિસ્કોપ ટેલિફોટો કેમેરા અને 50-મેગાપિક્સલ (f/2.05) અલ્ટ્રાવાઇડ કેમેરા દ્વારા સંચાલિત છે. તેમાં સેલ્ફી અને વિડીયો કોલ માટે 32-મેગાપિક્સલ (f/2.2) ફ્રન્ટ-ફેસિંગ કેમેરા પણ છે. આ હેન્ડસેટ 8K સુધીના રેઝોલ્યુશન પર વિડીયો રેકોર્ડ કરવામાં સક્ષમ છે.

iQOO 15 Ultra ની કનેક્ટિવિટી જોઈએ તો, તે 5G, 4G LTE, બ્લૂટૂથ 5.4, Wi-Fi 7, USB Type-C પોર્ટ, BeiDou, GPS, QZSS, GLONASS અને Galileo ને સપોર્ટ કરે છે. ઓનબોર્ડ સેન્સરની યાદીમાં એક્સીલેરોમીટર, એમ્બિયન્ટ લાઇટ સેન્સર, પ્રોક્સિમિટી સેન્સર, ગાયરોસ્કોપ, ઇ-કંપાસ, હોલ સેન્સર અને ઇન્ફ્રારેડ બ્લાસ્ટરનો સમાવેશ થાય છે. ફોનમાં સુરક્ષા માટે 3D અલ્ટ્રાસોનિક ઇન-ડિસ્પ્લે ફિંગરપ્રિન્ટ સ્કેનર પણ છે. તેની સાઈઝ 163.65x76.80x8.70mm છે અને તેનું વજન લગભગ 227 ગ્રામ છે.