OnePlus Nord Buds 4 Pro ભારતમાં લોન્ચ : જાણો ફીચર્સ , રંગ વિકલ્પો અને ઉપલબ્ધતા

OnePlus એ મંગળવારે જાહેરાત કરી છે કે તેનો નવો OnePlus Nord Buds 4 Pro  આ મહિનાના અંતમાં ભારતમાં લોન્ચ કરવામાં આવશે . આ ટ્રુ વાયરલેસ સ્ટીરીયો (TWS ) ઇયરબડ્સ દેશમાં Amazon , Flipkart અને OnePlusના અધિકૃત ઓનલાઇન સ્ટોર મારફતે વેચાણ માટે ઉપલબ્ધ રહેશે . કંપની  આ ઇયરબડ્સને બે કલર વિકલ્પોમાં રજૂ કરશે , જે છે Radiant Gray અને Raven Black. કંપનીએ આ વાતની પુષ્ટિ કરી છે કે OnePlus Nord Buds 4 Pro  ભાતમાં 19 માર્ચે બપોરે 12 વાગ્યે લોન્ચ થશે . ઈ-કોમર્સ પ્લેટફોર્મ્સ અને OnePlus વેબસાઈટ  પર સમર્પિત માઈક્રોસાઇટ પણ લાઈવ થઇ ગઈ છે જ્યાં આ TWSની મુખ્ય વિશેષતાઓ દર્શાવવામાં આવી છે .

ડિઝાઈનની વાત કરીએ તો , Nord Buds 4 Proમાં કાંકરા આકારનો ચાર્જિંગ કેસ મળશે જેમાં LED આપવામાં આવશે . ઈન-ઈયર સ્ટાઇલના ઇયરબડ્સ સિલિકોન  ટિપ્સ સાથે આવશે જેથી લાંબા સમય સુધી આરામદાયક ઉપયોગી મળી શકે .

ફીચર્સની વાત કરીએ તો , આ ઇયરબડ્સમાં 55db સુધીનું સક્રિય અવાજ રદ (ANC ) મળશે અને તેને TUV Rheinland ઉચ્ચ પ્રદર્શન અવાજ રદ પ્રમાણપત્ર પણ  પ્રાપ્ત થયું છે . તેમાં ટાઇટેનિયમ- કોટેડ 12mm ડ્રાઈવર્સ, Hi-Res વાયરલેસ ઑડિયો  અને LHDC 5.0 કોડેક માટે સપોર્ટ આપવામાં આવશે .

આ ઉપરાંત  OnePlus Nord Buds 4 Proમાં 3D  સ્પેશિયલ ઑડિયો અને ગેમ સાઉન્ડ સ્પેશિયલ ઑડિયો સપોર્ટ પણ મળશે . યુઝર્સ ઈયરબડ્સના સ્ટેમ પર સ્વાઇપ કરીને વોલ્યુમ કંટ્રોલ કરી શકશે .  તેમજ ટ્રેક પ્લે અથવા પોઝ કરવા માટે ટેપ કરી શકશે .આ ઈયરબડ્સમાં છ માઈક્રોફોન સેટઅપ આપવામાં આવશે  અને  AI  ક્લિયર કોલ ટેક્નોલોજી પણ મળશે .

કંપનીનો દાવો છે કે Nord Buds 4 Pro માનો ડ્રાઈવર Nord Buds 3 Pro કરતા 100 ટકા વધુ પાવર પ્રદાન કરે છે . આ TWS થોડું નાનું ચાર્જિંગ કેસ સાથે આવશે , જે અગાઉના મોડેલના કેસ કરતા લગભગ 10 ટકા વધુ કોમ્પેકટ હોવાનું કહેવાય છે .

 Nord Buds 3 Pro જુલાઈ 2024માં ભારતમાં રૂપિયા 3,299ની કિંમતે લોન્ચ થયો હતો . તેમાં 49db ANC અને 44 કલાક સુધીની બેટરી લાઇફનો દાવો કરવામાં  આવ્યો હતો . નવા Nord Buds 4 Pro માં અગાઉના મોડેલની સરખામણીમાં સુધારેલા ઑડિયો અને ફીચર્સ મળવાની અપેક્ષા છે .