OPPO Find X9 Ultra ચીનમાં બીજા ત્રિમાસિકગાળાની શરૂઆતમાં લોન્ચ થઈ શકે છે.

ઓપ્પો ફરી એકવાર તેના પ્રભાવશાળી ફીચર્સ અને હાર્ડવેર દ્વારા ધૂમ મચાવવા આવી રહ્યું છે. હાલમાં જ તેના રેન્ડર્સ જોવા મળ્યા જેમાં ફરી તે નવા માનક સ્થાપવાની તૈયારી કરી રહ્યું છે. OPPO Find X9 Ultra તેના શેર કરાયેલા રેન્ડરમાં ડ્યુઅલ-ટોન ફિનિશમાં દર્શાવાયું છે. પ્રીમિયમ મટિરિયલ્સ પર ભાર મૂકે છે. OPPO એક અત્યાધુનિક, રેટ્રો અને મજબૂત ડિઝાઇન તરફ ધ્યાન આપી રહ્યું છે જે તેને હાલમાં બજારમાં ઉપલબ્ધ કાચના સ્લેબથી અલગ પાડે છે. OPPO Find X9 Ultra ચીનમાં બીજા ત્રિમાસિકગાળાની શરૂઆતમાં લોન્ચ થઈ શકે છે, જ્યાં તે તેનો પ્રથમ જાહેર દેખાવ કરશે. વર્ષના અંતમાં ભારત સહિત વ્યાપક વૈશ્વિક રિલીઝનું આયોજન કરવામાં આવ્યું છે. તેનું ફિનિશિંગ જોઈએ તો, OPPO ક્લાસિક ઓલ-ગ્લાસ મોડેલ પણ ઓફર કરશે, ત્યારે સ્ટેન્ડઆઉટ ફ્લેગશિપ વેરિઅન્ટ ફીચરમાં ગ્લાસ, મેટલ અને ફોક્સ લેધરનું કુશળતાપૂર્વક કરાયેલું મિશ્રણ હશે.

Find X9 Ultra ઓછામાં ઓછા ત્રણ રંગમાં લોન્ચ થશે, જેમાં સ્લીક ઓલ-બ્લેક વર્ઝન, વાઇબ્રન્ટ ઓરેન્જ મોડેલ અને માટી જેવા બ્રાઉન ડ્યુઅલ-ટોન વિકલ્પનો સમાવેશ થાય છે. જ્યારે લોન્ચ સમયે વધુ કલર જાહેર કરી શકે છે, ત્યારે આ પ્રારંભિક ડિઝાઇન કંપની હાઇ-એન્ડ ટેક્સચર અને બોલ્ડ વિઝ્યુઅલ કોન્ટ્રાસ્ટ પર ધ્યાન કેન્દ્રિત કરી રહી હોવાનો સંકેત આપે છે. OPPO સ્પષ્ટપણે આ ડ્યુઅલ-ટોન ફિનિશ Find X9 Ultra મોડેલ્સ પર રેટ્રો પોન્ટ અને શૂટ કેમેરા લુક તરફ ઝુકાવ ધરાવે છે.

OPPO Find X9 Ultra ના સ્પેસિફિકેશન્સ

મળતી માહિતી પ્રમાણે OPPO Find X9 Ultra માં 120Hz રિફ્રેશ રેટ સાથે 6.82-ઇંચનો વિશાળ 2K AMOLED ફ્લેટ ડિસ્પ્લે હશે. આ ફોન સ્નેપડ્રેગન 8 Elite Gen 5 ચિપસેટ દ્વારા સંચાલિત હશે અને તે એન્ડ્રોઇડ 16 પર આધારિત નવીનતમ ColorOS 16 સોફ્ટવેર પર ચાલશે. તેમાં 7,300mAh બેટરી આવી શકે છે જે સુપરફાસ્ટ વાયર્ડ અને વાયરલેસ ચાર્જિંગને સપોર્ટ કરે છે.

Oppo ના કેમેરા

OPPO હંમેશા ફોટોગ્રાફીને પ્રાથમિકતા આપે છે, પરંતુ Find X9 Ultraનો કેમેરા એરે અસાધારણ નથી. મુખ્ય સેન્સર 200MP Sony LYT-901 છે, જે 1/1.12 ઇંચ f/1.5 અપર્ચર સાથે જોડાયેલ છે. આ JN5 સેન્સર સાથે 50MP અલ્ટ્રા-વાઇડ લેન્સ દ્વારા સપોર્ટેડ છે. જો કે, ખરી કરામત ડ્યુઅલ-ટેલિફોટો સેટઅપમાં રહેલી છે. તેમાં 3X ઓપ્ટિકલ ઝૂમ સાથે 1/1.28 ઇંચ 200MP OmniVision સેન્સર અને f/2.2 અપર્ચર, તેમજ 10X ઓપ્ટિકલ ઝૂમ માટે સક્ષમ 50MP LYT600 શૂટરનો સમાવેશ થાય છે. સાથે જ 300 mm ટેલિફોટો એક્સટેન્ડર, જે મોટા 1/1.28-ઇંચ સેન્સરનો ઉપયોગ કરીને 13.2X ઓપ્ટિકલ ઝૂમ આપે છે.

સેલ્ફી માટે ફ્રન્ટ પર 50MP કેમેરા સાથે, OPPO સ્પષ્ટપણે ઉદ્યોગમાં અનેક ગુણોથી ભરપૂર કેમેરા સિસ્ટમ હોવાની પદવી મેળવે તેમ લાગે છે.