નથીંગ ફોન 3aમાં કેમેરા બટન આવે તો? એક ક્લિકમાં ફોટો લો!

નથીંગ ફોન 3a સિરીઝ 4 માર્ચે લોન્ચ થવાની છે. લૉન્ચ પહેલા બ્રિટિશ ઓરિજિનલ ઇક્વિપમેન્ટ મેન્યુફેક્ચરર (OEM) નથીંગ એ નવા ફોન માટે એક ટીઝર જાહેર કર્યું છે. ટીઝરમાં એક વધારાનો બટન જોવા મળે છે, જે કેમેરા શટર બટન હોઈ શકે છે. આ બટન દબાવતા કેમેરા ઓપન થઈ જશે અને બીજું દબાવતા ફોટો ક્લિક થશે. આ ફીચર iPhone 16 ની કેમેરા કંટ્રોલ બટન જેવી હોઈ શકે છે. નથીંગ ફોન 3a સાથે ફોન 3a પ્રો પણ લોન્ચ થઈ શકે છે, જે નથીંગ માટે નવી શ્રેણી હશે.

નથીંગ ફોન 3a માં કેમેરા બટન આવશે?

નથીંગ એ X (ટ્વિટર) પર ટીઝર પોસ્ટ કર્યું છે, જેમાં ફોનની સાઇડ પ્રોફાઇલ જોઈ શકાય છે. પાવર બટન નીચે એક નવું બટન છે, જેને કેમેરા બટન તરીકે અનુમાનવામાં આવી રહ્યું છે. જો નથીંગ અન્ય બ્રાન્ડ્સ જેવી જ આપવાની યાજના ધરાવે, તો એક ક્લિકથી કેમેરા ઓપન થઈ શકે અને બીજું ક્લિક કરતાં ફોટો લેવાશે.

અન્ય ઉપયોગીતા પણ હોઈ શકે

કેટલાક યૂઝર્સ માને છે કે આ અલર્ટ સ્લાઇડર પણ હોઈ શકે છે, જે Carl Pei ની ભૂતપૂર્વ કંપની વનપ્લસ ના ફોનમાં જોવા મળતું હતું. બીજી બાજુ, નથીંગ આ વર્ષે AI પર પણ ફોકસ કરી રહ્યું છે, એટલે કે આ બટન વોઇસ આસિસ્ટન્ટ માટે પણ હોઈ શકે છે.
અગત્યનું છે કે આ બટન iPhone ના એક્શન બટન જેવી મલ્ટી-પરપઝ પણ હોઈ શકે છે, જે સાઇલન્ટ મોડ, ફ્લેશલાઈટ, ફોકસ મોડ અને કેમેરા શોર્ટકટ માટે કસ્ટમાઇઝ કરી શકાય.
શું આ ખરેખર કેમેરા શટર બટન હશે કે એક અલગ જ ફીચર હશે, એ નથીંગ ફોન 3a સિરીઝના લૉન્ચ પહેલા જણાશે. નથીંગ 4 માર્ચે પોતાના નવા ફોન રજૂ કરશે.