Realme ભારતમાં Realme Watch 5 લોન્ચ કરશે.

Realme ભારતમાં Realme Watch 5 લોન્ચ કરશે. થોડા દિવસ અગાઉ જ કંપનીએ તદ્દન નવી વોચ લોન્ચ કરશે તેમ જણાવ્યું હતું. તેની લોન્ચ ડેટ હજુ જાણવા મળી નથી. પરતું, તાજેતરમાં ફ્લિપકાર્ટ પર તેની ઉપલબ્ધતાએ આ વાતની પુષ્ટિ કરી છે. Realme એ આ સ્માર્ટવોચના મુખ્ય સ્પેસિફિકેશન્સ જાહેર કર્યા છે. Realme Watch 5 માં 1.97-ઇંચ AMOLED ડિસ્પ્લે છે જે 390×450 પિક્સેલ રિઝોલ્યુશન, 600 nits બ્રાઇટનેસ, 60Hz રિફ્રેશ રેટ અને 79 ટકા સ્ક્રીન-ટુ-બોડી રેશિયો ધરાવે છે. તેમાં એલ્યુમિનિયમ એલોય ક્રાઉન અને હનીકોમ્બ સ્પીકર હોલનો સમાવેશ થાય છે. સ્ક્રીન હંમેશા-ઑન ડિસ્પ્લેને સપોર્ટ કરે છે, અને Realme કહે છે કે તે દિવસ અને રાત બંનેમાં કામ કરી શકે છે. આ ઘડિયાળ 460mAh બેટરી દ્વારા સંચાલિત છે. તે 16 દિવસ સુધી સામાન્ય ઉપયોગ, લાઇટ સ્માર્ટ મોડમાં 20 દિવસ સુધી અને 720 મિનિટ સુધી બ્લૂટૂથ કૉલિંગ પ્રદાન કરે છે.

ફિટનેસ ટ્રેકિંગ માટે, વોચ 5 108 સ્પોર્ટ્સ મોડ્સ સાથે આવે છે. તેમાં સચોટ આઉટડોર ટ્રેકિંગ માટે 5 GNSS સિસ્ટમ્સ સાથે સ્પોર્ટ્સ ઇન્ડિપેન્ડન્ટ GPS પણ છે. વપરાશકર્તાઓ ડેઇલી એક્ટિવિટી ડેટાચકાસી શકે છે અને એક ટેપથી સ્પોર્ટ્સ ડેટા જોઈ શકે છે. હેલ્થ ફીચર્સમાં સ્લીપ મોનિટરિંગ, બ્રિધિંગ ટ્રેનિંગ, માસિક સ્રાવ વ્યવસ્થાપન, હાર્ટ રેટ મોનિટરિંગ, SpO2 મેક્સ મોનિટરિંગ અને સ્ટ્રેસ મોનિટરિંગનો સમાવેશ થાય છે.

Realme Watch 5 માં ધૂળ અને પાણી સામે રક્ષણ અંગે IP68 રેટિંગ, કંપાસ, NFC કાર્ડ સપોર્ટ, HD બ્લૂટૂથ કોલિંગ અને સ્વતંત્ર બ્લૂટૂથ ઇન્ટરકોમનો સમાવેશ થાય છે. ઘડિયાળ 300 થી વધુ વોચ ફેસ થીમ્સ ઓફર કરે છે. આમાં કસ્ટમાઇઝેબલ, મલ્ટી-ફંક્શનલ, એનિમેશન અને આલ્બમ વિકલ્પો શામેલ છે. તે મુખ્ય પોસ્ટ સ્પોર્ટ્સ ઇન્ડિકેટર અને ગેમ ગાર્ડિયન મોડ પણ પ્રદાન કરે છે. ઘડિયાળ પ્રીસેટ ગોલ, પેસિંગ મેટ્રોનોમ, સ્માર્ટ રનિંગ પાર્ટનર અને રનિંગ કોર્સ સાથે ઓન-રિસ્ટ કોચ તરીકે કામ કરે છે.

આ સ્માર્ટવોચમાં સ્કિન-સેફ મટિરિયલ્સમાંથી બનાવેલ 3D-વેવ સ્ટ્રેપ છે. તેને સાફ કરવું સરળ છે અને અંધારામાં પણ દેખાય છે. Realme એ પહેલાથી જ વૈશ્વિક બજારોમાં Watch 5 લોન્ચ કરી છે, અને ભારતમાં લોન્ચ તારીખ ટૂંક સમયમાં જાહેર થવાની અપેક્ષા છે. Realme તેની આ વૉચ દ્વારા તેના વપરાસકારોને પ્રીમિયમ અનુભવ આપવાનો લક્ષ્ય રાખે છે.