IQOO Z11 165Hz ગેમિંગ ડિસ્પ્લે અને 9,020mAh બેટરી : ચીનમાં થશે લોન્ચ

iQOOએ ચીનમાં તેના આગામી iQOO Z11 સ્માર્ટફોન લોન્ચની સત્તાવાર જાહેરાત કરી છે . કંપનીના તાજેતરના સાતમા વર્ષગાંઠના કાર્યક્રમ દરમિયાન આ હેન્ડસેટને  હાઈલાઈટ કરવામાં આવ્યો હતો .જ્યાં આ સ્માર્ટફોનની કેટલીક મુખ્ય વિશેષતાઓ જાહેર કરવામાં આવી હતી . iQOO Z11 તાજેતરમાં ઘણા સર્ટિફિકેશન  પ્લેટફોર્મ પર પણ દેખાયો છે  જે સૂચવે છે કે તેનો લોન્ચ નજીકના દિવસોમાં થઇ શકે છે . કંપનીએ ડિવાઈસના કેટલાક મુખ્ય હાઈલાઈટની પુષ્ટિ કરી છે  જયારે તાજેતરના લીક્સ અને ટિપસ્ટર રિપોર્ટ્સ દ્રારા તેની વધુ વિગતો બહાર આવી છે .

iQOO Z11 સ્પષ્ટીકરણો અને સુવિધાઓ :
ગિઝમોચીનના અહેવાલ મુજબ IQOO પ્રોડક્ટ મેનેજર ઝિંગ ચેંગે કંપનીના સાતમા વર્ષગાંઠના કાર્યક્રમ દરમિયાન જણાવ્યું હતું કે આગામી iQOO Z11માં 165Hz  ગેમિંગ ડિસ્પ્લે અને વિશાલ 9,020mAh બેટરી હશે . કહેવામાં આવે છે કે આ iQOO Z11  સ્માર્ટફોનની બેટરી અત્યાર સુધી આપવામાં આવેલી સૌથી મોટી  બેટરી છે .

ટિપસ્ટર Digital Chat Stationએ Weibo પર શેર કરેલી પોસ્ટમાં આ વાત નો દાવો કર્યો છે કે iQOO Z11માં 6.83 ઇંચનો ફ્લેટ ડિસ્પ્લે હોઈ શકે છે જે 1.5K રિઝોલ્યુશન અને 165Hz સુધીના રિફ્રેશ રેટને સપોર્ટ કરશે . આ વિગતો કંપની દ્રારા ટીઝ કરાયેલા ગેમિંગ ફોક્સ ડિસ્પ્લે સાથે મેળ ખાતી જણાય છે . આ હેન્ડસેટમાં 9,020mAh બેટરી સાથે 90W વાયર્ડ ફાસ્ટ ચાર્જિંગ સપોર્ટ પણ મળી શકે છે . જો આ માહિતી સાચી સાબિત થાય તો આ બેટરી આ વર્ષની શરૂઆતમાં  ચીનમાં લોન્ચ થયેલા iQOO Z11 Turboમાં આપવામાં આવેલી 7,600mAh  બેટરી કરતા નોંધપાત્ર રીતે મોટી રહેશે .

લિક્સ અનુસાર iQOO Z11ને 16GB RAM અને 512GB ઓનબોર્ડ સ્ટોરેજ સુધીના કન્ફિગરેશનમાં રજૂ કરવામાં આવી શકે . આ સ્માર્ટફોન આ મહિનાના અંત  સુધી ચીનમાં  લોન્ચ થઇ શકે છે .જોકે કંપનીએ કોઈ પણ સત્તાવાર લોન્ચ તારીખ જાહેર કરી નથી .

કંપનીના એક મોટા અધિકારીએ ફોનની સંભવિત કિંમત વિશે સંકેતો પણ આપ્યા છે . iQOO Z11ની કિંમત ચીનમાં આશરે CNY 2,000 (રૂપિયા 26,700) થી CNY  3,000( રૂપિયા 40,100) વચ્ચે હોઈ શકે છે .

ચીનમાં  iQOO Z11 Turbo 12GB +256GB વેરિઅન્ટ માટે CNY 2,699 આશરે  (રૂપિયા 35,999)થી શરૂ થાય છે અને 16GB +1TB મોડેલ માટે CNY 3,999 આશરે (52,000) સુધી જાય છે .