Honda QC3 આવ્યું નવા અવતારમાં 3kWh બેટરી અને TFT ડિસ્પ્લે સાથે કરશે એન્ટ્રી

Honda એ પોતાનું નવું QC3 ઇલેક્ટ્રિક સ્કૂટર રજૂ કર્યું છે . તેમાં 3kWhની ફિક્સ્ડ બેટરી , 150 કિમીથી વધુ IDC રેન્જ, 5 ઈંચનું TFT ડિસ્પ્લે આપવામાં આવી છે

Written by Gadgets 360 Staff અપડેટ કર્યું: 25 જુલાઈ 2026 23:15 IST

Honda QC3 આવ્યું નવા અવતારમાં 3kWh બેટરી અને TFT ડિસ્પ્લે સાથે કરશે એન્ટ્રી

આ ઇલેક્ટ્રિક સ્કૂટરમાં 3kWhની ફિક્સ્ડ બેટરી છે .

હાઇલાઇટ્સ

કંપનીના પોર્ટફોલિયોમાં પહેલેથી જ " Activa e " અને QC1 જેવા ઇલેક્ટ્રિક સ્ક
Honda QC3 માં 3kWhનો ફિક્સ્ડ બેટરી પેક આપવામાં આવ્યો
સ્કૂટરમાં 5 ઈંચનું TFT ઇન્સ્ટ્રુમેન્ટ ક્લસ્ટર આપવામાં આવ્યું

જાહેરાત

દેશના ટૂ -વ્હીલર માર્કેટમાં મજબૂત હાજરી ધરાવતી Honda Motorcycle & Scooter India ( HMSI ) એ પોતાનું નવું QC3 ઇલેક્ટ્રિક સ્કૂટર રજૂ કર્યું છે . કંપનીના પોર્ટફોલિયોમાં પહેલેથી જ " Activa e " અને QC1 જેવા ઇલેક્ટ્રિક સ્કૂટર ઉપલબ્ધ છે , જયારે હવે QC3 વધુ લાંબી રેન્જ , ફિક્સ્ડ બેટરી પેક અને આધુનિક કનેક્ટેડ ટેક્નોલોજી સાથે આવ્યો છે .

Honda QC3 માં 3kWhનો ફિક્સ્ડ બેટરી પેક આપવામાં આવ્યો છે . કંપનીના જણાવ્યા મુજબ , તેની બેટરીને 0 થી 80 ટકા સુધી ચાર્જ કરવામાં અંદાજે 2.40 કલાક લાગે છે . મીડિયા રિપોર્ટ અનુસાર , આ સ્કૂટર સિંગલ ચાર્જમાં 150 કિલોમીટરથી વધુ IDC રેન્જ આપી શકે છે . સ્કૂટરના સીટની નીચે લગભગ 32 લિટર સ્ટોરેજ સ્પેસ આપવામાં આવ્યો છે , જેથી રોજિંદા ઉપયોગમાં વધુ સુવિધા મળે છે . તેમાં " સ્માર્ટ કી સિસ્ટમ " પણ આપવામાં આવી છે .

સ્કૂટરમાં 5 ઈંચનું TFT ઇન્સ્ટ્રુમેન્ટ ક્લસ્ટર આપવામાં આવ્યું છે , જે કનેક્ટેડ ફીચર્સને સપોર્ટ કરે છે . ડિસ્પ્લે પર વાહન સંબંધિત મહત્વપૂર્ણ માહિતી જોવા મળે છે . સાથે જ તેમાં " Honda RoadSync " કનેક્ટિવિટી , ટર્ન - બાય - ટર્ન નેવિગેશન અને અન્ય સ્માર્ટ ફંક્શન્સનો પણ સપોર્ટ આપવામાં આવ્યો છે .

Hondaનું કહેવું છે કે QC3 ખાસ કરીને એવા ગ્રાહકો માટે તૈયાર કરવામાં આવ્યું છે , જેઓ રોજિંદા મુસાફરી દરમિયાન વધુ રેન્જ અને આધુનિક સુવિધાઓ ઈચ્છે છે . ભારતમાં હાલમાં Activa eની શરૂઆતની કિંમત રૂપિયા 1.17 લાખ ( એક્સ - શોરૂમ ) છે તે એક વખતના ચાર્જમાં લગભગ 102 કિલોમીટરની રેન્જ આપે છે . બીજી તરફ QC1ની શરૂઆતની કિંમત રૂપિયા 90,022 ( એક્સ - શોરૂમ ) છે અને તેની રેન્જ લગભગ 80 કિલોમીટર છે .

ભારતીય ઇલેક્ટ્રિક સ્કૂટર માર્કેટમાં Hondaનો સીધો મુકાબલો Bajaj Auto , TVS Motor , Ather Energy અને Ola Electric જેવી કંપનીઓ સાથે છે .

Activa eમાં પણ મળે છે એડવાન્સ ફીચર્સ :

Hondaના Activa eમાં LED હેડલેમ્પ , બંને બાજુ ટર્ન ઈન્ડિકેટર્સ અને આગળ LED DRL આપવામાં આવ્યા છે . સ્કૂટરમાં 1.5kWhની બે સ્વેપેબલ બેટરી આપવામાં આવી છે , જે મળીને બેટરી સિસ્ટમ બનાવે છે , તેમાં Standard , Sport અને Econ એમ ત્રણ રાઇડિંગ મોડ્સ ઉપલબ્ધ છે . ઉપરાંત , Honda RoadSync Duo ફીચરની મદદથી સ્માર્ટફોનને બ્લૂટૂથ દ્રારા કનેક્ટ કરી ફોન કોલ્સ અને નેવિગેશન જેવી સુવિધાઓનો ઉપયોગ કરી શકાય છે . Hondaનું પેટ્રોલ સંચાલિત Activa ભારતના સૌથી વધુ વેચાતા સ્કૂટરમાંનું એક છે .