Florida State University હુમલા પહેલા શૂટરે AI પાસેથી માંગેલી માહિતી , તપાસ જારી 

અમેરિકામાં Florida State University ખાતે થયેલા માસ ગોળીબાર કેસમાં એક નવો ખુલાસો થયો છે . આરોપી Phoenix Ikner વિશે એવું કહેવાઈ રહ્યું છે કે  તેણે હુમલા પહેલા ChatGPT સાથે વાતચીત કરી હતી . રિપોર્ટ મુજબ , ઇકનરે ChatGPTને પૂછ્યું હતું કે તે રાષ્ટ્રીય સ્તરે મીડિયાનું ધ્યાન પોતાની તરફ ખેંચવા માટે કેટલા  લોકોના મોત થવા જોઈએ .  આની માટે દાવો કર્યો હતો કે ચેટબોટ આ પ્રશ્નનો સીધો ઇનકાર કર્યો નહોતો , પરંતુ સામાન્ય રીતે 3 અથવા વધુ  લોકોના મોત થાય તો મોટી મીડિયા કવરેજ મળે છે એવું જણાવ્યું હતું .

આ ઉપરાંત , એવો પણ આરોપ છે કે ઇનકરે ગન કેવી રીતે વાપરવી તે મદદ માંગી હતી . તેણે ગ્લોક પિસ્ટલની તસ્વીર અપલોડ કરી હતી અને તેને કેવી રીતે  ચલાવવી તે અંગે માહિતી  માંગી હતી .  જેમાં ગન હેન્ડલિંગ અને મીડિયા કવરેજ જેવા પ્રશ્નો સામેલ હતા . તેણે શોટગન વિશે પણ પ્રશ્ન કર્યો હોવાનું કહેવાય છે .

આ ઘટનાથી માત્ર થોડા જ મિનિટ પહેલા તેની ચેટજીપીટી સાથે વાતચીત થઈ હતી . આ હુમલામાં બે લોકોના મોત થયા અને છ લોકો ઘાયલ થયા . હાલમાં ઇનકર  કસ્ટડીમાં છે અને તેના પર હત્યા અને હત્યાના પ્રયાસ જેવા ગંભીર આરોપો છે .

રિપોર્ટમાં એવું પણ કહેવામાં  આવ્યું છે કે ઇનકરે પોતાની માનસિક સ્થિતિ વિશે પણ ChatGPTને જણાવ્યું હતું , જેમાં તે હતાશ અને આત્મહત્યાની લાગણી અનુભવી રહ્યો હતો  . છતાં, આ વાતચીત કોઈ નિર્ણય પર પહોંચી શકી નહીં .

OpenAI એ આ મામલે કહ્યું છે કે ChatGPT તેના યુઝરના કામ માટે જવાબદાર નથી . કંપનીએ આ ઘટનાના પછી અધિકારીઓ સાથે સહકાર આપ્યો હોવાનું પણ જણાવ્યું છે  .

આ મામલે ફ્લોરિડા રાજ્યમાં તપાસ શરૂ થઈ ગઈ છે અને James Uthmeier એ પણ આ કેસમાં AIની ભૂમિકા અંગે તપાસ કરવાની વાત કરી છે . ટૂંકમાં કહીએ  તો આ કેસ એ પ્રશ્ન ઉભો કરે છે કે AI ટુલ્સનો ઉપયોગ કેવી રીતે થાય છે અને તેની જવાબદારી કોણ લે છે .