OnePlus 15T ટૂંક સમયમાં ચીનમાં લોન્ચ થશે : નવા વ્હાઇટ કલરનો ખુલાસો

OnePlus આ મહિનાના અંતમાં ચીનમાં OnePlus 15T લોન્ચ કરવાની તૈયારીમાં છે . આ ફોનમાં લોન્ચ પહેલા કંપનીએ આ હેન્ડસેટના  કેટલાક મહત્વપૂર્ણ સ્પેસિફિકેશન   અને ફીચર્સ જાહેર કર્યા છે . હવે કંપનીએ ફોન માટે ત્રીજો કલર વિકલ્પ પણ જાહેર કર્યો છે . સાથે જ આ ફોન ચીનમાં Oppoના ઓનલાઇન સ્ટોર મારફતે પ્રી -ઓર્ડર માટે ઉપલબ્ધ કરવામાં આવ્યો છે . કંપનીએ ફોનની ડિસ્પ્લે અને ડિઝાઇન સંબંધિત વધુ વિગતો પણ શેર કરી છે. તેની સાથે આ પુષ્ટિ કરવામાં આવી છે કે આ  ફોનનું મેટલ ફ્રેમ અને ચોરસ આકારના રિયર કેમેરા મોડયુલ સાથે આવશે .

ચીનના માઇક્રોબ્લોગિંગ પ્લેટફોર્મ Weibo પર શેર કરાયેલી પોસ્ટ મુજબ, OnePlus 15T હવે નવા " વ્હાઇટ ચોકલેટ " કલર વિકલ્પમાં પણ મળી રહેશે . આ કલર પહેલાથીથી જ જાહેર કરાયેલા "પ્યોર કોકો " (બ્રાઉન ) અને "રિલેક્સિંગ મેચા " (લીલો) કલર વિકલ્પો સાથે જોડાશે .

OnePlus 15Tમાં સ્પેસિફિકેશન અને ફીચર્સ:

કંપનીએ ડિસ્પ્લે સંબંધિત માહિતી આપતા કહ્યું છે કે OnePlus 15Tમાં 6.32 ઇંચ ડિસ્પ્લે હશે અને જેમાં માત્ર 1.1mm જેટલા પાતળા બેઝલ્સ હશે . તેમાં હોલ પંચ  ડિઝાઇન આપવામાં આવશે, જેમાં સલ્ફી કેમેરા હોઈ શકે છે . કંપનીએ વધુમાં જણાવ્યું છે કે ફોનના વ્હાઇટ કલર વેરિઅન્ટમાં પાછળની બાજુએ ગ્લાસ ફાઈબર પેનલ આપવામાં આવશે . કંપનીના દાવા મુજબ ફોનમાં વજન 50.50 હશે જ્યારે તેની પહોળાઈ 71.82mm હશે , જે ફોનને વધુ કોમ્પેકટ બનાવવામાં  મદદ કરશે .

હવે વાત ડિઝાઇનની તો આ OnePlus 15Tમાં ડયુઅલ રિયર કેમેરા સેટઅપ આપવામાં આવશે , જે ચોરસ આકારના મેટલ મોડયુલમાં આવશે . તેની સાથે LED  ફ્લેશ પણ આપવામાં આવશે . ફોનની જમણી બાજુએ પાવર બટન અને વોલ્યુમ કંટ્રોલ હશે , જયારે ડાબી બાજુએ એક વધારાનું બટન હશે , જે OnePlusની " "Plus Keys " હોઈ શકે છે .

કંપનીનો દાવો છે કે One Plus 15T  ધૂળ અને પાણીથી સુરક્ષા માટે IP66,  IP68,  IP69 અને  IP69K જેવા અનેક રેટિંગ્સ સાથે આવશે .જે તમારા ફોનને સુરક્ષિત રાખશે .