Tecno Pop X એન્ટ્રી લેવલ સ્માર્ટફોન ભારતમાં આવ્યો

Tecnoએ બુધવારે ભારતમાં પોતાનો નવો એન્ટ્રી લેવલ સ્માર્ટફોન Tecno Pop X લોન્ચ કર્યો છે .કંપની મુજબ આ સ્માર્ટફોન આ અઠવાડિયાના અંતમાં દેશમાં વેચાણ માટે ઉપલબ્ધ  થશે . ફોનમાં 120Hz રિફ્રેશ રેટ સાથેનું LCD ડિસ્પ્લે આપવામાં આવ્યો છે . તેમાં IP64 રેટિંગ સાથે આવે છે જે ધૂળ અને પાણીના સામે   રક્ષણ આપે  છે . કંપનીએ આ સ્માર્ટફોન એક ખાસ ફીચર પણ આપ્યું છે . જેના કારણે વપરાશકર્તાઓ નજીકના અન્ય યુઝર્સ સાથે સેલ્યુલર નેટવર્ક વિના પણ કોલ કરી શકે છે . 

Tecno Pop X ભારતમાં કિંમત :
 ભારતમાં Tecno Pop X ની કિંમત રૂપિયા 8,499 રાખવામાં આવી છે . આ સ્માર્ટફોન 4GB RAM અને 64GB સ્ટોરેજ ઉપલબ્ધ છે . આ હેન્ડસેટ Chili Green અને  Flare White કલર વિકલ્પોમાં આવે છે . કંપની મુજબ આ સ્માર્ટફોન 6 માર્ચથી Amazon અને અન્ય રિટેલ ચેનલો દ્રારા વેચાણ માટે ઉપલબ્ધ રહેશે . લોન્ચ ઓફર હેઠળ HDFC બેંક કાર્ડ દ્રારા ખરીદી પર ગ્રાહકોને ડિસ્કાઉન્ટ મળશે . જેના પછી ફોનની અસરકારક કિંમત 7,749 રૂપિયા સુધી ઘટી શકે છે . 

Tecno Pop X ફીચર્સ :
Tecno Pop X  એક ડ્યુઅલ સિમ સ્માર્ટફોન છે જે Android 15 આધારિત HiOS 15 પર ચાલે છે તેમાં 12nm  ઓક્ટા-કોર Unisoc T 7250 પ્રોસેસર આપવામાં આવ્યું છે . જે 4GB  LPDDR4*RAM અને 64GB eMMC સ્ટોરેજ સાથે જોડાયેલ છે . આ ફોનમાં 6.75 ઇંચ HD+LCD ડિસ્પ્લે આપવામાં આવ્યો છે . જેમાં 120Hz  રિફ્રેશ રેટ અને 260ppi પિક્સેલ ડેન્સિટી મળે છે .

ફોટોગ્રાફી માટે તેમાં 13 મેગા પિક્સલનો રિઅર કેમેરા આપવામાં આવ્યો છે જયારે સેલ્ફી અને વિડીયો કોલ માટે 8 મેગા પિકસલનો ફ્રન્ટ કેમેરા આપેલ છે .સ્માર્ટફોનમાં સાઈડ માઉન્ટેડ ફિંગરપ્રિન્ટ સ્કેનર આપવામાં આવ્યું છે . તેમાં 5000mAh બેટરી છે જે 15W ચાર્જિંગ સપોર્ટ કરે છે , જોકે આ ફોન સાથે 10W એડેપ્ટર આપવામાં આવ્યો છે . 

આ ફોનમાં કનેક્ટિવિટી માટે તેમાં 4G LTE, Wi-Fi, Bluetooth 5.2, GPS અને USB Type-C સપોર્ટ મળે છે .આ ઉપરાંત કંપનીએ ફોનમાં IR ટ્રાન્સમીટર પણ આપ્યું છે . જેના દ્રારા ઘરેલુ ઇલેકટ્રોનિક ઉપકરણોને નિયંત્રિત કરી શકાય છે . આ ફોનમાં 3.5mm હેડફોન જેક પણ આપવામાં આવ્યો છે . તેનું માપ 167.79*77.79*8.18mm છે અને તેનું વજન 182.6 ગ્રામ છે .