5200 mAh બેટરી સાથે Moto G Power (2026) લોન્ચ

Moto G Power (2026) મંગળવારે પસંદગીના બજારોમાં લોન્ચ કરવામાં આવ્યો હતો. Moto G Power (2025) ના અનુગામી તરીકે આવેલા આ સ્માર્ટફોનમાં નાના મોટા સુધારાઓ સાથે કિંમત વધારે છે, પરંતુ તેમાં કોઈ મોટા અપગ્રેડ આપવામાં આવ્યા નથી. તે મીડિયાટેક ડાયમેન્સિટી 6300 પ્રોસેસરથી સજ્જ છે, જે તેના અગાઉના ફોનમાં હતા. જોકે, આ વર્ષના વર્ઝનમાં બે નવા રંગ વિકલ્પોમાં ઉપલબ્ધ છે તેમજ તેના ફ્રન્ટ કેમેરામાં અને ડિસ્પ્લે પ્રોટેક્શનમાં સુધારો કરવામાં આવ્યો છે. Moto G Power (2026) ની જાહેરાત કેનેડા અને યુએસ માટે કરવામાં આવી છે.

Moto G Power (2026) કિંમત, ઉપલબ્ધતા

Moto G Power (2026) ની કિંમત યુએસમાં $299.99 (આશરે રૂ. 27,100) અને કેનેડામાં CAD 449.99 (આશરે રૂ. 29,550) રાખવામાં આવી છે. આ સ્માર્ટફોન ઇવનિંગ બ્લુ અને પ્યોર કૈશ્મેયર કલર વિકલ્પોમાં ઉપલબ્ધ થશે. બંને બજારોમાં, આ હેન્ડસેટ 8 જાન્યુઆરીથી વેચાણ માટે ઉપલબ્ધ થશે, અને તેને સત્તાવાર વેબસાઇટ અને પાર્ટનર ઇ-કોમર્સ અને ઑફલાઇન સ્ટોર્સ પરથી ખરીદી શકાય છે.

Moto G Power (2026) ના સ્પેસિફિકેશન્સ

Moto G Power (2026) માં 120Hz ના રિફ્રેશ રેટ સાથે 6.8-ઇંચ ફુલ HD+ (2388× 1080p) LCD સ્ક્રીન છે. તેમાં હાઈ બ્રાઇટનેસ મોડ પણ છે જે લ્યુમીનોસિટીને 1,000 nits સુધી વધારી શકે છે. ડિસ્પ્લે કોર્નિંગ ગોરિલા ગ્લાસ 7i પ્રોટેક્શનથી સજ્જ છે.

આ સ્માર્ટફોન 5,200mAh બેટરીથી સજ્જ છે અને 30W વાયર્ડ ચાર્જિંગ સપોર્ટ અને 15W વાયરલેસ ચાર્જિંગ સપોર્ટ સાથે આવે છે. ઓડિયો ફ્રન્ટ પર, તે ડોલ્બી એટમોસ-સંચાલિત સ્ટીરિયો સ્પીકર્સ સાથે આવે છે.

સ્માર્ટફોન ઓક્ટા-કોર મીડિયાટેક ડાયમેન્સિટી 6300 ચિપસેટથી સજ્જ છે જે 8GB રેમ અને 128GB ઇનબિલ્ટ સ્ટોરેજ સાથે જોડાયેલ છે, જેને માઇક્રોએસડી કાર્ડ દ્વારા 1TB સુધી વધારી શકાય છે. હેન્ડસેટ એન્ડ્રોઇડ 16 પર ચાલે છે.
કેમેરા સેટઅપ જોઈએ તો,, Moto G Power (2026) માં ડ્યુઅલ રીઅર કેમેરા સેટઅપ છે જેમાં 50-મેગાપિક્સલનો મુખ્ય કેમેરા ઓપ્ટિકલ ઇમેજ સ્ટેબિલાઇઝેશન (OIS) અને 8-મેગાપિક્સલનો અલ્ટ્રા-વાઇડ શૂટર છે. સેલ્ફી અને વિડીયો કોલ માટે 32-મેગાપિક્સલ સેન્સર છે. કેમેરામાં ઓટો નાઇટ વિઝન, પોટ્રેટ મોડ, ઓટો સ્માઇલ કેપ્ચર અને શોટ ઓપ્ટિમાઇઝેશન જેવી ઘણી AI સુવિધાઓ છે.

વધુમાં, સ્માર્ટફોનમાં 3.5mm હેડફોન જેક, NFC સપોર્ટ, FM રેડિયો અને સાઇડ-માઉન્ટેડ ફિંગરપ્રિન્ટ સ્કેનરનો સમાવેશ થાય છે.