SanDisk Extreme Fit USB Type-C ફ્લેશ ડ્રાઈવ ભારતમાં રજૂ : " લીવ ઈન " ડિઝાઇન સાથે

SanDisk Extreme Fit USB Type-C ફ્લેશ ડ્રાઈવ ભારતમાં લોન્ચ :
સોમવારે ભારતમાં SanDisk Extreme Fit USB Type-C ફ્લેશ ડ્રાઈવ લોન્ચ કરવામાં આવી હતી. કંપનીનો દાવો છે કે આ 1TB સ્ટોરેજ ક્ષમતા ધરાવતી વિશ્વની  સૌથી નાની USB Type-C ફ્લેશ ડ્રાઈવ છે. તેને ભારે બાહ્ય સ્ટોરેજ ડિવાઇસ સાથે ફરવાની જરૂરિયાત વિના વધારાનો સ્ટોરેજ પ્રદાન કરવા માટે ડિઝાઇન  કરવામાં આવી છે .આ નવી ફ્લેશ ડ્રાઈવમાં કોમ્પેકટ " લીવ ઈન "ડિઝાઇન આપવામાં આવી છે , કંપની અનુસાર SanDisk Extreme Fit 400MB પ્રતિ સેકેન્ડ સુધીની ડેટા ટ્રાન્સફર  સ્પીડને સપોર્ટ કરે છે  અને વિધાર્થીઓ , પ્રોફેશનલ્સ તથા મોબાઈલ વપરાશકર્તાઓ માટે બનાવવામાં આવી છે .

SanDisk Extreme Fit ભારતમાં કિંમત અને ઉપલબ્ધતા :
ભારતમાં SanDisk Extreme Fit USB Type-C ફ્લેશ ડ્રાઈવની કિંમત 64GB વેરિઅન્ટ માટે રૂપિયા 2,049થી  શરૂ થાય છે જયારે 128GB મોડેલની  કિંમત રૂપિયા  2,799 રાખવામાં આવી છે . 256GB વેરિઅન્ટ રૂપિયા 4,899 જયારે 512GB મોડેલની કિંમત રૂપિયા 9,999ની આસપાસ આવે છે . ફ્લેશ ડ્રાઈવના  ટોપ એન્ડ 1TB વેરિઅન્ટની કિંમત રૂપિયા 17,299 રાખવામાં આવી છે .

કંપની અનુસાર આ ફ્લેશ ડ્રાઈવ દેશમાં ફક્ત Flipkart પર ખરીદી માટે ઉપલબ્ધ રહેશે .

SanDisk Extreme Fit ફીચર્સ અને સ્પેસિફિકેશન્સ :
SanDisk Extreme Fit USB Type-C ફ્લેશ ડ્રાઈવમાં અલ્ટ્રા કોમ્પેકટ ડિઝાઇન આપવામાં આવી છે , જે ઉપકરણમાં પ્લગ કર્યા પછી બહાર વધુ જગ્યા લેતી નથી . કંપની મુજબ આ ડ્રાઈવ ખાસ કરીને એવા વપરાશકર્તાઓ માટે યોગ્ય છે જેમને મુસાફરી દરમિયાન વધારાના સ્ટોરેજની જરૂર હોય .

આ ફ્લેશ ડ્રાઈવ 128GB થી 1TB વેરિઅન્ટ માટે 400MB/s  સુધીની રીડ સ્પીડ સપોર્ટ કરે છે  જયારે 64GB મોડેલ 300MB/s સુધીની રીડ સ્પીડ આપે છે . આ સ્પીડ ફોટા , વિડીયો અને દસ્તાવેજો જેવી ફાઈલનું ઝડપી ટ્રાન્સફર શક્ય બનાવે છે .

SanDisk ખાતે IMEAના સિનિયર ડિરેક્ટર ઓફ સેલ્સ તારિક  હુસેનીએ જણાવ્યું હતું કે નવી ફ્લેશ ડ્રાઈવ તેની કોમ્પેકટ અને "લીવ ઈન " ડિઝાઇન સાથે ઝડપી અને  ઉચ્ચ ક્ષમતાવાળી સ્ટોરેજ પ્રદાન કરે છે .તેને વારંવાર પ્લગ ઈન અથવા અનપ્લગ કરવાની જરૂર રહેતી નથી .

કંપની અનુસાર , આ ફ્લેશ ડ્રાઈવ USB Type-C ઉપકરણો , જેમ કે લેપટોપ,  ટેબ્લેટ અને અન્ય સપોર્ટેડ ગેજેટ્સ સાથે સુસંગત છે . તે SanDisk Memory Zone  એપ સાથે પણ કામ કરે છે , જે વપરાશકર્તાઓને ફાઈલ મેનેજમેન્ટ , બેકઅપ અને રીસ્ટોર કરવાની સુવિધા આપે છે . આ એપ Windows અને Mac ઉપકરણો માટે ઉપલબ્ધ છે  અને સેટિંગ્સ દ્રારા દ્રારા ઓટોમેટિક બેકઅપ પણ સપોર્ટ કરે છે .