WhatsApp એક નવું ‘Channel Quiz’ ફીચર ટેસ્ટ કરી રહી છે.

WhatsApp તેના ચેનલ ફીચરને ઈન્ટ્રેસ્ટિંગ બનાવી રહી છે. કંપની એક નવું ‘Channel Quiz' ફીચર ટેસ્ટ કરી રહી છે. જે ચેનલ એડમિનને અન્ય સભ્યો અને વપરાશકર્તાઓ સાથે નવી રીતે વાતચીત કરવાની મંજૂરી આપશે. ફીચર ટ્રેકર દ્વારા શેર કરવામાં આવેલી વિગતો અનુસાર, આ સુવિધાને 'ચેનલ ક્વિઝ' કહેવામાં આવે છે. જેમાં 'મૈત્રીપૂર્ણ સ્પર્ધા'ને પ્રોત્સાહન આપીને એકબીજા સાથે જોડાઈ શકાશે. જોકે કંપનીએ હજુ સુધી આ ફીચરની સત્તાવાર જાહેરાત કરી નથી.
‘Channel Quiz' ફીચર વોટ્સએપના નવીનતમ એન્ડ્રોઇડ બીટા અપડેટમાં જોવા મળ્યું હતું, જ્યાં બીટા ટેસ્ટર્સ દ્વારા તેનું પરીક્ષણ અને વિશ્લેષણ કરવામાં આવ્યું હતું.

ફીચર ટ્રેકર WABetaInfo એ એન્ડ્રોઇડ 2.25.30.5 માટે WhatsApp બીટા અપડેટ પછી વિકસિત એક નવી સુવિધા જોઈ છે. આ સુવિધા એડમિન્સને WhatsApp ચેનલોમાં ક્વિઝ બનાવવાની મંજૂરી આપે છે. આ સુવિધા મતદાનથી અલગ હોવાનું કહેવાય છે કારણ કે તે વધારાની સુવિધાઓ પણ છે, જેમાં ચોક્કસ વિષય પર સભ્યોના જ્ઞાનનું પરીક્ષણ કરવાની ક્ષમતાનો સમાવેશ થાય છે.

એક ચેનલ ધારો કે, ઇન્ફર્મેશન ટેકનોલોજી પર ચેનલ બનાવે છે તો એ અંગેના સમાન્ય જ્ઞાન વિશેની ક્વિઝ રજૂ કરી શકાશે. WhatsApp ફીચર્સ ટ્રેકરે બે સ્ક્રીનશોટ પણ શેર કર્યા છે જે દર્શાવે છે કે આ નવી સુવિધા ચેટ વિન્ડોના જોડાણ મેનૂમાં દેખાશે. જ્યારે વપરાશકર્તા તેના પર ક્લિક કરશે, ત્યારે 'ક્રિએટ ક્વિઝ' મેનૂ ખુલશે, જ્યાં પહેલું બોક્સ પ્રશ્ન માટે હશે અને બાકીના બોક્સ જવાબ વિકલ્પો માટે હશે.

રિપોર્ટમાં કેટલા વિકલ્પો ઉમેરી શકાય તે સ્પષ્ટ કરવામાં આવ્યું નથી, પરંતુ સ્ક્રીનશોટ મુજબ, WhatsApp ચેનલ એડમિન ઓછામાં ઓછા પાંચ ઉમેરી શકશે. ઇન્સ્ટન્ટ મેસેજિંગ સેવા વપરાશકર્તાઓને ટેક્સ્ટ અને ઇમેજ એમ બંને વિકલ્પો પ્રદાન કરવાની મંજૂરી પણ આપી શકે છે.

એકવાર ક્વિઝ બની જાય, પછી તે ચેનલને સંદેશ તરીકે મોકલવામાં આવશે. અન્ય ચેનલ સભ્યો તેમના પસંદ કરેલા વિકલ્પની ડાબી બાજુના ચેક માર્ક પર ક્લિક કરીને જવાબો પસંદ કરી શકે છે. રિપોર્ટ અનુસાર, ચેનલ મુલાકાતીઓ પણ ક્વિઝ સાથે વાર્તાલાપ કરી શકશે.

જ્યારે કોઈ વપરાશકર્તા કોઈ વિકલ્પ પર ક્લિક કરે છે, ત્યારે ક્વિઝ કાર્ડ સાચો જવાબ પ્રદર્શિત કરશે. એવું અહેવાલ છે કે બીટા ટેસ્ટર્સ દ્વારા સંપૂર્ણ રીતે પરીક્ષણ પછી WhatsApp ભવિષ્યના અપડેટમાં આ ચેનલ ક્વિઝ સુવિધાને રોલ આઉટ કરશે.