ભારતમાં ટૂંક સમયમાં Vivo V70 સિરીઝ લોન્ચ થઈ રહી છે.

ભારતમાં ટૂંક સમયમાં Vivo V70 સિરીઝ લોન્ચ થઈ રહી છે. આ સિરીઝમાં બે મોડેલ, Vivo V70 Elite અને Vivo V70 શામેલ હશે. ભારતમાં તે લોન્ચ થાય તે અગાઉ Vivo V70 Elite બેન્ચમાર્કિંગ વેબસાઇટ પર જોવા મળ્યો છે, જેના દ્વારા તેના ફીચર્સ અને સ્પેસિફિકેશન્સ અંગેની માહિતી મળી છે.

V70 Elite સ્માર્ટફોન સ્નેપડ્રેગન 8 સિરીઝ ચિપસેટ દ્વારા સંચાલિત હશે. આ ફોન ત્રણ કલરમાં ઉપલબ્ધ થશે. Vivo V70 Elite માટે એક સમર્પિત માઇક્રોસાઇટ બે ઇ-કોમર્સ પ્લેટફોર્મ પર લાઇવ છે, પરંતુ લોન્ચ તારીખ હજુ સુધી જાહેર કરવામાં આવી નથી.

Vivo સ્માર્ટફોનને V2548 મોડેલ નંબર સાથે ગીકબેન્ચ બેન્ચમાર્કિંગ પ્લેટફોર્મ પર લિસ્ટ કરવામાં આવ્યો છે, ટેક બ્લોગર Anvin (@ZionsAnvin) પ્રમાણે આ મોડેલ નંબર આગામી Vivo V70 Elite નો છે. આ હેન્ડસેટ 12GB રેમ અને Android 16 આધારિત ઓપરેટિંગ સિસ્ટમ સાથે લિસ્ટ કરવામાં આવ્યો છે.

આ ફોન સિંગલ કોર પર્ફોર્મન્સમાં 1,973 પોઈન્ટ અને મલ્ટી કોર પર્ફોર્મન્સમાં 4,863 પોઈન્ટ મેળવવામાં સફળ રહ્યો છે. Vivo V70 Elite ઓક્ટા કોર ARMv8 ચિપસેટ સાથે જોવા મળ્યો છે, જેમાં 2.02GHz પર ત્રણ એફિશિએન્સી કોર, 2.80GHz પર ચાર પર્ફોર્મન્સ કોર અને 3.01GHz ની પીક ક્લોક સ્પીડ આપતો એક પ્રાઇમ કોર છે.

Vivo V70 Elite અને Vivo V70 ભારતમાં એમેઝોન, ફ્લિપકાર્ટ અને Vivo ઇન્ડિયા ઓનલાઈન સ્ટોર દ્વારા દેશમાં ખરીદી માટે ઉપલબ્ધ થશે. જ્યારે Vivo V70 Elite Passion Red, Sand Beige અને Authentic Black કલરમાં વેચાશે જ્યારે Vivo V70 Passion Red અને Lemon Yellow શેડ્સમાં આવશે.

સ્ટાન્ડર્ડ મોડેલ Snapdragon 7 Gen 4 SoC થી સજ્જ હશે. Vivo V70 Elite માં Snapdragon 8s Gen 3 ચિપસેટ હોવાની પુષ્ટિ થઈ છે. બીજી તરફ, Vivo V70 શ્રેણીમાં 6.59-ઇંચ 1.5K ડિસ્પ્લે, 459ppi ની પિક્સેલ ઘનતા, 120Hz સુધી રિફ્રેશ રેટ, 5,000 nits સુધી પીક બ્રાઇટનેસ અને 1.07 બિલિયન રંગો, 1.25mm જાડા બેઝલ્સ સાથે હશે. લાઇનઅપમાં 90W વાયર્ડ ફાસ્ટ ચાર્જિંગ માટે સપોર્ટ સાથે 6,500mAh બેટરી હશે.

તેમાં સોનીના IMX766 સેન્સરનો ઉપયોગ કરીને 50MPનો મુખ્ય કેમેરા અને સોની IMX882 સેન્સરનો ઉપયોગ કરીને 50MPનો ટેલિફોટો કેમેરા હશે. તેમાં, 50MP સેલ્ફી કેમેરા છે. ધૂળ અને પાણી સામે સુરક્ષા માટે તેને IP68 અને IP69 રેટિંગ મળ્યું છે. મેટલ ફ્રેમ અને x-એક્સિસ લીનિયર વાઇબ્રેશન મોટર સાથે આવી શકે છે.