ફ્લિપકાર્ટ પર OnePlus 13 ફ્લેગશીપ સ્માર્ટફોન હાલમાં ઓછા ભાવે ખરીદવાની તક

ફ્લિપકાર્ટ પર OnePlus 13 ફ્લેગશીપ સ્માર્ટફોન હાલમાં ઓછા ભાવે ખરીદવાની તક આવી છે. આ લોકપ્રિય ફ્લેગશિપ સ્માર્ટફોન હાલમાં રૂ. 12,000 સુધીના ડિસ્કાઉન્ટ સાથે ઓફર કરવામાં આવી રહ્યો છે. ઓછી કિંમતે શ્રેષ્ઠ પ્રદર્શનનો અનુભવ કરવા માંગતા હોય તો OnePlus 13 ખરીદવાની આ ચોક્કસપણે એક શ્રેષ્ઠ તક છે. આ સ્માર્ટફોન ક્વોલકોમના સ્નેપડ્રેગન 8 એલીટ પ્રોસેસર સાથે આવે અને તેમાં ટ્રિપલ કેમેરા સેટઅપ છે.

ફ્લિપકાર્ટ પર OnePlus 13 ડિલ

OnePlus 13 સ્માર્ટફોન ભારતમાં લોન્ચ સમયે રૂ. 69,999 માં મળતો હતો. જોકે, આ ફ્લેગશિપ ડિવાઇસ હવે ફ્લિપકાર્ટ પર રૂ. 8,114 ફ્લેટ ડિસ્કાઉન્ટ સાથે લિસ્ટેડ છે. આમ, ફોન હાલમાં રૂ. 61,885 માં લિસ્ટ કરાયો છે. આ ઉપરાંત તેમાં અન્ય ઓફર ઉમેરતા અસરકારક કિંમત વધુ ઓછી કરી શકાય છે.
ખરીદી સમયે Flipkart SBI અથવા Flipkart Axis Bank ક્રેડિટ કાર્ડનો ઉપયોગ કરી તેમાં વધારાનું રૂ. 4,000 નું ડિસ્કાઉન્ટ પણ મળશે. તેમાં મહિને રૂ. 2,176 થી શરૂ થતા EMI નો વિકલ્પ પણ લઈ શકાય છે.

જો તમે તમારા જૂના સ્માર્ટફોનમાંથી અપગ્રેડ કરવાનું વિચારી રહ્યા છો, તો તમે પ્લેટફોર્મના એક્સચેન્જ પ્રોગ્રામનો પણ ઉપયોગ કરી શકો છો. તમારા જૂના સ્માર્ટફોનના બ્રાન્ડ, મોડેલ અને કાર્યક્ષમતાના આધારે, તમે રૂ. 50,500 સુધીની એક્સચેન્જ કિંમત મેળવી શકો છો.

OnePlus 13 ના સ્પેસિફિકેશન્સ

OnePlus 13 માં 120Hz રિફ્રેશ રેટ સાથે 6.82-ઇંચ QHD+ LTPO 3K ડિસ્પ્લે છે. ડિસ્પ્લે 4,500 nits ની પીક બ્રાઇટનેસ સુધી જઈ શકે છે. તે Qualcomm ના Snapdragon 8 Elite પ્રોસેસર દ્વારા સંચાલિત છે અને Adreno 830 GPU સાથે આવે છે. OnePlus 13 24GB સુધી LPDDR5X RAM અને 1TB સુધી UFS 4.0 સ્ટોરેજ માટે સપોર્ટ સાથે પણ આવે છે.

આ ડિવાઇસમાં 6,000 mAh બેટરી છે જે 100W ફાસ્ટ ચાર્જિંગ અને 50W વાયરલેસ ચાર્જિંગને સપોર્ટ કરે છે. આ ડિવાઇસ ધૂળ અને પાણી પ્રતિકાર માટે IP68 અને IP69 રેટિંગ સાથે આવે છે.

ફોટોગ્રાફી માટે, OnePlus 13 50MP પ્રાઇમરી કેમેરા, 3x ઓપ્ટિકલ ઝૂમ અને 120x ડિજિટલ ઝૂમ સાથે 50MP ટેલિફોટો કેમેરા સેન્સર અને 50MP અલ્ટ્રા-વાઇડ-એંગલ સેન્સર સાથે આવે છે. ડિવાઇસ 32MP ફ્રન્ટ કેમેરા સાથે આવે છે.