Samsung Galaxy A57 TENAA લિસ્ટિંગમાં જોવા મળ્યો છે

Samsung Galaxy A57 સ્માર્ટફોનની ઇમેજ સામે આવી છે. ગયા અઠવાડિયે આ સ્માર્ટફોન TENAA લિસ્ટિંગમાં જોવા મળ્યો હતો, હવે તેના પિક્ચર સામે આવ્યા છે. જેમાં તે પર્પલ કલરમાં જોવા મળે છે. તેનો દેખાવ તેના અગાઉના Galaxy A56 જેવો જ છે પરંતુ, આ ડિવાઇઝ વધુ સ્લીમ છે. સ્પેસિફિકેશન પ્રમાણે Galaxy A57 6.9mmની સાઇઝમાં આવશે અને તેનું વજન 182 ગ્રામ રહેશે. Galaxy A56 7.4mm અને 198-ગ્રામ વજન સાથે આવે છે. Samsung Galaxy A57 તેના પુરોગામીની જેમ જ એલ્યુમિનિયમ ફ્રેમ અને ગ્લાસ બેક સાથે આવશે. Samsung Galaxy A57 6.6-ઇંચ ફૂલ એચડી ડિસ્પ્લે+ (1080 × 2340 પિક્સેલ્સ) ડિસ્પ્લે સાથે આવશે. જે 16 મિલિયન રંગોને સપોર્ટ કરે છે અને AMOLED પેનલ તરફ નિર્દેશ કરે છે. તે 5,000mAh બેટરી અને 45W ચાર્જિંગ સપોર્ટ સાથે આવશે. ફોન ટ્રિપલ કેમેરા સેટઅપ સાથે આવશે અને તેમાં 50MP મુખ્ય શૂટર રહેશે, જે પ્રદેશના આધારે આવી શકે છે. Sony IMX906 અથવા સેમસંગના પોતાના S5KGNJ સેન્સર સાથે આવશે. મુખ્ય કેમેરા 13MP (ISOCELL S5K3L6) અલ્ટ્રાવાઇડ લેન્સ અને 5MP (GalaxyCore GC05A3 મેક્રો) મેક્રો કેમેરા રહેશે.

સેમસંગ ગેલેક્સી A57 ને TENAA પર 6.6-ઇંચ ફુલ-એચડી+ (1080 × 2340 પિક્સેલ્સ) ડિસ્પ્લે સાથે સૂચિબદ્ધ કરવામાં આવ્યો છે જે 16 મિલિયન રંગોને સપોર્ટ કરે છે, જે AMOLED પેનલ તરફ નિર્દેશ કરે છે. ફોનમાં સુરક્ષા માટે ફેસ રેકગ્નિશન સપોર્ટ સાથે ઇન-ડિસ્પ્લે ફિંગરપ્રિન્ટ સેન્સર હોવાની પુષ્ટિ થઈ છે.

સેમસંગ ગેલેક્સી A57 માં 2.9GHz સુધીની ક્લોક સ્પીડ સાથે ઓક્ટા-કોર ચિપસેટ હોવાની અપેક્ષા છે, જે કદાચ આગામી Exynos 1680 હશે. તે 8GB અને 12GB RAM વેરિઅન્ટમાં 256GB સુધીના ઇનબિલ્ટ સ્ટોરેજ સાથે લોન્ચ થઈ શકે છે.

લિસ્ટિંગમાં દેખાતી લાઈવ તસવીરો ફોનની ડિઝાઇન દર્શાવે છે. જમણી બાજુએ, વોલ્યુમ રોકર અને પાવર બટન માટે થોડો ઉપસેલો કી આઈલેન્ડ છે, જ્યારે ડાબી બાજુ કોઈ બટન દેખાતા નથી. ફ્રન્ટ ઇમેજ સાફ નથી પણ સેલ્ફી કેમેરા માટે પંચ-હોલ કટઆઉટ દેખાય છે. પાછળના ભાગમાં, Galaxy A57 માં પીલ શેપ કેમેરા આઇલેન્ડ છે જે પાછળના પેનલથી થોડો બહાર નીકળે છે.

લોન્ચ સમયરેખાની વાત કરીએ તો, ટિપસ્ટર અભિષેક યાદવે અગાઉ સૂચવ્યું હતું કે સેમસંગ ફેબ્રુઆરીના પહેલા કે બીજા અઠવાડિયાની આસપાસ ગેલેક્સી A57 5G અને ગેલેક્સી A37 5G લોન્ચ કરી શકે છે.