પ્રથમ સેલ્ફી વિડીયો બન્યો સુપરહિટ , PM મોદીના ઇન્સ્ટાગ્રામ ફોલોઅર્સ 105 મિલિયન પાર

NEET પેપર લીક મામલે થયેલા વિરોધ પ્રદર્શનો અંગે વાત કરતા વડાપ્રધાન નરેન્દ્રભાઈ મોદીએ પોતાના ઇન્સ્ટાગ્રામ પર પ્રથમ વખત સેલ્ફી વિડીયો શેર કર્યો હતો . આ વિડીયો શેર થયા બાદ તેમના ફોલોઅર્સની સંખ્યમાં ઝડપી વધારો થયો . વિડીયો પોસ્ટ કરતા પહેલા તેમના ઇન્સ્ટાગ્રામ પર 101 મિલિયન ફોલોઅર્સ હતા , જે માત્ર ચાર દિવસમાં વધીને 105 મિલિયન ફોલોઅર્સ થઈ ગયા . એટલે કે તેમને 4 મિલિયન નવા ફોલોઅર્સ મળ્યા . આ વધારો તેમના વાયરલ થયેલા સેલ્ફી વીડિયોને કારણે થયો હોવાનું માનવામાં આવે છે .

વડાપ્રધાન મોદીએ 23 જુલાઈ , 2026ની રાત્રે 11:52 વાગ્યે પોતાનો પ્રથમ સેલ્ફી વિડીયો પોસ્ટ કર્યો હતો . આ વિડીયો લોકોને ખુબ પસંદ આવ્યો અને અત્યાર સુધીમાં તેને 396 મિલિયનથી વધુ વ્યૂઝ મળ્યા છે . વિડીયો વાયરલ થતા જ થોડા સમયમાં તેમની સાથે લગભગ 1.4 મિલિયન નવા ફોલોઅર્સ જોડાયા .

ત્યારબાદના થોડા કલાકોમાં જ તેમને બીજો સેલ્ફી વિડીયો શેર કર્યો , તેમાં તેમણે પહેલા વીડિયોને મળેલા જબરદસ્ત અભિપ્રાયનો ઉલ્લેખ પણ કર્યો હતો અને લોકોનું આભાર પણ માન્યો . આ વિડીયોને  પણ  લોકોનો સારો અભિપ્રાય મળ્યો અને અત્યાર સુધીમાં તેને 273 મિલિયન વ્યૂઝ મળી ચૂક્યા છે .

આ પછી વડાપ્રધાન મોદીએ ત્રીજો સેલ્ફી વિડીયો પોસ્ટ કર્યો . તેમાં તેમને પરીક્ષા વ્યવસ્થામાં સુધારા માટે એક ટાસ્ક ફોર્સ બનાવવાની જાહેરાત કરી . પરીક્ષાઓને વધુ પારદર્શક બનાવવા માટે આ પગલું લેવામાં આવ્યું હોવાનું તેમને જણાવ્યું . આ ત્રીજા વીડિયોને અત્યાર સુધીમાં 167 મિલિયન વ્યૂઝ મળ્યા છે .

આ ત્રણેય સેલ્ફી વિડીયો બાદ વડાપ્રધાન મોદીના ઇન્સ્ટાગ્રામ એકાઉન્ટની લોકપ્રિયતામાં મોટો વધારો જોવા મળ્યો . માત્ર ચાર દિવસમાં જ તેમના ફોલોઅર્સની સંખ્યામાં 4 મિલિયનનો વધારો થયો , જે હાલના સમયમાં સૌથી ઝડપી માનવામાં આવે છે .