સ્વરેલ: ટિકિટ બુકિંગ, PNR, અને ટ્રેન સર્વિસને એક જ એપમાં

ઇન્ડિયન રેલવેએ મુસાફરો માટે સ્વરેલ નામની નવી સુપરએપ લોન્ચ કરી છે. આ એપ રેલવેની વિવિધ સેવાઓને એક જ પ્લેટફોર્મ પર એકત્રિત કરીને યૂઝર્સ માટે વધુ સરળતા લાવશે. અગાઉ મુસાફરોને ટિકિટ બુકિંગ, PNR સ્ટેટસ ચેક કરવું, ટ્રેન ટ્રેક કરવી, અને ફૂડ ઓર્ડર કરવું જેવી સેવાઓ માટે અલગ અલગ એપ્લિકેશન્સ ડાઉનલોડ કરવી પડતી હતી. સ્વરેલ દ્વારા હવે આ બધી જ સુવિધાઓ એકજ એપમાં ઉપલબ્ધ થશે, જેનો મુખ્ય ઉદ્દેશ્ય એપ ક્લટર ઘટાડવો અને યૂઝર અનુભવ સુધારવો છે. એન્ડ્રોઈડ અને iOS માટે બીટા વર્ઝનમાં ઉપલબ્ધ આ એપ હવે મુસાફરો માટે સુવિધાજનક બનશે. રેલવે મંત્રાલયે જણાવ્યું છે કે આ એપનો સંપૂર્ણ પરીક્ષણ થયા પછી તે જાહેર રીતે લોન્ચ કરવામાં આવશે.

સ્વરેલ સુપરએપની મહત્વની સુવિધાઓ

સ્વરેલ સુપરએપ સેંટર ફોર રેલવે ઇન્ફોર્મેશન સિસ્ટમ્સ (CRIS) દ્વારા ડેવલપ કરવામાં આવી છે. આ સુપરએપ નીચેની મુખ્ય સુવિધાઓ પ્રદાન કરશે:

• ટિકિટ બુકિંગ: રિઝર્વ્ડ, અનરિઝર્વ્ડ અને પ્લેટફોર્મ ટિકિટ બુકિંગની સુવિધા.
• PNR અને ટ્રેન સ્ટેટસ: ટ્રેનનું હાલનું સ્થાન, PNR અપડેટ્સ અને કોચ માહિતી.
• ફૂડ ઓર્ડર: ટ્રેનમાં મુસાફરી દરમિયાન જમવાનું ઓર્ડર કરવાની સુવિધા.
• ફ્રેટ અને પાર્સલ ઇન્ક્વાયરી: માલસામાન અને પાર્સલની સ્થિતિ ચેક કરી શકાશે.
• Rail મદદ: ફરિયાદો અને અન્ય પ્રશ્નો માટે સીધું સહાય કેન્દ્ર.

એક જ લોગ ઇન ID વડે તમામ સેવાઓ એક્સેસ

સ્વરેલ single sign-on સુવિધા પ્રદાન કરે છે, જેથી યૂઝર્સ IRCTC રેલકનેક્ટ અને UTS મોબાઈલ એપ જેવી એપ્સમાં પણ એક જ લોગિનથી પ્રવેશ મેળવી શકશે. m-PIN અને બાયોમેટ્રિક ઓથેન્ટીકેશન વિકલ્પો પણ આપવામાં આવ્યા છે.
હાલમાં, સ્વરેલ એન્ડ્રોઇડ અને iOS માટે બીટા વર્ઝનમાં ઉપલબ્ધ છે અને યૂઝર્સ તેનો ફીડબેક આપી શકે છે.