ભારતમાં લોન્ચ Kia Syros EV, Cretaને આપશે ટક્કર

Kia Indiaએ ભારતીય બજારમાં પોતાની નવી Kia Syros EV લોન્ચ કરી છે. કંપનીની ભારતમાં સ્થાનિક સ્તરે ઉત્પાદિત આ બીજી ઇલેક્ટ્રિક કાર છે. નવી ઇલેક્ટ્રિક SUV બે બેટરી પેક વિકલ્પ સાથે ઉપલબ્ધ છે અને એક વખત સંપૂર્ણ ચાર્જ કર્યા બાદ 526 કિમી સુધીની સર્ટિફાઇડ ડ્રાઇવિંગ રેન્જ આપવાનો દાવો કરે છે. આ ઉપરાંત SUVમાં Level 2 ADAS, 30 ઇંચનું Trinity ડિસ્પ્લે, પેનોરામિક સનરૂફ, આગળ અને પાછળ વેન્ટિલેટેડ સીટ્સ, 100kW DC ફાસ્ટ ચાર્જિંગ અને પ્રથમ માલિક માટે 15 વર્ષની અનલિમિટેડ કિલોમીટર બેટરી વોરંટી જેવા ફીચર્સ આપવામાં આવ્યા છે.

Kia Syros EV કિંમત :

Kia Syros EVની શરૂઆતની એક્સ-શોરૂમ કિંમત ₹13.49 લાખ રાખવામાં આવી છે. 51.4kWh Extended Range વેરિઅન્ટની શરૂઆતની કિંમત ₹16.99 લાખ છે, જ્યારે ટોપ X-Line ER વેરિઅન્ટ ₹19.99 લાખમાં ઉપલબ્ધ રહેશે. તેની ડિલિવરી 30 જુલાઈથી શરૂ થશે. કંપની આ SUVને 7 વેરિઅન્ટ અને 9 એક્સટિરિયર કલર વિકલ્પમાં રજૂ કરી રહી છે. તેમાં X-Line વેરિઅન્ટ માટે વિશેષ Matte Graphite કલર પણ ઉપલબ્ધ છે.

Kia Syros EV  બેટરી :

નવી Kia Syros EVમાં 42kWh અને 51.4kWh એમ બે બેટરી પેક વિકલ્પ આપવામાં આવ્યા છે. કંપનીના જણાવ્યા મુજબ, 42kWh બેટરી ધરાવતું મોડલ 443KM સુધીની સર્ટિફાઇડ રેન્જ આપે છે, જ્યારે 51.4kWh બેટરી ધરાવતું મોડલ 526KM સુધીની ડ્રાઇવિંગ રેન્જ ઓફર કરે છે.

Kiaનો દાવો છે કે 500KMથી વધુ સર્ટિફાઇડ રેન્જ આપનારી પોતાના સેગમેન્ટની આ પ્રથમ ઇલેક્ટ્રિક SUV છે. મોટી બેટરી ધરાવતું મોડલ 0થી 100 કિમી પ્રતિ કલાકની ઝડપ માત્ર 8.1 સેકન્ડમાં પકડી શકે છે.

ચાર્જિંગની વાત કરીએ તો Kia Syros EV 100kW DC ફાસ્ટ ચાર્જરને સપોર્ટ કરે છે. કંપનીના જણાવ્યા મુજબ, બેટરી માત્ર 39 મિનિટમાં 10 ટકાથી 80 ટકા સુધી ચાર્જ થઈ જાય છે.

EV ખરીદનાર ગ્રાહકો માટે કંપનીએ કેટલાક નવા ઓનરશિપ લાભોની પણ જાહેરાત કરી છે. પ્રથમ માલિકને 15 વર્ષની અનલિમિટેડ કિલોમીટર હાઇ-વોલ્ટેજ બેટરી વોરંટી મળશે. ઉપરાંત Battery-as-a-Service (BaaS) ફાઇનાન્સિંગ, ત્રણ વર્ષ પછી 80 ટકા સુધીની Assured Buyback Value અને દેશભરમાં 20,300થી વધુ K-Charge ચાર્જિંગ પોઇન્ટ્સનો ઉપયોગ કરવાની સુવિધા પણ આપવામાં આવશે.

Kia Syros EV ફીચર્સ :

ફીચર્સની વાત કરીએ તો Kia Syros EVના કેબિનમાં 30 ઇંચનું Trinity ડિસ્પ્લે આપવામાં આવ્યું છે, જેમાં ડિજિટલ ઇન્સ્ટ્રુમેન્ટ ક્લસ્ટર, ઇન્ફોટેનમેન્ટ સ્ક્રીન અને ક્લાઇમેટ કંટ્રોલ ઇન્ટરફેસને એકસાથે જોડવામાં આવ્યા છે. તે ઉપરાંત વાયરલેસ Android Auto, Apple CarPlay, Harman Kardonનું 8-સ્પીકર સાઉન્ડ સિસ્ટમ, પેનોરામિક સનરૂફ, વાયરલેસ ફોન ચાર્જર, પાવર્ડ ડ્રાઇવર સીટ, એમ્બિયન્ટ લાઇટિંગ, આગળ અને પાછળ વેન્ટિલેટેડ સીટ્સ તેમજ 16 લિટરનું ફ્રંક પણ આપવામાં આવ્યું છે.

સુરક્ષાના મામલે Kia Syros EVમાં 6 એરબેગ્સ, Level 2 ADAS સાથે 16 એડવાન્સ્ડ ડ્રાઇવિંગ અસિસ્ટન્સ ફીચર્સ, 360 ડિગ્રી કેમેરા, બ્લાઇન્ડ વ્યૂ મોનિટર, ફ્રન્ટ, રિયર અને સાઇડ પાર્કિંગ સેન્સર, Electronic Stability Control (ESC), Hill Start Assist, Electronic Parking Brake, Tyre Pressure Monitoring System (TPMS) અને ISOFIX ચાઇલ્ડ સીટ માઉન્ટ જેવા ફીચર્સ આપવામાં આવ્યા છે.

ડિઝાઇનની વાત કરીએ તો નવી Syros EVનો દેખાવ મોટા ભાગે તેના ICE મોડલ જેવો જ રાખવામાં આવ્યો છે. જોકે, ઇલેક્ટ્રિક મોડલને અલગ ઓળખ આપવા માટે નવા બમ્પર, Ice Cube LED હેડલેમ્પ્સ, Star Map LED લાઇટિંગ, Aero-Optimised એલોય વ્હીલ્સ અને ફ્લશ ડોર હેન્ડલ્સ આપવામાં આવ્યા છે.