ઓપ્પોએ ચીનમાં Oppo Reno 15c સ્માર્ટફોન લોન્ચ કર્યો છે

ઓપ્પોએ ચીનમાં Oppo Reno 15c સ્માર્ટફોન લોન્ચ કર્યો છે. નવેમ્બરમાં, ઓપ્પોએ ચીનમાં રેનો 15 અને રેનો 15 પ્રો રજૂ કર્યા હતા. તે સમયે, બ્રાન્ડે જાહેરાત કરી હતી કે, તેઓ ડિસેમ્બરમાં રેનો 15c મોડેલ રજૂ કરશે. આ ફોન ક્વાલકોમના સ્નેપડ્રેગન 7 જેન 4 પ્રોસેસર દ્વારા સંચાલિત છે. તેમાં 80W ફાસ્ટ ચાર્જિંગ સપોર્ટ સાથે 6,500mAh બેટરી છે. Reno 15c માં 50-મેગાપિક્સલનો પ્રાથમિક કેમેરા છે. આજે આપણે તેના સ્પેસિફિકેશન્સ અને કિંમત પર એક નજર કરીશું. Oppo Reno 15c ના 12GB રેમ અને 256GB સ્ટોરેજ વેરિઅન્ટની કિંમત 2,899 Yuan (લગભગ રૂ. 37,162) છે, જ્યારે 12GB રેમ અને 512GB સ્ટોરેજ મોડેલની કિંમત 3,199 Yuan (લગભગ રૂ. 40,787) છે. ચીનમાં તેનું વેચાણ 19 ડિસેમ્બર શરૂ થશે. તે સ્ટારલાઇટ બો, ઓરોરા બ્લુ અને કોલેજ બ્લુ કલર વિકલ્પોમાં ઉપલબ્ધ થશે.

Oppo Reno 15c સ્પેસિફિકેશન્સ

Oppo Reno 15cમાં સ્નેપડ્રેગન 7 જેન 4 પ્રોસેસરનો ઉપયોગ કરવામાં આવ્યો છે. તેમાં 12GB રેમ અને સ્ટોરેજ વિકલ્પોમાં 256GB અને 512GB વેરિઅન્ટનો સમાવેશ થાય છે. Oppo Reno 15c 6,500mAh બેટરીથી સજ્જ છે અને તે 80W ફાસ્ટ ચાર્જિંગને સપોર્ટ કરે છે.

Oppo Reno 15c માં 1.5K રિઝોલ્યુશન અને 120Hz રિફ્રેશ રેટ સાથે 6.59-ઇંચ ફ્લેટ OLED ડિસ્પ્લે છે, જે રોજબરોજના ઉપયોગ અને મીડિયા વપરાશ માટે સ્મૂધ વિઝ્યુઅલ્સ અને અને શાર્પ ક્લેરિટી આપે છે. સિક્યોરિટી માટે તેમાં ઇન-સ્ક્રીન ફિંગરપ્રિન્ટ સેન્સર છે.

Oppo Reno 15c ટ્રિપલ રીઅર કેમેરા સાથે આવશે. તેમાં, 50-મેગાપિક્સલનો Sony LYT-600 પ્રાઇમરી કેમેરા, IMX355 સેન્સરનો ઉપયોગ કરતો 8-મેગાપિક્સલનો અલ્ટ્રા-વાઇડ કેમેરા અને Samsung JN5 સેન્સર સાથે 50-મેગાપિક્સલનો ટેલિફોટો કેમેરા છે. સેલ્ફી અને વિડીયો કોલ માટે 50-મેગાપિક્સલનો ફ્રન્ટ કેમેરા છે.

Oppo Reno 15c એન્ડ્રોઇડ 16 આધારિત કલરઓએસ 16 પર ચાલે છે. અન્ય સુવિધાઓમાં અંડર-ડિસ્પ્લે ફિંગરપ્રિન્ટ સ્કેનર, સ્ટીરિયો સ્પીકર્સ અને એક્સ-એક્સિસ લીનિયર મોટરનો સમાવેશ થાય છે.
કનેક્ટિવિટી ઓપ્શન્સમાં તે ડ્યુઅલ સિમ 5G, વાઇ-ફાઇ 6, બ્લૂટૂથ 5.4, NFC, IR બ્લાસ્ટર અને USB-C પોર્ટને સપોર્ટ કરે છે. તેમાં ગ્લાસ બેક ડિઝાઇન છે અને તે ધૂળ અને પાણી પ્રતિકાર માટે IP66, IP68 અને IP69 રેટિંગ સાથે આવે છે. તેની સાઈઝ 158 x 74.83 x 7.77mm છે અને તેનું વજન 197 ગ્રામ છે.