Oppo K15 થયો લોન્ચ : 12GB RAM , 50MP કેમેરા અને 8,000mAh બેટરી સાથે મળશે આ સ્માર્ટફોન

Oppo એ ચીનમાં તેની K15 સિરીઝનો નવો સ્માર્ટફોન Oppo K15 લોન્ચ કર્યો છે . આ ફોન પહેલા લોન્ચ થયેલા Oppo K15 Pro અને Oppo K15 Pro+ સાથે સિરીઝમાં ઉમેરવામાં આવ્યા છે . હાલમાં Oppo K15 ને ચીનમાં કંપનીની સત્તાવાર વેબસાઈટ પર એક જ સ્ટોરેજ વેરિઅન્ટમાં વેચવામાં આવી રહ્યો છે . આ ફોન તમને બે કલર વેરિઅન્ટમાં મળી રહેશે .

Oppo K15 કિંમત અને ઉપલબ્ધતા :

Oppo K15 ના 12GB RAM અને 256GB સ્ટોરેજ ધરાવતા એકમાત્ર વેરિઅન્ટની કિંમત CNY 2,299 ( લગભગ રૂપિયા 33,000 ) રાખવામાં આવી છે . ફોન ચીનમાં Oppo ના સત્તાવાર ઓનલાઈન સ્ટોર પરથી ખરીદી શકાય છે . તે ગેલ ગ્રે અને રેપિડ વ્હાઇટ કલર વિકલ્પોમાં ઉપલબ્ધ છે .

Oppo K15  ફીચર્સ અને સ્પેસિફિકેશન્સ :

Oppo K15  ડયુઅલ - સિમ સ્માર્ટફોન છે અને Android 16 આધારિત ColorOS 16 પર ચાલે છે . તેમાં 6.59 ઈંચનું Full - HD+ AMOLED ડિસ્પ્લે આપવામાં આવ્યું છે , જેનું રિઝોલ્યુશન 1,256 x 2,760 પિક્સેલ છે . ડિસ્પ્લે 120Hz રિફ્રેશ રેટ , 240Hz ટચ સેમ્પલિંગ રેટ અને 1,200 nits સુધીની પીક બ્રાઇટનેસ સપોર્ટ કરે છે . કંપનીના જણાવ્યા અનુસાર , ફોનને ધૂળ અને પાણીથી સુરક્ષા માટે IP69 રેટિંગ પણ મળ્યું છે .

ફોનમાં MediaTek Dimensity 7360 Super ચિપસેટ આપવામાં આવ્યું છે , જેની મહત્તમ ક્લોક સ્પીડ 2.5GHz છે . તેમાં 12GB LPDDR4x  RAM અને 256GB UFS 3.1 સ્ટોરેજ મળે છે . વધુ સારી થર્મલ મેનેજમેન્ટ માટે ફોનમાં કુલિંગ ફેન અને વેપર ચેમ્બર કુલિંગ સિસ્ટમ આપવામાં આવી છે .

Oppo K15   કેમેરા અને બેટરી :

ફોટોગ્રાફી માટે Oppo K15માં ડયુઅલ રિયર કેમેરા સેટઅપ છે . તેમાં 50 મેગાપિક્સલનો મુખ્ય કેમેરા OIS અને ઓટોફોક્સ સાથે આપવામાં આવ્યો છે . તેની સાથે 50 મેગાપિક્સલનો અલ્ટ્રાવાઈડ કેમેરા પણ મળે છે . સેલ્ફી અને વિડીયો કોલિંગ માટે 50 મેગાપિક્સલનો ફ્રન્ટ કેમેરા આપવામાં આવ્યો છે . ફોન 4K/30fps સુધી વિડીયો રેકોર્ડિંગ સપોર્ટ કરે છે . 

Oppo K15માં 8,000mAhની મોટી બેટરી છે , જે 80W વાયર્ડ ફાસ્ટ ચાર્જિંગને સપોર્ટ કરે છે . કનેક્ટિવિટી માટે 5G , 4G LTE , Wi-Fi 6 , Bluetooth 5.4 અને USB Type-C નો સપોર્ટ મળે છે . ફોનમાં ઈન - ડિસ્પ્લે ફિંગરપ્રિન્ટ સેન્સર અને IR બ્લાસ્ટર પણ આપવામાં આવ્યા છે . તેનું વજન આશરે 206 ગ્રામ છે .